Aepa Gemae 42:9 - The Keyagana NT and 25 OT books

⁹ Agaemo hogoteno ageʼniya alagamunaʼaeʼmo agesamo afinoʼaeʼmo lapakaemo lamasa huta lagetetapae haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼniye.

Aepa Gemae 42:9 ပူးပေါင်းရင်းမြစ်များ

Aepa Gemae 37:11

Yosefe nepuʼamogimo apaipa kafa haeʼnayaʼmonanafa afoʼamoʼmo afitenoʼaeʼmo ani kavafeʼmo alino aipa agesafi maleʼniye.

Aepa Gemae 42:16

Lapakaepatiʼmo mago vekamo alitapa ategeno uno lapakanatapimoʼmo avalelino eno. Lapakaemo magoʼamo kalavusi huʼnisageʼna lama ge huʼnafi aigofe huʼnafi, huʼna agegauve. Nagaemo getapilefeʼmo amalageka huna agesugenoʼaeʼmo lama gemo ohaneʼnisiyana inagi nagaemo Kini vekamo Felo agiʼaletiʼmo alagi lama ge huʼnaeʼmo, lamasa huta lagesayafe eʼnae, huʼna huguve, huno hapa paiʼniye.

Aepa Gemae 42:34

Lapakaemo utapa lapakanatapimoʼmo avalelitapa nagaetegamo eyo. Ani kavaʼmo hisageʼnaeʼmo lamasa hisaya vayaʼmo eʼnae, huʼna osuʼna lama gemo nehaya vayaʼmo eʼnae, huʼna huguve. Inagi nagaemo konagatapimoʼmo afaʼa avaleʼna lapamisugetapa lapauʼnisiya kavaʼmo mani koteʼmo afaʼa hugae, huno huʼniye, huʼa ha paiʼnae.

Hatu maeno apate'niya gemae 32:35

Inagi Ala kava neʼmoʼa alopa kaitaʼmo alino ateʼnigeno ani vayaʼaiteʼmo eʼnigeʼa kaitaʼmo hapauʼniye. Apakaemo Eloniʼa pulumakamo goli yafatetiʼmo alo hisiyafeʼmo ha paiʼnayaʼmofeʼmae.

Napa 13:2

Kagaemo Kenani kotegamo uʼa ageʼa alagepa hisayafeʼmo mago ve anagaʼmo alika apato. Nagaemo ani mopamo aliʼna Isaleli vayaʼaina apamiguve. Kagaemo magoke magoke Isaleli nofi vayapatiʼmo yagaiʼa apateʼnaya vayaʼmo alika apato.

Luki 20:20

Kalavusi huʼa atesaya kavafeʼmo amasa hisaya vayaʼmo aliʼa apateʼnageʼa uʼa maiʼneʼapaeʼmo Yesuʼa alagepa huʼa eʼa maiʼnae, huno apakesiyafeʼmo aigofe kavaʼmo huʼa maiʼneʼa geʼamo afiʼnae. Geʼamo afiteʼapaeʼmo, hosu gemo nehisigetaeʼmo atafauta kalavusi huta ateteta Lomu vekamo yagaino nelateya vekamo avalelita uta amigune, huʼa huʼnae.

Himulu 11:31

Lehepiʼa kumai a kanomoʼmo agesamo afino fatago huʼniya kavatetiʼmo apamasa hisaʼafeʼmo eʼnaʼa vekalaʼmo alino falu fala huno anateʼnigeʼapaeʼmo Isaleli vayaʼmogi apakesamo afiʼa fatago osuʼnaya vayaʼmo hapaeteʼa Lehepiʼmo afaʼa ateʼnageno maiʼniye.

Yasuva 2:1

Isaleli vayaʼmo Sitami kotegamo maiʼnagenoʼaeʼmo Nani mafaʼnemo Yasuvaʼmo lole vekalaʼanifeʼmo hana painoʼaeʼmo, Lanakaemo utana Yeliko taonifiʼe haopaleʼmo haneʼniya mopaʼeʼmo agetana alagepa hiʼao, huno hana paiteno alino anateʼnigeʼana uʼnaʼae. Uʼana mago kate a kanomo agiʼamo Lehapi noteʼmo avaʼyi huteʼana agae nopiʼmo maiʼnaʼae.

Yasuva 6:23

Inagi ageʼana alagepa huʼnaʼa neya vekalaʼmoganimo nopiʼmo uʼana haiʼana Lehapiʼagi itaʼafoʼalaʼmoganimogi konagaʼamogimogi afamo anagaʼapigi huʼana apavaleliʼana emiʼeʼana Isaleli vayaʼmo seli noʼapimo aliʼa he tiʼa ateʼnaya haopaleʼmo malaga apateʼnaʼageʼa maiʼnae.

1 Samiyo 26:4

Afiʼniyaʼmofeʼmo agaemo Soloʼmo ago eʼnifi oʼmeʼnifi huʼa apamasa huʼa kahauya huʼa agesayafeʼmo mago vayaʼmo alino apateʼnigeʼa uʼa ageʼnayana ago eʼniye, huʼa ageʼnae.