Aepa Gemae 45:6 - The Keyagana NT and 25 OT books

⁶ Lole kafugamo mani koteʼmo kafu kavaʼmo ago afole aiʼnigeno faefuʼa kafugamo afa haneʼniyaʼmofeʼmo hoyamo aiʼyu oʼaige hoyafatiʼmo neʼyaʼmo oʼalige hugae.

Aepa Gemae 45:6 ပူးပေါင်းရင်းမြစ်များ

Aepa Gemae 37:2

Yekopuʼe mafaʼne anagaʼaʼefeʼmo apava gemo haneʼniye. Yosefeʼa neya vekamo kafugaʼamo sevetiniʼa kafugamo maiʼniye. Maiʼnenoʼaeʼmo mago afinaʼmo nepuʼamogiʼeʼmo sipisipileʼmo yagaiʼa maiʼnae. Agaemo afoʼamo atalaʼmo Miliha mafaʼnelaʼe Silipa mafaʼnelaʼeʼmo magokepi lokaeʼa maiʼneʼapaeʼmo nepuʼamogimo huʼnaya hosu kavafeʼmo afoʼapimofeʼmo eno ha paiʼniye.

Aepa Gemae 41:35

Ani vayaʼmogimo seveniʼa kafugamo afole aisiya neʼyaʼmo aliʼa anupa huʼa neʼyaʼmo neʼmalaya nopiʼmo maleyo. Apakaemo Felo aiyafiʼmo maiʼneʼa muki taoniʼafiʼmo aliʼa maleyo.

Aepa Gemae 41:46

Ani afinaʼmo Yosefeʼa tetiʼa kafugamo maiʼnenoʼaeʼmo aepa faino ani kini vekamo aliʼyaʼmo aliʼniye. Inagi Yosefeʼa Kini vekamo Feloʼmo ataleno muki Isipi haopalegamo uneno huno ageʼniye.

Aepa Gemae 41:53

Inagi seveniʼa alagepa kafugamo ago hano huʼnigeno seveniʼa kafu hisaya kafugamo Yosefe ha paiʼniya kavaʼmo afole aiʼniye. Muki kotegamo kafu huʼnayaʼmonanafa Isipi koteʼmo neʼyaʼmo afaʼa haneʼniye.

Aepa Gemae 41:56

Muki kotegamo kafu kavaʼmo afole aiʼnigenoʼaeʼmo Yosefeʼa neʼyaʼmo aliʼa maleʼnaya noʼmo yakiʼnigeʼa Isipi vayaʼmogimo neʼyaʼmo miya faiʼnae. Ani afinaʼmo lusi kafu kavaʼmo afole aiʼniye.

Aepa Gemae 47:18

Inagi ani kafugamo uno hano huʼnigeno mago kafugamo Yosefetegamo eʼa, Ala vekae, huʼa, lagaemo muki monitimo hano huge muki afutimo hano huge huʼnigi kagae kaulagaleʼmo aeta ati okaegune. Mago yatimo afaʼa ohaneʼnigeno mopatiʼe lagufaʼekeʼmo haneʼniye.

Aepa Gemae 47:23

Inagi Yosefeʼa muki vayaʼaifeʼmo hapa painoʼaeʼmo, Afiyo, huno, nagaemo hemenimo lapakaemo miya faige mopatapimo miya faige huʼnovaʼmofeʼmo Felo vayaʼmo maige Felo mopamo hanege hugiye. Ageyo, huno, avina yatapimo haneʼniyanagi alinitutapa mopatapifiʼmo hakaleyo.

Hatu maeno apate'niya gemae 34:21

Muki sotafatiʼmo sigisiʼa afinaʼmo aliʼyaʼmo aligayaʼmonanafa seveni afinaʼmo maitapa haga leyo. Hoyamo aiʼyu neʼaiya kanaleʼe neʼyaʼmo neʼaliya kanaleʼeʼmo napa seveni afinaʼmo maita haga legae.

1 Samiyo 8:12

Kini vekamoʼmo mago vayaʼmo lekana paino apatesigeʼa vani tauseniʼa ati vayaʼaiteʼmo yagaiʼa apatege fifitiʼa ati vayaʼaiteʼmo yagaiʼa apatege hisaya kavaʼmo hugiye. Mago ve mafaʼne anagatapimogimo hoyaʼamo aiʼyumo aige magoʼamogimo hoyaʼafatiʼmo afu lesiya neʼyaʼmo alige magoʼamogimo kame hisaya yaʼmo alo huge magoʼamogimo kame talalaʼafatiʼmo kame hisaya yaʼmo alo huge hugae.