Aepa Gemae 48:22 - The Keyagana NT and 25 OT books

²² Nagaemo muki yaʼanimo aliʼna fako huʼna magoke aiyaya huʼna konagakamogimo apamiguvaʼmonanafa kagaemo aeʼna apaka seʼna magoʼe yaʼmo kamiteʼna naipeʼe atiletiʼeʼmo Emo nofi vayaʼeʼmo kamemo huʼna aeʼna apaka seteʼna mopaʼapimo aliʼnova mopamo kamiʼnove, huno ha paiʼniye.

Aepa Gemae 48:22 ပူးပေါင်းရင်းမြစ်များ

Aepa Gemae 15:16

Foʼa kaginago nofi vayakamo afole aiteʼapaeʼmo halate atagineʼa manileʼmo egae. Emo nofi vayaʼmogi hosu kavaʼapimoʼmo kosime kosime haineno ani afinaʼmo havai tegaiyamofeʼmae.

Aepa Gemae 33:19

Ani mopamo Sekemi afoʼamo Hamo mafaʼne anagaʼmogi mopamo vani hataleti siluva agufa moniletiʼmo miya faiʼniye.

Aepa Gemae 34:28

Apakaemo sipisipi anagaʼapigi pulumaka anagaʼapigi noki anagaʼapigi ani taonifiʼmo muki haneʼniya yanagi malaga haneʼniya yanagi huʼa aliʼnae.

Yoni 4:5

Sameliya kotega mago taonimo agiʼamo Saika kotegamo uno avaʼyi huʼniye. Ani haopalega Yekopuʼa mago mopamo alino mafaʼneʼamo Yosefeʼmo amiʼniya mopamo haneʼniye.

Yasuva 24:32

Isaleli vayaʼmogimo Yosefe ayamufamo Isipi kotegatiʼmo aliniʼa eʼnaya ayamufamo Sekemi taonifiʼmo kiʼa ateʼnae. Akeyaʼvilagamo Yekopuʼa Hemo nofi vayaʼmogi mopamo vani hataleti siluva moniletiʼmo miya fai maleʼniya mopaleʼmo kiʼa ateʼnae. Hemo mafaʼnemo Sekemiʼae. Isaleli vayaʼmogimo kiʼa ateʼnaya mopaeʼmo Yosefe nofi vayaʼmogi mopae, huʼa huʼnae.