Aepa Gemae 48:15 - The Keyagana NT and 25 OT books

¹⁵ Yekopuʼa Yosefefeʼmo alino auleno atetenoʼaeʼmo ani ge huʼniye. Lotoʼnimo Emalehamuʼe afoʼnimo Aisakiʼeʼmo Goti aulagaleʼmo maiʼnaʼae. Ani Gotiʼa muki afinaʼmo maime maime eʼnova afinaʼmo neʼyaʼmo namilineno hemeniʼeʼmo neʼnamiye.

Aepa Gemae 48:15 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 24:20

ani keʼmo alino yafa kalokalopafiʼmo aeno lakino apateʼnigeʼa neʼnageno halate ani keli kotutegamo nagu nagu huno uno lamino aniʼmo he filino eno haineno muki kamolu anagaʼamo apamiʼnigeʼa neʼnae.

Aepa Gemae 24:40

Agaemo naha painoʼaeʼmo, Nagaemo Ala kava neʼmo aulagaleʼmo geʼamo akame nehuva Ala kava neʼmoʼa enisole vekaʼamo alino atesigeno kagaeʼeʼmo magokepi lokaeno uteno kaʼmo alino ho huno katesigeka mafaʼneʼnimo aʼmo afoʼnimo nofi vayapatiʼmo afaʼa avalegane.

Aepa Gemae 27:27

Yekopuʼa eno haopaletiʼmo haeno neʼnegenoʼaeʼmo kukenaʼaleʼmo atu faino afitenoʼaeʼmo alino auleno ateʼniye. Alagi lama ge huve, huno, mafaʼneʼnimo alagepa atuʼamoʼmo Ala kava neʼmoʼa alino auleno ateʼniya hoyafatiʼmo neʼaiya agufa alagepa atumo aiʼniye.

Aepa Gemae 27:4

Hogoteka haekaeʼmo kaeka namiʼnanageno haga neʼnahaiya agufa kava huka kaeka alinika eno. Neteʼnaeʼmo aliʼna auleʼna kateteʼna faliguve, huno ha paiʼniye.

Aepa Gemae 28:20

Yekopuʼa polomasi gemo hunoʼaeʼmo Gotiʼa nagaeʼeʼmo magokepi lokaeno maiʼneno visuva kotegamo neʼyaʼmo namige kukenaʼnimo namige huteno yagaino natesigeno

Aepa Gemae 28:22

Mani faiʼna ateʼnova yafaʼmoʼa mani mopaeʼmo Goti nomae, huno hugiye. Nagaemo muki namisana yaʼafatiʼmo aliʼna fako hisugenoʼaeʼmo naya loleʼamo hisiya yapatiʼmo magoke yaʼmo kamiguve, huno ha paiʼniye.

Aepa Gemae 28:3

Gotiʼa muki lokiyaʼamo haneʼniya vekamoʼmo alino auleno katesigeka asole mafaʼnemo alika apatesanageʼa asole vayaʼmo aliʼa alu aiʼa maigae.

Aepa Gemae 35:3

Inagi alita vaitetapaeʼmo he tita Meto kotegamo vigetao. Gotiʼa nagaemo kana yaʼmo neʼaluva afinaʼmo geʼnileʼmo aeno atagaina huteno naha maege muki uʼneʼna nehuva kotegamo nagaeʼeʼmo lokaeno maige nehiya Gotiʼmo ofalinimo amisuva yafa hiʼyalamuʼmo huguve, huno hapa paiʼniye.

Aepa Gemae 48:16

Enisole vekamoʼa muki hosu kavategatiʼmo nagufamo alino katino nateʼniya enisole vekamoʼa lole mafaʼnelaʼmo alino auleno anatesigeʼa vayaʼmogimo anakaefeʼmo huʼapaeʼmo, Yekopu mafaʼnelane, huʼa huge Emalehamu nofi vekalane, huʼa huge Aisaki nofi vekalane, huʼa huge hugae. Anakaepatiʼmo Gotiʼa asole vayaʼmo alino afole aino apateno, huno huʼniye.

Aepa Gemae 49:22

Yosefeʼa mago alagepa alagamo neʼaeya nofikana huno maiʼniye. Ani nofiʼmo meti aniʼmo agiʼnaleʼmo haneʼnigeno akopaʼamoʼmo uneno huno yatala huteno kegiʼyaleʼmo kino uno haino alino haleno ataleʼniye.

Aepa Gemae 49:24

Yekopu Gotiʼamoʼmo lokiyaʼaʼe vekamoʼmo lokiya vaino ateʼnigeno Yosefe atiʼamo alagi lokiya vaino haneʼniye. Yosefe ayatalamoʼeʼmo lokiya vaino haneʼniye. Sipisipileʼmo neʼyagaiya vekamo Isaleli vayaʼmogi yafaʼapimo maiʼniyaʼmofeʼmae.

Aepa Gemae 49:28

Mukiʼamo tuolofuʼa Isaleli nofi vayaʼmogeno afoʼapimoʼmo alino au leno apateteno hapa paiʼniye. Ani gemo huno alu ge alu gemo mukiʼaeʼmo ina kava ina kavaʼmo huta maige huno hapa paiʼniye.

Aepa Gemae 6:9

Noa aginago vayaʼai apakimo haneʼniye. Agaemo loleʼe magoʼe ve mafaʼne anagaʼamo Semiʼagi Hamuʼagi Yafetiʼagi huʼa maiʼnae. Noaʼa fatago vekamo Goti aulagaleʼmo maiʼniyaʼmofeʼmo vaiʼmo oʼaliʼniye. Noaʼa Goti ao vekamo maiʼnigeʼana magokepi lokaeli uʼeʼa huʼana maiʼnaʼae.

Samu 16:8

Nagaemo muki afinaʼmo Ala kava neʼmo aliʼna naulagaleʼmo neʼatove. Lamaga nahaopaleʼmo neʼmaiyaʼmofeʼmo alagepa katetiʼmo navaleliʼa oʼvisageʼna aliʼyaʼnimo oʼatalegauve.

Samu 23:1

Vayaʼmogimo sipisipileʼmo yagaiʼa neʼapataya kava huno Ala kava neʼmoʼa yagaino neʼnateyanageʼna mago yafeʼmo alagi kafu osuguve.

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Hatu maeno apate'niya gemae 3:16

Uka Isaleli vayatama vayaʼmo apavaleka alika anupa huka apateʼnekaeʼmo, Lapakinago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogimo huno Gotiʼapimoʼmo nagaeteʼmo afole aiteno naha painoʼaeʼmo, Nagaemo lapa maesuvafeʼmo emiʼneʼna Isipi vayaʼmogimo lapakaetegamo nehaya hosu kavaʼmo ageʼnove.

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Aiyeya 33:16

He, ani agufa vayaʼmo anaga avefiʼmo lokiya yafapiʼmo alagepa huʼa maigae. Neʼyaʼapimo apamisigeʼa negae. Aniʼapimo hano osuno afaʼa hanegaiye.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

Kolosi 2:6

Lapakaemo Kalaisi Yesufeʼmo hutapaeʼmo, Ala kava netimo maiʼniye, hutetapa aliʼnaya kavaʼmo hutapa agaepiʼmo mailita mailita viyo.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

Himulu 11:21

Yekopuʼa agesamo afino fatago huʼniya kavatetiʼmo falisiyafeʼmo nehunoʼaeʼmo Yosefe mafaʼnelafeʼmo hunoʼaeʼmo, Gotiʼa alino auleno lanateno, huno hana paiteno hayopa kayoʼamo alino hayopa faino maiʼneno Gotifeʼmo mono huʼniye.