Aepa Gemae 42:21 - The Keyagana NT and 25 OT books

²¹ Apakaemo ge huge afige huʼapaeʼmo, alagi lama ge huta lagaemo konagatimotegamo hosu kavaʼmo huʼnonaʼmofeʼmo lagaiti vaikeʼmo aligune. Lagaemo ageʼnonana lusi kana aliteno ha maesunafeʼmo lahaoke heno aukaya huʼniyaʼmonanafa geʼamo oʼafiʼnonaʼmofeʼmo mani lusi kana yaʼmo lagaetegamo afole aiʼniye, huʼa huʼnae.

Aepa Gemae 42:21 ပူးပေါင်းရင်းမြစ်များ

1 Yoni 1:9

Lagaemo Gotifeʼmo, ani hosuʼmo kava huʼnove, ina hosu kavaʼmo huʼnove, huta aeta hakalo huta ha paisunagenoʼaeʼmo alagi alino ataleteno, afaʼa ateyo, huno huteno, muki hosu kavatimo aeno kalo paeno atalesiyafeʼmo agaemo huguve, huno hu maleʼniya geʼamo alagi akame huno fatago kavaʼamo hugiye.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Apa 19:18

Asole vayaʼmogi apakesamo afiʼa fatago huʼnayaʼmofeʼmo eʼa muki vayaʼai apaulagaleʼmo hosu kavaʼmo huʼnaya kavaʼapieʼmo aeʼa hakalo huʼa hapa paiʼnae.

Luki 16:28

Faefuʼa konagaʼnimogi maiʼnayanageno uno lamino, ehetapiye, huno hapa paisigeʼa afiteʼapaeʼmo mani lusi kava huno apakafu kisiya koteʼmo emi oʼmegae, huno ha paiʼnigeno

Maki 9:48

Ata kopiʼmo muki afinaʼmo hagifamogimo apakufafiʼmo negayaʼmofeʼmo atamo alagi yu osegaiye.

Matiyu 7:2

Haiya kava hutapa vayaʼai kavaʼapimo alita fako huta neʼapatesafi ani agufa kavakeʼmo huno alino fako huno lapategaiye. Na agufa kavatetiʼmo alita fako hutapa neʼapatesafi ani agufa kavakeʼmo huno alino fako huno lapategaiye.

Mai'naya kavane 28:17

Mago vekamoʼmo alu vekamo kamitimo amagisiya vekamo aune hetaleno uno ive kelifiʼmo uno lamigiye. Fiku yanageno mago vekamoʼmo ha maegaiye.

Mai'naya kavane 21:13

Kagemi yaʼapimo ohaneʼnisiya vayaʼmogimo laha maeyo, huʼa nehisaya geʼapimo oʼafisaya vayaʼmo naha mao, huʼa hisagenoʼaeʼmo geʼapimo oʼafigiye.

1 Kini 17:18

Faliʼnigenoʼaeʼmo a kanomoʼmo Ilaiyafeʼmo hunoʼaeʼmo, Goti vekamogae, huno, na kava higekaeʼmo nagaetegamo ani kavaʼmo huʼnane. Nagaemo hosu kavaʼnieʼmo nagesamo afisugeka mafaʼneʼnimo amagisanafeʼmo eʼnapiye, huno ha paiʼniye.

2 Samiyo 12:13

Neviniʼa Netanifeʼmo ha painoʼaeʼmo, Nagaemo Ala kava netegamo hosu kavaʼmo huʼnove, huno huʼnigeno Netaniʼmo hunoʼaeʼmo, Ala kava neʼmoʼa hosu kavakamo alino ataleʼniyanageka afa ofaligane.

Aepa Gemae 41:9

Inagi nofi alagafati aniteʼmo neʼyagaiya vekamoʼmo kini vekamo Felofeʼmo ha painoʼaeʼmo, Hemenimo hosu kavaʼniyeʼmo nagesamo afiʼnove.

Aepa Gemae 45:3

Yosefeʼa nepuʼamogifeʼmo hapa painoʼaeʼmo, Nagaemo Yosefeʼmae. Afoʼnimoʼmo ofalino afaʼa maiʼnifiye, huno ge huno apafi geʼnigeʼapaeʼmo nepuʼamogimo agaefeʼmo koli huteʼa ge osuʼnae.

Aepa Gemae 50:15

Yekopuʼa falitegeʼapaeʼmo Yosefe nepuʼamogimo huʼapaeʼmo, Fiku yanageno Yosefeʼa lagaefeʼmo ohauge agaetegamo muki huʼnona hosu kavatimo anonatilefeʼmo lamige hugiye, huʼa apakesamo afiʼnae.

Aepa Gemae 44:16

Yutaʼa hunoʼaeʼmo, Ala vekae, huno, lagaemo na agufa gemo hisune. Haiya agufa gemo hugune. Haiya kava huta kaulagaleʼmo maigune. Gotiʼa aliʼyakamo neʼaluna vayamogita hosu kavatimo ageteno ago alino afole aino lateʼniye. Ala vekae, huʼna, lagaemo aliʼyakamo neʼaluna vayakamo maiʼnone. Kapukamo kuʼafatiʼmo ageʼnisana vekaʼe lagaeʼeʼmae, huno ha paiʼniye.