Aepa Gemae 46:2 - The Keyagana NT and 25 OT books

² Amiʼnigenoʼaeʼmo haniʼilagamo Gotiʼa Yekoputegamo alagamuna agegekana huno afole aiteno, Yekopuvo, Yekopuvo, huno ge huʼnigeno Yekopuʼa hunoʼaeʼmo, ove maiʼnove, huno huʼniye.

Aepa Gemae 46:2 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Apa 16:9

Maiʼneʼapaeʼmo Poloʼa alagamuna agegekana huno ageʼniyana mago Masetoniya kotega vekamoʼmo he tino Polofeʼmo aukaya huno ge hunoʼaeʼmo, kahao ke hovanagi aniʼmo lakaeka Masetoniya kotegamo eka laha mao, huno ha paiʼnigeno ageʼniye.

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 9:10

Mago vekamo agiʼamo Ananaiyasiʼa Yesu geʼamo neʼafiya vekamo Namasakasi taonifiʼmo maiʼniye. Agaemo alagamuna ageʼniyana Ala kava neʼmoʼa hunoʼaeʼmo, Ananaiyasiyo, huno huʼnigenoʼaeʼmo, Ala kava nene, huno, maiʼnove, huno ha paiʼnigenoʼaeʼmo,

Apa 9:4

Agetenoʼaeʼmo mopafiʼmo asagauno aino agoʼya faino maiʼnigenoʼaeʼmo, Solo, Solo, huno, Na kava higekaeʼmo nagaefeʼmo kaini huka neʼnatane, huno ha paiʼnigenoʼaeʼmo,

Neniyo 2:19

Haniʼilagamo Gotiʼa Neniyoʼmo alagamuna kategamo kini vekamo alagamuna gemo aepaʼamo alino ave liʼniye. Neniyoʼa agetenoʼaeʼmo kokuʼnapi maiʼniya Gotiʼa alino auleno ateʼniye.

1 Samiyo 3:10

Ala kava neʼmo eno he tiʼnenoʼaeʼmo hogoteno agaefeʼmo ge huʼniya agufa gemo huno, Samiyo, Samiyo, huno ge huʼniye. Samiyoʼa geʼaleʼmo aeno atagaina huno, Aliʼyakamo neʼaluva vekamoʼnamo afiʼnovanagi huvo, huno ha paiʼniye.

1 Samiyo 3:4

Inagi Ala kava neʼmoʼa Samiyofeʼmo ge hunoʼaeʼmo, Samiyo, huno huʼnigeno ve, huno, nagaemo maiʼnove, huno huʼniye.

Napa 24:4

Ani gemo Goti gemo afiʼniya vekamoʼmo aeno hakalo nehiya gemae. Agaemo alagamuna agegekana huno ageʼniyana lokiyaʼaʼe Gotiʼa agetenoʼaeʼmo aulagamo haleʼnigeno asagauno aiʼniye.

Napa 12:6

Ala kava neʼmoʼa hunoʼaeʼmo, Lanakaemo geʼnimo afiʼao. Mago vekamoʼmo nagaetegati gemo alinineno aeno hakalo huno hapa nepaiya vekamo Isaleli vayaʼmogi folagapiʼmo maiʼnisiyaʼmoʼmo nagaemo alagamunagana yaʼmo aliʼna avelige nagesiyafeʼmo aliʼna avelige alagamuna gemo ha paige nehuve.

Aepa Gemae 31:11

Ageʼnogenoʼaeʼmo Goti enisole vekaʼamoʼa naha painoʼaeʼmo, Yekopuo, huno huʼnigeʼna, ove maiʼnove, huʼna hugenoʼaeʼmo naha painoʼaeʼmo.

Aepa Gemae 22:11

Ala kava neʼmo enisole vekaʼamoʼmo kokunapatiʼmo ge hunoʼaeʼmo, Emalehamuo, Emalehamuo, huno keya aeno ge huʼnigeno Emalehamuʼa, maiʼnove, huno ha paiʼniye.

Aepa Gemae 22:1

Henagaʼamo ani kavaʼmo akamelegaʼamo Gotiʼa Emalehamuʼmo amalageka huʼniye. Agaefeʼmo keya aeno ge hunoʼaeʼmo, Emalehamuo, huno huʼnigenoʼaeʼmo Emalehamuʼa, maiʼnove, huno huʼniye.

Aepa Gemae 15:13

Ala kava neʼmoʼa ina ge huno ha paiʼniye. Afika alagepa huka afiyo. Kaginago vayakamo uʼa alu vayaʼai koteʼmo maiʼneʼa aliʼyaʼapimo aliʼa apatesageʼa fo hataletiʼa kafugamo lusi kana yaʼmo apamigae.

Apa 10:13

Mago vekamoʼmo hunoʼaeʼmo, Pitao, huno, He tika amagika kaeka no, huno ha paiʼnigenoʼaeʼmo,

Aepa Gemae 20:3

Aliʼnigeno Gotiʼa haniʼilagamo Amimelekitegamo emineno alagamuna kategatiʼmo ha painoʼaeʼmo, ani aliʼnana a kanomo vele aʼmo aliʼnananageka hemenimo faligane, huno ha paiʼniye.