Aepa Gemae 42:19 - The Keyagana NT and 25 OT books

¹⁹ Lapakaemo alagi lama gemo nehisayana lapakaepatiʼmo magoke vekamo kalavusi huʼnisigetapa magoʼamogitapamo afamo anagatapimo apaka netegaiyanagetapa vitimo miya faita alinitapa ugae.

Aepa Gemae 42:19 ပူးပေါင်းရင်းမြစ်များ

Aiyeya 42:22

Amigiyaʼmonanafa hemenimo ani vayaʼmo alagepa huʼa oʼmaiʼnageʼapaeʼmo kame vayaʼapimogi eʼa muki yaʼapimo kumaya aliniʼa uʼnae. Mukiʼamo yafa kapiʼmo maige kalavusi huʼa apateʼnageʼa maige huʼnae. Kame vayaʼapimogi eʼa kame hapaeʼnagenoʼaeʼmo apayapatiʼmo apavalesiya vekamo oʼmaiʼniye. Kame vayaʼapimogi kumaya aliʼnaya yafeʼmo mago vekamoʼmo halate afaʼa apamiyo, huno nosiye.

Aiyeya 42:7

Kagaemo apaulagamo ali huʼnisiya vayaʼmo alika ayakeka apatege kalavusifiʼmo maiʼnaya vayaʼmo hatu maeka apatege kalavusifiʼmo hanipiʼmo fai maiʼnisaya vayaʼmo apavalelika ege hisanafeʼmo kategauve.

Aepa Gemae 45:23

Yosefeʼa Isipi kotetiʼmo alagepa yaʼageʼmo teniʼa nokimogi apagotofule maleteno afoʼamoʼmo kategamo enoʼaeʼmo nesiya neʼyaʼmo vitigi peleti mayagi alu neʼya alu neʼyanagi huno alino maleteno alino apateʼnigeʼa uʼnae.

Aepa Gemae 42:26

Nepuʼamogimo viti kuʼapimo aliʼa nokimo agotofuleʼmo maleteʼa uʼnae.

Aepa Gemae 41:56

Muki kotegamo kafu kavaʼmo afole aiʼnigenoʼaeʼmo Yosefeʼa neʼyaʼmo aliʼa maleʼnaya noʼmo yakiʼnigeʼa Isipi vayaʼmogimo neʼyaʼmo miya faiʼnae. Ani afinaʼmo lusi kafu kavaʼmo afole aiʼniye.

Aepa Gemae 40:3

kalavusi huno anateʼnigeno ami vayaʼaiteʼmo yagaino neʼapateya vekamoʼmo yagaino anateʼniye.

Aepa Gemae 42:11

Lagaemo mukiʼamo magoke vekamo mafaʼne anagaʼmo maiʼnone. Lagaemo lama ge vayaʼmo maiʼnonanageta lamasa hisunafeʼmo oʼmeʼnone, huʼa ha paiʼnae.

Aepa Gemae 42:18

Inagi loleʼe magoʼe felugamo hano huʼnigenoʼaeʼmo Yosefeʼa hapa painoʼaeʼmo, Nagaemo Gotifeʼmo koli nehuva vekamo maiʼnovaʼmofeʼmo geʼnimo akame hisayana ofalitapa afaʼa maigae.

Aepa Gemae 42:20

Utetapaeʼmo lapakanatapimoʼmo avalelitapa nagaetegamo eyo. Lama gemo nehae, huʼna agesuvaʼmoʼmo ofaligae, huno huʼnigeʼapaeʼmo ani gelefeʼmo he, huʼa huteʼa akame huʼnae.

Aepa Gemae 42:33

Isipi kote neʼyagaiya vekamoʼmo hunoʼaeʼmo, Ani kavaʼmo hisageʼnaeʼmo nagaemo lama ge vayaʼmo maiʼnae, huʼna lapakegauve. Lapakaepatiʼmo mago vekamo nagaeʼeʼmo maigiye. Lapakaemo magoʼamo afamo anagatapimo neʼyafe apaka netegaiyanagi alinitapa viyo.