Aepa Gemae 47:31 - The Keyagana NT and 25 OT books

³¹ Yekopuʼa hunoʼaeʼmo, kagoʼya ataleteka alagi lama gemo nehuve, huka naha paiyo, huno huʼnigeno agoʼyamo ataleteno alagi lama ge nehuve, huno huʼniye. Inagi Isaleliʼa hipaleʼmo maiʼnenoʼaeʼmo ape huʼneno Gotifeʼmo mono huʼniye.

Aepa Gemae 47:31 ပူးပေါင်းရင်းမြစ်များ

Aepa Gemae 21:23

Inagi hemenimo kagaemo Goti agiʼaletiʼmo kagoʼyamo ataleteka aigofe kavaʼmo nagaetegamo osuge mafaʼneʼnilegamo osuge naginago vayaʼaitegamo osuge huguve huka huvo. Nagaemo kalaga vekamo kagaetegamo alagepa kavaʼmo huʼnova kava huka nagaetegaʼe mani eka maiʼnana koteʼeʼmo alagepa kavaʼmo huguve, huka naha paiyo, huno huʼniye.

Aepa Gemae 21:24

Inagi Emalehamuʼa agoʼya ataleteno, ani kavaʼmo afaʼa huguve, huno ha paiʼniye.

Aepa Gemae 24:2

Inagi Emalehamuʼa agaiʼaleʼmo asole kafugamo aliʼyaʼamo aliteno muki kagemi yaʼaleʼmo yagaino neʼateya vekaeʼmo ha painoʼaeʼmo, kahao ke hovanagi kayaʼmo naluʼmo afeʼalumelaga malo.

Aepa Gemae 24:26

Ani gemo afitenoʼaeʼmo ape huʼneno Ala kava nefeʼmo mono huʼniye.

Aepa Gemae 24:3

Maleʼneka Ala kava neʼmo kokuʼnateʼe ma mopafiʼeʼmo neʼyagaiya Goti agiʼaletiʼmo kagoʼyamo ataleteka naha paigane. Kenani nofi vayaʼai folagapiʼmo maiʼnova vayaʼmogi a mafaʼne anagapatiʼmo mafaʼnekamo aʼmo avaleliʼna oʼmegauve, huka naha paiyo.

Aepa Gemae 31:53

Emalehamuʼagi Nehoʼagi afoʼnimoʼagi huno huʼnigeno Gotiʼapimoʼmo laʼagae kavaʼmo alino fako huno laʼategaiye, huno huʼnigeno Yekopuʼa afoʼamo Aisakiʼmo koli huʼneno mono huʼniya Gotiʼamo agiʼaletiʼmo agoʼya ataleteno polomasi gemo huʼniye.

Aepa Gemae 47:29

Isaleliʼa falisiya kanaʼamo ago hogo huʼnigenoʼaeʼmo mafaʼneʼamo Yosefefeʼmo ge huʼnigeno eʼnigeno ha painoʼaeʼmo, Hemenimo nagaefeʼmo nahaoke heʼnana gemo kahauya huʼna ageʼnisuvana kayaʼmo naluʼmo afeʼalumenagamo maleʼneka polomasi hukaeʼmo, kagaetegamo alagepa kavaʼmo huʼna geʼnimo akame huʼna Isipi koteʼmo kiʼna okategauve, huka naha paiyo.

Aepa Gemae 50:25

Yosefeʼa Isaleli mafaʼne anagaʼaifeʼmo hapa painoʼaeʼmo, lapagoʼyamo ataletetapaeʼmo, kayamufakamo alinituta Kenani kotegamo kita ategaune, hutapa naha paiyo. Gotiʼa emineno alagepa huno lapa maesigetapa mani kotetiʼmo nayamufaʼnimo alinitapa ugae, huno hapa paiʼniye.

Aepa Gemae 50:5

Yosefe afoʼamoʼmo falisiya afinaʼmo hogo huʼnigeno Yosefefeʼmo ha painoʼaeʼmo, Afiyo, huno, falisuva afinaʼmo hogo huʼniye. Kenani kotegamo kiʼa natesaya kanoluʼmo ago alo hu maleʼnova kanolufikeʼmo kika nato, huno ha paiʼniye, hutapa ha paiyo. Inagi afaʼa nategeʼna afoʼnimoʼmo aliniʼna uʼna kiʼna ateteʼna eno, huno huʼniye, hutapa ha paiyo.

Himulu 11:21

Yekopuʼa agesamo afino fatago huʼniya kavatetiʼmo falisiyafeʼmo nehunoʼaeʼmo Yosefe mafaʼnelafeʼmo hunoʼaeʼmo, Gotiʼa alino auleno lanateno, huno hana paiteno hayopa kayoʼamo alino hayopa faino maiʼneno Gotifeʼmo mono huʼniye.