Aepa Gemae 47:25 - The Keyagana NT and 25 OT books

²⁵ Apakaemo huʼapaeʼmo, Ala vekae, huʼa, kagaemo lagufamo alika katika lateʼnane. Kagaemo Ala vekamogamo lagaefeʼmo lahaoke heʼnana gemo kahauya huta agegaunaʼmofeʼmo Felo aliʼyaʼamo afaʼa aligune.

Aepa Gemae 47:25 ပူးပေါင်းရင်းမြစ်များ

Aepa Gemae 33:15

Isoʼa hunoʼaeʼmo, lapakaeʼeʼmo magokepi visayafeʼmo mago nagaeʼeʼmo eʼnaya vayapatiʼmo apategauve, huno huʼnigeno Yekopuʼa hunoʼaeʼmo, Ala vekaʼniye, huno, na agufa aliʼyaʼapimo haneʼniye. Kagaemo amuse hisanana kanalene, huno ha paiʼniye.

Luti 2:13

Ha paiʼnigeno Lutiʼa hunoʼaeʼmo, Nagaemo ina agufa a kanomo maiʼneʼna kagae aliʼyaʼmo noʼaluva a kanomo maiʼnovaʼmonanafa kaipamoʼmo falu huka nateʼnane. Aise gemo nehana geʼmoʼmo alika lokiya vaika neʼnatane, huno ha paiʼniye.

Aepa Gemae 50:20

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

Aepa Gemae 41:45

Feloʼa Yosefeʼmo agi atenoʼaeʼmo Yafanati Paniyaʼae huno ateʼniye. Atetenoʼaeʼmo mago a mafaʼnemo agiʼamo Asenatiʼmo avaleno amiʼnigeno Yosefeʼmo aliʼniye. Asenati afoʼamoʼmo Ono taonifiʼmo mono huno neʼapateya vekamo agiʼamo Poti Felaʼmae. Inagi Yosefeʼa muki Isipi haopalegamo uneno huno ageʼniye.

Aepa Gemae 18:3

Ape huʼnenoʼaeʼmo, Ala kava neʼnimogae, huno, Kaulagaleʼmo fikumo naha maeka namisana kaʼmo ageʼnisuvana aliʼyakamo neʼaluva vekamo naga setapa oʼviyo.

Aepa Gemae 6:19

Kagaemo muki yagagafagi afugi kalagi huka veʼe aʼeʼmo lole lole huka apavalelika sipifiʼmo uka haika apatesanageʼa kagaeʼeʼmo ofaliʼa afaʼa maigae.

Aepa Gemae 47:24

Hoyatapifatiʼmo neʼyaʼmo lesiya kanamo esigetapaeʼmo faefuʼa hetamamo maleyo. Male maleʼnetapa magoke hetamamo alitapa Kini vekamo Feloʼmo amitetapa loleʼe loleʼe hetamamo lapakaitapimo maleʼnetapa afamo anagatapiʼe aise mafaʼne anagatapiʼeʼmo nege lapakaemo avinaʼamo maleʼnetapa hakalege hiyo, huno hapa paiʼniye.

Aepa Gemae 47:26

Inagi Yosefeʼa magoke keʼaepa gemo Isipi kotefeʼmo hunoʼaeʼmo neʼyaʼmo lesigeʼapaeʼmo muki vayaʼmogimo faefuʼa hetamamo maleteʼa magoke hetamamo Kini vekamo Feloʼmo amigae. Ani keʼaepa gemo alagi haneʼniyaʼmonanafa mono huʼa neʼapataya vayaʼai mopamo Felo mopamo ohaneʼniye. Hemeniʼeʼmo ani keʼaepa gemo afaʼa haneʼniye.

Aepa Gemae 32:6

Apa vayaʼmo ago eʼa Yekopufeʼmo ha paiʼapaeʼmo, Huʼnana gekamo uta nepukamoʼmo Isofeʼmo ha paiʼnonageno agaeʼe fo hataletiʼa vayaʼeʼmo neʼayanageta uta fotu hugune, huʼa ha paiʼnae.