Aepa Gemae 47:6 - The Keyagana NT and 25 OT books

⁶ Muki Isipi kote mopamo ageʼnane. Kagaemo afokamoʼe konagakamogiʼeʼmo Goseni koteʼmo kanale hogote mopamo afaʼa apamisanageʼa maigae. Inagi kagaemo apakaepatiʼmo pulumakale yagaisaya kavaʼmo ageʼa alagepa huʼnisaya vayaʼmo apakeʼnisana vayaʼmo alika apategeʼa pulumakaʼnileʼmo yagaigae, huno ha paiʼniye.

Aepa Gemae 47:6 ပူးပေါင်းရင်းမြစ်များ

Aepa Gemae 13:10

Lotiʼa he tino alino maku huno ageyana mago otu mopamo haneʼnigeno ageʼniye. Ani haopalegamo asole aniʼmo haneʼnigeno alagi kanale hoyamo Ala kava neʼmo hoyagana huno hanege Isipi vayaʼai mopagana huno hanege huʼniye. Ani afinaʼmo Ala kava neʼmoʼa lole taonilaʼmo Satomi taoniʼe Gomola taoniʼeʼmo alino hosu huno oʼataleʼniya afinaʼmae.

Aepa Gemae 13:9

Ago, huno, kaulagaleʼmo alopa mopamo haneʼniyanagi kahao ke hovanagi kagaikamo mago mopamo lekana paiteka nagaemo nataleka uvo. Kagaemo hoga haopalegamo visanageʼnaeʼmo nagaemo lamaga haopalegamo uguve. Kagaemo lamaga haopalegamo visanageʼnaeʼmo nagaemo hoga haopalegamo uguve, huno ha paiʼniye.

Aepa Gemae 20:15

Amimelekiʼa hunoʼaeʼmo, Ago, huno, muki ma mopaʼamo nagae mopamo haneʼniyanagi amuse hisana haopalegamo afa uka maiyo, huno ha paiteno

Aepa Gemae 34:10

Hugunanagetapa lapakaemo lagaeʼe magokepi lokaeta maisunafeʼmo haiya mopaeʼmo lapauʼnisifigetapa ani mopaleʼmo afaʼa maigae. Lapakaemo maiʼnetapaeʼmo aliʼyaʼmo alitetapa kagemi yatapimo apamisageʼa lapamisagetapa hutapa maigae, huno huʼniye.

Aepa Gemae 45:10

Kagaemo emikeka Goseni koteʼmo nahaopaleʼmo maigane. Kagaikagi mafaʼne anagakagi mafaʼne anagaʼapigi sipisipikagi pulumakakagi hutapa maigae. Muki yatapimo lapakaeʼeʼmo hanegaiye.

Aepa Gemae 46:34

geʼaleʼmo aeta atagaina hutapa ha paitapaeʼmo, muki afotimogimo aliʼnaya agufa aliʼyaʼmo neya vayaʼmo maiʼnona afinatetiʼmo pulumakaleʼe sipisipileʼeʼmo neʼyagauna vayaʼmo maiʼnone, hutapa ha paiyo. Isipi vayaʼmogimo sipisipileʼmo neʼyagaiya vayaʼaifeʼmo alagi ohapauʼnigeʼa hosu aliʼyaʼmo neʼaliya vayane, huʼa apakesamo neʼafiyaʼmofeʼmo ani ge hutapa ha paisagenoʼaeʼmo Goseni kotegamo afaʼa utapa maigae, hutapa ha paigae, huno hapa paiʼniye.

Aepa Gemae 47:11

Inagi Yosefeʼa Kini vekamo Feloʼmo huvo, huno huʼniya kavaʼmo akame huno kanale hogote mopamo Lamesisi koteʼmo haneʼniya mopamo afoʼamoʼagi konagaʼamogiʼenagi huno apamiʼnigeʼa maiʼnae.

Aepa Gemae 47:16

Yosefeʼa hunoʼaeʼmo, Muki monitapimo hano huʼnisiyaʼmoʼmo inagi muki pulumaka anagatapimo afaʼa apavalelitapa eta namisageʼna neʼyaʼmo lapamiguve, huno hapa paiʼniye.

Aepa Gemae 47:4

Kenani mopaleʼmo alopa kafu kavaʼmo afole aiʼnigeno sipisipi anagaʼmogimo kahaumo nesaya yaʼmo ohaneʼniyaʼmofeʼmo mani koteʼmo kalaga hageta eta kalaga vayaʼmo maisunafeʼmo eʼnonaʼmofeʼmo kahoke honanagi kagaemo aliʼyakamo neʼaluna vayaʼmo afaʼa lategeta Goseni koteʼmo maigune, huʼa huʼnae.

Aepa Gemae 47:5

Inagi kini vekamo Feloʼa Yosefefeʼmo ina ge huno ha paiʼniye. Afokamoʼe konagakamogiʼeʼmo kagaeʼeʼmo magokepi lokaeʼa maisayafeʼmo ago eʼnae.

Hatu maeno apate'niya gemae 18:21

Kagaemo muki vayapatiʼmo alagepa huʼa aliʼyaʼmo alisaya vayaʼmo maige Gotifeʼmo koli huge lama gemo huge hapaʼye osuge huʼa maiʼnisaya vayaʼmo lekana paika apato. Magoʼamogimo vani tauseniʼa vayaʼaiteʼmo yagaiʼa apatege magoʼamogimo vani hataletiʼa vayaʼaiteʼmo yagaiʼa apatege magoʼamogimo fifitiʼa vayaʼaiteʼmo yagaiʼa apatege magoʼamogimo teniʼa vayaʼaiteʼmo yagaiʼa apatege hugae.

Hatu maeno apate'niya gemae 18:25

Moseseʼa muki Isaleli vayapatiʼmo alagepa huʼa aliʼyaʼmo alisaya agufa vayaʼmo lekana paino apateʼniye. Vani tauseniʼa vayaʼaiteʼmo yagaiʼa apatege hataletiʼa vayaʼaiteʼmo yagaiʼa apatege fifitiʼa vayaʼaiteʼmo yagaiʼa apatege teniʼa vayaʼaiteʼmo yagaiʼa apatege hisaya vayaʼmo lekana paino apateʼniye.

Hatu maeno apate'niya gemae 9:10

Anakaemo sitopufatiʼmo laʼnefamo aliteʼana uʼana kini vekamo aulagaleʼmo he tiʼana maiʼneʼanaeʼmo Moseseʼa ani laʼnefamo alino yaga auno ataleʼnigenoʼaeʼmo kokuʼnapilagamo uno haiʼniye. Apausageʼmo vayaʼai apakufalenagi muki alu afu alu afu anagaʼmogi apakufalenagi huno apamaeteno aino apalo atino alopa apamuʼmo apaleʼniye.

Hatu maeno apate'niya gemae 9:21

Apateʼnayaʼmonanafa kini vekamo mago aliʼyaʼamo neʼaliya vayaʼmogimo Ala kava neʼmoʼa huʼniya gemo oʼafiʼa aliʼyaʼapimo neʼaliya vayanagi muki alu afu alu afu anagaʼapigi huʼa kumategamo afaʼa apateʼnageʼa maiʼnae.

Mai'naya kavane 21:1

Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Mai'naya kavane 22:29

Kagaemo lokiya vaino aliʼyaʼmo neʼaliya vekamo ageʼnapiye. Kini vayaʼai apaulagaleʼmo afaʼa he tino maigiye. Apaki ohaneʼniya vayaʼai apaulagaleʼmo he tino oʼmaigiye.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

1 Samiyo 21:7

Ani afinaʼmo mago Inomi vekamo agiʼamo Nogiʼmo Goti mono nopiʼmo maiʼniye. Agaemo Solo aliʼyaʼamo neʼaliya vekamo pulumakaleʼmo neʼyagaiya vayaʼaiteʼmo yagaino neʼapateya vekamo maiʼniye.