Aepa Gemae 43:12 - The Keyagana NT and 25 OT books

¹² Hogotetapa alinita uʼnaya monimo halate mago monimo alinitapa viyo. Kutapifiʼmo aiteʼa lapamiʼnaya moniʼeʼmo alinitapa viyo. Fiku yanageʼa apake kanisigeʼapaeʼmo oʼaliʼa ataleʼnegae.

Aepa Gemae 43:12 ပူးပေါင်းရင်းမြစ်များ

Aepa Gemae 42:25

Huʼnigeno Yosefeʼa aliʼyaʼamo neʼaliya vayaʼaifeʼmo hapa painoʼaeʼmo, Kuʼapifiʼmo vitimo alita ku aitapa apatetetapa moniʼapimo afaʼa ago atetapa ku aitapa apatetetapa kategamo uʼapaeʼmo nesaya neʼyaʼeʼmo apamige hiyo, huno huʼnigeʼa ani kavaʼmo huʼnae.

Aepa Gemae 42:35

Inagi apakaemo ani kava huʼa kuʼapifatiʼmo vitimo he nefiʼapaeʼmo ageʼnayana moni hayaʼapimo haneʼnigeʼa apakaeʼe afoʼapimoʼeʼmo ageteʼapaeʼmo hapau aiteʼa koli huʼnae.

Aepa Gemae 43:13

Lapakanatapimoʼmo ani vekalegamo avalelitapa viyo.

Aepa Gemae 43:21

Miya faiʼnonaʼmonanafa ani agufa kavaʼmo afole aiʼniye. Lapataleta uta kategamo havaesuna koteʼmo avaʼyi huʼnonateʼmo kutifiʼmo alita avayaka huta ageʼnonana mukiʼamogita kuʼmo avayaleʼmo monitimo mukiʼamo afaʼa haneʼnigeta ageʼnone. Lagaemo ani monimo alinita halate eʼnone.

Aepa Gemae 43:22

Lagaemo mago alu monimo neʼyatimo miya faisuna moniʼeʼmo alinita eʼnone. Ina laʼmo mani monimo alino kutifiʼmo ku ai maleʼnifi huta oʼageʼnone, huʼa ha paiʼnageno

Lomu 12:17

Lapakaetegamo hosu kavaʼmo nehisagetapaeʼmo anonaʼapileʼmo hosu kavaʼmo aeta atagaina hutapa osutapa afaʼa maiyo. Muki vayaʼmogimo lapaketeʼapaeʼmo, alagepa kavaʼmo nehae, huʼa hisaya agufa kavakeʼmo hiyo.

Lomu 13:8

Anonatapimo afaʼa ohaneno. Magoke anonatapimo afaʼa haneʼnisiyaʼmoʼmo anonatapilefeʼmo muki konagatapimogifeʼmo lahapau lapayamopafiʼmo lapaino. Vayaʼaifeʼmo hapau apayamopafiʼmo nehapaiya vayaʼmogimo muki keʼaepa geʼamo akame huʼa aliʼa afole aiʼa neʼatae.

2 Kolitiyani 8:21

Ala kava neʼmo aulagalegeʼmo alagepa kavaʼmo osugunaʼmonanafa muki vayaʼai apaulagaleʼeʼmo alagepa kavaʼmo hugesune.

Filipai 4:8

Konagaʼnimogitapae, huʼna, geʼnimo huʼna hano hisuvafeʼmo huʼnaeʼmo, lapakaemo muki alagepa kavaʼe ala apakiʼapimo neʼapamiya kavaʼefeʼmo lapakesamo afifi hutapa maiyo. Lama ge kavanagi ani kavatefeʼmo agiʼaleʼmo aliʼa asaga huʼa neʼataya kavanagi fatago kavanagi oʼaniʼya ofaiʼniya kavanagi kanale kavanagi ala agiʼamo haneʼniya kavanagi hutapa lapakesa afifi hutapa maiyo.

1 Tesaloniyani 4:6

Ani kavatefeʼmo fiku yanageʼa mago vayaʼmogi konagaʼapimogifeʼmo humi apateteʼa aliʼa hosu huʼa apategae. Hogoteta hutaeʼmo, Ala kava neʼmoʼa kumai kavaʼmo anonaʼapilefeʼmo apamigiye. Ehetapiye, huta ago lapa paiʼnone.

1 Tesaloniyani 5:21

Osutapa muki kavaʼe geʼeʼmo alita fako hutapa agege afige hutetapa alagepa kavaʼe alagepa geʼeʼmo atafauta lapaipafiʼmo maleyo.

Himulu 13:8

Yesu Kalaisiʼa alu afina alu afinaʼmo alu kavaʼmo huno noʼmaifa akeyaʼvilaga maiʼniya kavakeʼmo huno neʼmaiyanageno henagaʼamo ani agufa kavakeʼmo huno maigiye.