Aepa Gemae 47:19 - The Keyagana NT and 25 OT books

¹⁹ Lagaemo kaulagaleʼmo falisunageno mopatimo afaʼa hanegaiyaʼmofeʼmo kagaemo lagaeʼe mopatiʼeʼmo miya faisanafeʼmo neʼyaʼmo lamisanageno Felo agiʼalefeʼmo maige mopatimo hanege hugiye. Lagaemo ofalita afaʼa maisunafeʼmo avina yaʼmo lamisanageta maisunageno mopatimo alagepa huno hanegaiye, huʼa ha paiʼnae.

Aepa Gemae 47:19 ပူးပေါင်းရင်းမြစ်များ

Aepa Gemae 41:36

Inagi seveniʼa kafugamo kafu kavaʼmo afole aisigeʼapaeʼmo aliʼa maleʼnisaya neʼyaʼmo negae. Ani kavaʼmo hisayana kafu hisaya afinaʼmo muki vayaʼmo neʼyafeʼmo kafu osisayafeʼmo ani kavaʼmo hiyo, huno ha paiʼniye.

Aepa Gemae 47:15

Muki Isipi koteʼe Kenani koteʼeʼmo alagi monimo hano huʼniyaʼmofeʼmo Yosefetegamo eʼa, Alagi monimo hano huʼniyanageta fiku yanageta faligunanagi neʼyaʼmo mago lamiyo, huʼa afi geʼnae.

Aepa Gemae 47:18

Inagi ani kafugamo uno hano huʼnigeno mago kafugamo Yosefetegamo eʼa, Ala vekae, huʼa, lagaemo muki monitimo hano huge muki afutimo hano huge huʼnigi kagae kaulagaleʼmo aeta ati okaegune. Mago yatimo afaʼa ohaneʼnigeno mopatiʼe lagufaʼekeʼmo haneʼniye.

Aepa Gemae 47:20

Inagi Yosefeʼa muki Isipi mopaʼamo Felo mopamo hanesiyafeʼmo miya faino ateʼniye. Lusi alopa kafu kavaʼmo apakaeteʼmo afole aiʼnigeʼa muki vayaʼmogimo mopaʼapimo Yosefena amiʼnageno miya faiʼniyaʼmofeʼmo muki Isipi kote mopamo Felo mopaʼageʼmo haneʼniye.

Matiyu 16:26

Mago vekamoʼmo muki ma mopafi yaʼmo aliʼnisigeno agupi mafaʼnemo afela hesiyaʼmoʼmo akamelegati magoʼe yaʼmo alisifiye. Haʼao oʼaligiye. Agupi mafaʼnemo afela heʼnisiyaʼmoʼmo na agufa miyatetiʼmo halate miya faino aligiye.