Aepa Gemae 48:21 - The Keyagana NT and 25 OT books

²¹ Isaleliʼa Yosefefeʼmo ha painoʼaeʼmo, nagaemo falisuva kanaʼnimo alagi hogo huʼniye. Hogo huʼniyaʼmonanafa Gotiʼa lapakaeʼeʼmo magokepi lokaeno maiʼneno lapakinago vayaʼai mopaleʼmo halate afaʼa lapavalelino ugiye.

Aepa Gemae 48:21 ပူးပေါင်းရင်းမြစ်များ

Aepa Gemae 12:5

Emalemi aʼamo Selaiʼagi aganaʼamo mafaʼnemo Lotiʼagi muki aliʼniya kagemiyaʼaʼeʼmo aliteno apavalelino uʼniye. Muki aliʼyaʼamo neʼaliya vayaʼeʼmo apavaleʼnigeʼa muki yaʼapimo aliteʼa Halani taonifatiʼmo Kenani kotegamo uʼnae.

Aepa Gemae 15:14

Henagaʼamo nagaemo aliʼyaʼapimo alisayafeʼmo aliʼa apaiyafiʼmo apateʼnaya vayaʼmo agoti huʼna apatetesugeʼapaeʼmo apataleʼa kagemi yaʼapimo aliniʼa ugae.

Aepa Gemae 15:16

Foʼa kaginago nofi vayakamo afole aiteʼapaeʼmo halate atagineʼa manileʼmo egae. Emo nofi vayaʼmogi hosu kavaʼapimoʼmo kosime kosime haineno ani afinaʼmo havai tegaiyamofeʼmae.

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Aepa Gemae 37:1

Yekopu Afoʼamoʼmo kalaga hageno eno Kenani koteʼmo maiʼniyaʼmofeʼmo Yekopuʼa ani kote maiʼniye.

Aepa Gemae 46:4

Nagaemo kagaeʼeʼmo Isipi kotegamo magokepi lokaeʼna uteʼnaeʼmo kagiyokamogi uʼa aliʼa apatesageʼa uʼa aliʼa apatesaya vayaʼmo halate apavaleliʼna egauve. Falisana afinaʼmo Yosefeʼa kaulagamo alino fali kaeno kategaiye, huno ha paiʼniye.

Aepa Gemae 47:29

Isaleliʼa falisiya kanaʼamo ago hogo huʼnigenoʼaeʼmo mafaʼneʼamo Yosefefeʼmo ge huʼnigeno eʼnigeno ha painoʼaeʼmo, Hemenimo nagaefeʼmo nahaoke heʼnana gemo kahauya huʼna ageʼnisuvana kayaʼmo naluʼmo afeʼalumenagamo maleʼneka polomasi hukaeʼmo, kagaetegamo alagepa kavaʼmo huʼna geʼnimo akame huʼna Isipi koteʼmo kiʼna okategauve, huka naha paiyo.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

Aepa Gemae 50:6

Feloʼa hunoʼaeʼmo, Afokamoʼmo kagaefeʼmo hunoʼaeʼmo, kagoʼyamo ataleteka Kenani kotegamo aliniʼna uʼna kiʼna kategauve, huka naha paiyo, huno kaha paiʼniyaʼmofeʼmo alinika uka kika ato, huno ha paiʼniye.

Samu 18:46

Ala kava neʼmo afaʼageʼmo maiʼniye. Nagufamo alino katino neʼnateya Goti agiʼaleʼmo alita asaga higetao.

Luki 2:29

Ala kava nene, huno, Naha paiʼnana kavaʼmo hemenimo ago alika afole aika ateʼnanaʼmofeʼmo aliʼyakamo neʼaluva vekamoʼnaeʼmo kaipamoʼmo falu huʼnisigeka aliʼyakamo ataleka eno, huka naha paigane.

Apa 13:36

Neviniʼa Goti geʼamo akame huteno ma mopafiʼmo agaeʼeʼmo lokaeʼa maiʼnaya vayaʼmo hapa maeteno au kaleʼnigeʼa aginago vayaʼeʼmo kiʼa ateʼnageno agufaʼamo ago kasaliʼniye.

2 Timoti 4:6

Nofi alagafati aniʼmo lakiʼa Gotiʼmo ofalinimo neʼamiya kava huʼna kolaʼnimo aiʼna lakiʼna mopamo ataleʼna visuva kana yaʼnimo alagi ago hogo huʼniyaʼmofeʼmae.

Himulu 7:3

Ita afoʼalaʼmoganimo oʼmaige lotoʼamogimo oʼmaige huʼnae. Alino ateʼniya afinafeʼmo ava gemo ohanege faliʼniya afinafeʼmo ava gemo ohanege huʼnigeno Goti Mafaʼneʼagana huno maiʼneno mono huno neʼapateya vekamo ofalino afaʼa maige maige huno maiʼniye.

Himulu 7:8

Mono huʼa neʼapataya vayapatiʼmo magoke vekamo falite falite huʼnayaʼmonanafa Goti mukufiʼmo avoʼmo kae maleʼniya gemoʼmo hunoʼaeʼmo, afaʼa maiʼniye, huno ava gemo huʼniya vekamo agiʼamo Melikisetekiʼa taisimo aliʼniye.

Yasuva 1:5

Yasuvao, huno, Ma mopafiʼmo maiʼnekaeʼmo muki vayaʼeʼmo kame hisanana huka aeka apakasegane. Nagaemo Moseseʼeʼmo magokepi lokaeʼna maiʼnova kava huʼna kagaeʼeʼmo magokepi lokaeʼna maiguve. Nagaemo alagi kataleʼna oʼuguve, huno ha paiʼniye.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.

Yasuva 23:14

Afiyo, huno, Hemenimo nagaemo muki ma mopafi vayaʼmo visaya kateʼmo uguve. Lapakaemo mukiʼamogitapamo lapaipafatiʼe lapaunelapamepatiʼeʼmo ago afiʼnayana Ala kava neʼmo Gotitapimoʼmo muki alagepa yaʼmo lapamiguve, huno polomasi gemo hu maleʼniya yaʼmo lapamiʼniye. Agaemo muki kavafeʼmo huguve, huno polomasi geʼamo hu maleʼniya kavaʼmo ago afole aiʼnigeno magoke polomasi geʼamo afaʼa uno okasaeʼniye.

Yasuva 3:7

Ala kava neʼmoʼa Yasuvafeʼmo ha painoʼaeʼmo, Hemenimo nagaemo aepa faiʼna Isaleli vayaʼmogimo nagaemo Moseseʼeʼmo magokepi lokaeʼna maiʼnova agufa kava huʼna kagaeʼeʼmo magokepi lokaeʼna maiʼnova kavaʼnimo agesayafeʼmo kagikaleʼmo aliʼna asaga huguve.

2 Pita 1:14

Ala kava netimoʼmo falisuva kavaʼmo alino nave liʼnigeʼna ageʼnovanageʼna aise afinaʼmo utesigeʼna seli noʼnimo ataleʼna uguve.