Aepa Gemae 43:8 - The Keyagana NT and 25 OT books

⁸ Inagi Yutaʼa afoʼamoʼmo Isalelifeʼmo ha painoʼaeʼmo, Lagaemo ofalita afaʼa maisunafeʼmo ani neya mafaʼnemo afaʼa alika ategetao lagaegiʼeʼmo ugune. Lagaegi kagaegi aise mafaʼne anagatigi huta ofalita afaʼa maigune.

Aepa Gemae 43:8 ပူးပေါင်းရင်းမြစ်များ

Aepa Gemae 42:2

Nagaemo Isipi kotegamo vitimo haneʼniye, huʼa huʼnaya gemo afiʼnove. Lapakaemo ani kotegatiʼmo uta lamitapa vitimo mago miya faiyo, fiku yanageta neʼyafeʼmo laga tesigeta faligune, huno huʼniye.

Aepa Gemae 42:38

Yekopu hunoʼaeʼmo, Mafaʼneʼnimo lapakaeʼeʼmo uno olamigiye. Nepuʼamoʼmo ago falitegeno maiʼniyaʼmofeʼmae. Fiku yanageno kategatiʼmo hanageke yaʼmo alisiyana nagaemo lusi kava huʼna nahau hisuva kavaʼmo namisageʼna faliʼnaya vayaʼmo uʼa neʼmaiya kotegamo uguve, huno hapa paiʼniye.

Aepa Gemae 44:20

Lagaemo kaha paitaeʼmo, he afotimoʼmo afaʼa maiʼniyaʼmonanafa agaemo ago kosuna leʼniyapatiʼmo alino ateʼniya mafaʼnemo hemenimo neya vekamo maiʼniye. Nepuʼamoʼmo ago falitegeno itaʼamoʼmo magoke mafaʼnetoʼamo maiʼnigeno afoʼamoʼmo ani mafaʼneʼaeʼmo hau ayamopafiʼmo hauʼniye.

Aepa Gemae 44:26

Lagaemo oʼugune, huta huʼnone. Laganatimoʼmo lagaeʼeʼmo magokepi lokaeno oʼvisiyaʼmoʼmo ani vekamo aulagaleʼmo halate hetita oʼmaigunaʼmofeʼmo laganatimoʼmo lagaeʼeʼmo magokepi lokaeno visigetaekeʼmo inagi lagaemo afaʼa ugune, huta huʼnonagenoʼaeʼmo

Aepa Gemae 45:19

Kagaemo magoʼe gemo hapa paikaeʼmo, ani kavaʼmo hiyo, huka hapa paiyo. Aʼnetapigi mafaʼnetapigi afotapimoʼagi hutapa apavalelita esayafeʼmo Isipi kotetiʼmo mago talalamo halaulitapa ugae.

Aepa Gemae 50:21

Ani kavaʼmo huʼniyaʼmofeʼmo koli osiyo. Nagaemo lapakaeʼe mafaʼne anagatapiʼeʼmo afaʼa yagaiʼna lapategauve, huno hapa paiteno koli huʼnaya apaipa apakesamo huno falu hisiyafeʼmo falu fala gefatiʼmo huno hapa paiʼniye.

Aepa Gemae 50:8

Ani kava huʼa Yosefe afamo anagaʼagi konagaʼamogiʼenagi afoʼamo afamo anagaʼagi huʼa mukiʼamo uʼnayaʼmonanafa aise mafaʼne anaganagi sipisipigi memegi pulumakagi huʼa Goseni kotegamo maiʼnae.

2 Kini 7:13

Magoke vekamo aliʼyaʼamo neʼaliya vekamoʼmo geʼaleʼmo aeno atagaina huno ha painoʼaeʼmo, Kahao ke hovanageta lagaemo mago vayaʼmo alita apatesunageʼa afaʼa maiʼnaya hosi anagapatiʼmo faefuʼa hosi anagaʼmo alini uʼa na agufa kavaʼmo afole aiʼnifigeʼa agegae. Siliya vayaʼmogimo hapaesayaʼmoʼmo kanalene. Apakaemo taonifiʼmo maiʼnaya vayaʼmo falisaya agufa kavaʼmo huʼageʼmo faligae, huno ha paiʼniye.

2 Kini 7:4

Lagaemo Sameliya taonifiʼmo uta haisunana taonifiʼmo lusi kava huʼa kafu nehaya afinaʼmogeta faligune. Lagaemo manileʼmo afaʼa fai maiʼnetaeʼmo faligune. Inagi lagaemo lagaiti lagufamo lavalelita uta Siliya vayaʼai apayapiʼmo apamigune. Apakaemo lagaemo afaʼa latesageta afaʼa maigune. Apakaemo kamitimo lahaesayana afaʼa faligune, huʼa huʼnae.

Esala 8:21

Inagi lagaemo ani Ahava aniʼmo haopaleʼmo maiʼnetaeʼmo nagaemo Esalaʼnamo huʼnaeʼmo, Neʼyaʼmo mosiʼneta Gotitimo aulagaleʼmo lagaitimo alita afepiʼmo lategaune. Lagaitigi mafaʼne anagatigi muki yatigi huta alagepa kateʼmo visunafeʼmo lagaemo kahauya huta Gotitimofeʼmo nunumuʼmo hisunageno laha maeno lavalelino ugiye.

Samu 118:17

Ofaliʼna afaʼa maiʼneʼnaeʼmo Ala kava neʼmoʼa huʼniya kavafeʼmo ava gemo aeʼna hakalo huʼna hapa paiguve.

Hatu maeno apate'niya gemae 20:12

Itatapi afotapimogi apakiʼapileʼmo alita asagautetapa geʼapimo afitetapa akame hiyo. Ala kava neʼmo Gotitapimoʼnamo magoʼe huʼna yatala afinaʼmo lapamisugetapa ma mopafiʼmo maigayanagi.

Napa 14:31

Muki vayaʼamo mani kaʼme koteʼmo faligayaʼmonanafa kame vayatimogimo aise mafaʼne anagatimo kalavusi huʼa apategae, hutapa huʼnaya mafaʼne anagatapimo alagepa koteʼmo apavaleliʼna uguve. Apakaefeʼmo lapakaemo hutapaeʼmo, hosu koʼmo haneʼniye, hutapa huʼnaya koʼmo uʼa haiʼa ageteʼa alagepa huʼa oʼmaigae.