Aepa Gemae 47:23 - The Keyagana NT and 25 OT books

²³ Inagi Yosefeʼa muki vayaʼaifeʼmo hapa painoʼaeʼmo, Afiyo, huno, nagaemo hemenimo lapakaemo miya faige mopatapimo miya faige huʼnovaʼmofeʼmo Felo vayaʼmo maige Felo mopamo hanege hugiye. Ageyo, huno, avina yatapimo haneʼniyanagi alinitutapa mopatapifiʼmo hakaleyo.

Aepa Gemae 47:23 ပူးပေါင်းရင်းမြစ်များ

Aepa Gemae 41:27

Seveniʼa apayamufaʼalagaʼage pulumaka anagaʼmo afole aiʼnaya kava huno seveniʼa kafugamae. Seveniʼa hosu viti avoyamo amuko yasimo aliʼnigeno leno asaga liʼnigeno alagamo ohaneʼniya viti avoyamo haneʼniya kava huno seveniʼa kafugamo kafu kavaʼmo afole aigiye.

Aepa Gemae 45:6

Lole kafugamo mani koteʼmo kafu kavaʼmo ago afole aiʼnigeno faefuʼa kafugamo afa haneʼniyaʼmofeʼmo hoyamo aiʼyu oʼaige hoyafatiʼmo neʼyaʼmo oʼalige hugae.

Aepa Gemae 47:22

Yosefeʼa muki vayaʼai mopamo miya faiʼniyaʼmonanafa mono huʼa neʼapataya vayaʼai mopamo miya ofaiʼniye. Kini vekamo Feloʼa neʼyaʼmo afaʼa apamiʼnigeʼa neʼnayaʼmofeʼmo mopaʼapimo miya faisiyafeʼmo oʼamiʼnae.

Aepa Gemae 47:24

Hoyatapifatiʼmo neʼyaʼmo lesiya kanamo esigetapaeʼmo faefuʼa hetamamo maleyo. Male maleʼnetapa magoke hetamamo alitapa Kini vekamo Feloʼmo amitetapa loleʼe loleʼe hetamamo lapakaitapimo maleʼnetapa afamo anagatapiʼe aise mafaʼne anagatapiʼeʼmo nege lapakaemo avinaʼamo maleʼnetapa hakalege hiyo, huno hapa paiʼniye.

Samu 112:5

Fatago vekamoʼmo kanale kavaʼmo huno vayaʼai anonaʼapilefeʼmo neʼapamiye. Aigofe kavaʼmo huno aliʼyaʼamo noʼalifa fatago kavaʼmo huno aliʼyaʼamo neʼaliye.

Samu 41:1

Kagemi yaʼapimo ohaneʼniya vayaʼaifeʼmo apakesamo neʼafiya vayaʼmo aulena vayaʼmo maiʼnae. Ala kava neʼmoʼa hanageke yapatiʼmo apakufamo alino katino apategaiye.

Mai'naya kavane 11:26

Vayaʼmogimo kafu afinaʼmo neʼyaʼapimo maketi osisaya vayaʼmo lifana huʼa apategayaʼmonanafa maketi hisaya vayaʼmo aliʼa auleʼa apategae.

Mai'naya kavane 12:11

Hoyamo neʼvaiya vekamoʼmo neʼyaʼmo neno amu hugiyaʼmonanafa aliʼyaʼmo oʼaliʼa alu ya alu yafeʼmo apamogaga neʼaiya vayaʼmogi afiʼa aeto nosae.

Mai'naya kavane 13:23

Kagemi yaʼamo ohaneʼniya vekamo hoyafatiʼmo asole neʼyaʼmo hagegaiyaʼmonanafa ala apaki vayaʼmogi aigofe huteʼa kumayaʼmo aligae.

Aiyeya 55:10

Koʼmo kokuʼnapatiʼmo asagauno aiteno halate fikumo atagi neno uno nohaiyaʼmonanafa mopamo aniʼmo amiʼnigeno alagepa neʼyaʼmo hoyafatiʼmo afole neʼaigeʼapaeʼmo vayaʼmogimo neʼaliye. Mago neʼyaʼamo aliʼa nege mago avina yaʼamo aliʼa hakalege nehae.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

2 Kolitiyani 9:10

Avina yaʼmo nehakalaya vayaʼmo avina yaʼmo hakalesayafeʼmo apamige neʼyaʼmo neʼnaya vayaʼmo neʼyaʼmo nesayafeʼmo apamige nehiya vekamoʼmo avina yaʼmo lapamisigetapa hakalesaya avina yafeʼmo hago, huno hisigeno hagesigetapa fatago kavatapiletiʼmo magoʼe magoʼe hutapa aligae.