Aepa Gemae 45:20 - The Keyagana NT and 25 OT books

²⁰ Kagemi yatapieʼmo afaʼa lapakesamo oʼafiyo. Isipi kote kanale hogote kagemi yaʼmo lapakae yaʼmo hanegaiye, huka hapa paiyo, huno ha paiʼniye.

Aepa Gemae 45:20 ပူးပေါင်းရင်းမြစ်များ

Aepa Gemae 20:15

Amimelekiʼa hunoʼaeʼmo, Ago, huno, muki ma mopaʼamo nagae mopamo haneʼniyanagi amuse hisana haopalegamo afa uka maiyo, huno ha paiteno

Aepa Gemae 45:18

Afotapimoʼe afamo anagatapiʼeʼmo apavalelitapa nagaetegamo eyo. Nagaemo Isipi koteʼmo kanale hogote mopamo lapamisugeno ani mopafatiʼmo asole neʼyaʼmo afole aisigetapa negae.

Aepa Gemae 45:19

Kagaemo magoʼe gemo hapa paikaeʼmo, ani kavaʼmo hiyo, huka hapa paiyo. Aʼnetapigi mafaʼnetapigi afotapimoʼagi hutapa apavalelita esayafeʼmo Isipi kotetiʼmo mago talalamo halaulitapa ugae.

Aepa Gemae 45:21

Inagi Isaleli mafaʼne anagaʼmogimo ani kavaʼmo huʼnae. Yosefeʼa kini vekamo ha paiʼniya kavaʼmo huno talalamo apamiʼniye. Apamiteno kategamo nesaya neʼyaʼeʼmo apamiʼniye.

Aepa Gemae 47:6

Muki Isipi kote mopamo ageʼnane. Kagaemo afokamoʼe konagakamogiʼeʼmo Goseni koteʼmo kanale hogote mopamo afaʼa apamisanageʼa maigae. Inagi kagaemo apakaepatiʼmo pulumakale yagaisaya kavaʼmo ageʼa alagepa huʼnisaya vayaʼmo apakeʼnisana vayaʼmo alika apategeʼa pulumakaʼnileʼmo yagaigae, huno ha paiʼniye.

Esala 9:12

Nehayaʼmofeʼmo aʼmafaʼnetapimo ani nofi vayaʼaina oʼapamige mafaʼnetapimogimo aʼmafaʼneʼapimo oʼalige hiyo. Lapakaemo muki afinaʼmo apakaeʼeʼmo kame osisageʼa alagepa huʼa maisayafeʼmo hapa oʼmaeyo. Lapakaemo lokiya vaitapa maiʼnetapa ani mopaleʼmo alita vaisaya hoyafatiʼmo alagepa neʼyaʼmo neme neme utapa falisageʼapaeʼmo mafaʼnetapimogimo ani mopamo alisageno apakaiʼapi mopaʼapimo muki afinaʼmo hanege hanege huno hanesiyafeʼmo ani kavaʼmo hiyo.

Aiyeya 1:19

Lapakaemo alagepa kavaʼmo hisayafeʼmo lahapauge geʼnimo akame huge hisayana hoyatapifatiʼmo kanale neʼyaʼmo afole neʼaiya neʼyaʼmo negae.

Matiyu 24:17

Kumatega maiʼnisaya vayaʼmogimo kagemi yaʼapimo alisayafeʼmo noʼapifiʼmo uʼa ohaiyo.

Luki 17:31

Ani afinaʼmo kumatega maiʼnisaya vayaʼmogi noʼapifatiʼmo kagemi yaʼapimo alisayafeʼmo uʼa ohaiyo. Hoyalegamo maiʼnisaya vayaʼmogi noʼapilegamo halate oʼviyo.

Yasuva 7:11

Isaleli vayaʼmogimo hosu kavaʼmo huge kotalake geʼnimo hiyo, huʼna hu maleʼnova geʼnimo amagiʼa atalege huʼnae. Apakaemo mago lifana hu maleʼnova yaʼmo alige kumaya alige aigofe kavaʼmo huge huteʼa ani hosu yaʼmo aliʼa apakaiʼapi yapiʼmo fala ki maleʼnae.

1 Samiyo 10:22

Oʼageʼnayaʼmofeʼmo apakaemo Ala kava nefeʼmo ina ge huʼa ge huʼa afi geʼnae, Ani vekamo manileʼmo eʼnifi oʼmeʼniye, huʼa afi geʼnae. Ala kava neʼmoʼa geʼapileʼmo aeno atagaina hunoʼaeʼmo, Agaemo kagemi yatapimo folagapiʼmo fala kino maiʼniye.

1 Samiyo 25:13

Inagi Neviniʼmo vayaʼaeʼmo hunoʼaeʼmo, Mukiʼamogitapamo naipetapimo aliteta alo hiyo, huno hapa paiʼnigeʼa mukiʼamogimo naipeʼapimo aliteʼa alo huʼnageno Neviniʼeʼmo naipeʼamo aliteno alo huʼniye. Fo hataletiʼa agufa vayaʼmo Neviniʼeʼmo uʼnageʼa tu hataletiʼa vayaʼmogimo muki yaʼapileʼmo yagaiʼa maiʼnae.

1 Samiyo 30:24

Ina laʼmo lapakae gelefeʼmo hunoʼaeʼmo, Kanale gemo nehae, huno hugiye. Lagaemo alagepa huta alita fako huta muki vayaʼaina magoke aiyaya huta apamigune. Apakaemo kagemiyatileʼmo yagaiʼa maiʼnaya vayaʼmogiʼe kamefiʼmo uʼnaya vayaʼmogiʼeʼmo magoke aiyaya huʼa aligae, huno hapa paiʼniye.