Aepa Gemae 41:42 - The Keyagana NT and 25 OT books

⁴² ayatetiʼmo liniʼamo asagino Yosefe ayateʼmo vaino ateʼniye. Ani linileʼmo kini vekamo alagena yaʼamo haneʼniye. Feloʼa alagepa kukenamo alino vaino ateteno goli senimo lugoʼafiʼmo huno ateʼniye.

Aepa Gemae 41:42 ပူးပေါင်းရင်းမြစ်များ

Aepa Gemae 38:18

Na agufa alagena yaʼmo kamisuve, huno huʼnigenoʼaeʼmo, lugokafi huka aliʼna alagena yakamo liniʼe nofiʼaʼeʼmo namiteka hayopa kayokaʼeʼmo namiyo, huno huʼnigeno Yutaʼa ani yaʼamo amitegeʼana lokaeʼana havaeteʼanaeʼmo agae aipaguʼeʼmo maiʼniye.

Aepa Gemae 41:43

Agaemo Yosefeʼmo alino ateʼnigeno akame huno talalafiʼmo uno haino fai maiteno uʼnigeʼa aliʼyaʼamo neʼaliya vayaʼmo uʼa hogoteteʼapaeʼmo lapaleʼyamo faiyo, huʼa huʼnae. Feloʼa ani kavaʼmo huʼniya kavatetiʼmo Yosefeʼa muki Isipi koteʼmo yagaino apatesiyafeʼmo lekana paino ateʼniye.

Esata 10:3

Inagi Yu vekamo Motekaiʼa kini vekamo Sekisi napa tuʼamo maiʼnigeʼapaeʼmo Yu vayaʼmogimo ala agiʼamo amiteʼa muki konagaʼamogimo amuse huʼa ateʼnae. Ateʼnageno alagepa aliʼyaʼmo aliteno Yu vayaʼmo hapa maeteno alagepa huʼa maisayafeʼmo gege huno yagaino apateʼnigeʼa maiʼnae.

Esata 3:10

Kini vekamoʼmo Hemaniʼmo huʼniya keʼaepa geleʼmo alagena yaʼmo hu maleteno alino lokiya vaino atesiyafeʼmo ayatetiʼmo linimo asagino Hemaniʼmo Yu vayaʼai kameʼapimo amiʼniye.

Esata 3:12

Napa vani kaileʼmo tetini afinaʼmo Hemaniʼa kini vekamo avoʼmo nekaya vayaʼaifeʼmo ge huʼnigeʼa eʼnae. Eʼnagenoʼaeʼmo agaemo muki geʼamo alagi hapa paiʼnigeʼa avoʼmo kaeʼnae. Muki ani kotega mopaleʼmo maiʼnaya vayaʼmogi apakeʼapifati apakeʼapifatiʼmo ani avoʼmo kaeʼnae. Avoʼmo ago kaetagenoʼaeʼmo ani avoʼmo alino muki neʼyagaiya vayatama vayaʼaitegagi gamani vayaʼaitegagi hogote vayaʼaitegagi huno atalegeno uneno huʼniye. Hemaniʼa muki ani kaeʼnaya avoʼaleʼmo kini vekamo Sekisi liniletiʼmo alagena yaʼmo hu maleʼnigeno kini vekamoʼmo agaiʼamo ani avoʼmo kaeʼnegekana huʼniye.

Esata 8:10

Motekaiʼa hunoʼaeʼmo, ani avoteʼmo kini vekamo agiʼamo avoʼmo kaege liniʼaletiʼmo alagena yaʼmo huge hiyo, huno hapa paiʼnigeʼa ani kavaʼmo hu maletageno avoʼmo aliʼniʼa neʼvaya vayaʼaina apamiʼnigeʼa kini vekamo lafi kegiʼyafatiʼmo uʼa lusi kava huʼa nagu nagu huʼa neʼvaya hosimo apavaleli eʼa ani hosileʼmo fai maiteʼa malage huʼa aliniʼa muki haopalegamo uʼeʼa huʼnae.

Esata 8:15

Apakaemo kini vekamoʼa neʼvaiya agufa kukenamo yaveyave yaʼmo hanege oko yaʼamo hanege huʼniya kukenamo aliʼa Motekaiʼmo vaiʼa ateteʼapaeʼmo mago haesa kenamo yatala kenamo aliʼa kofiʼa ateʼnae. Inagi mago kini kakolitamo alopa goli kakolitamo aliʼa agenopaleʼmo maleʼa ateʼnageno Motekaiʼa kini vekamo atalenuno lamiʼniye. Susa taonifiʼmo maiʼnaya vayaʼmogimo ageteʼapaeʼmo lusi kava huʼa amuse huʼa ateteʼa apamogaga aiʼnae.

Esata 8:2

Kini vekamoʼmo hogoteno Hemani ayatetiʼmo linimo asagiʼniya linimo alino agaiʼa ayateʼmo vaiteno halate asagino Motekai ayateʼmo vaino ateʼniye. Ani linileʼmo kini vekamo alagena yaʼamo haneʼniye. Esataʼa Motekaiʼmo lekana paino ateʼnigeno muki Hemani kagemi yateʼmo yagaiʼniye.

Esata 8:8

Lanakaitanigeʼmo Yu vayaʼmo hapa maesiya agufa avoʼmo lanahauʼnisiya gemo hutana kaetetana nagae nagimo afaʼa kaetetana liniletiʼmo alagena yaʼnimo ani avoteʼmo hu maleʼao. Mago avoteʼmo nagae nagimo haneteno alagena yaʼnimo haneʼnisigeʼa ageteʼapaeʼmo magoke vekamoʼa afaʼa aeno kalo paeno oʼatalegaiye.

Samu 73:6

Himuʼnamu kavaʼmo nehaya kavaʼapimoʼmo ha le konali yaʼapigana huno haneʼniye. Kame nehaya kavaʼapimoʼmo kukena yaʼapigana huno haneʼniye.

Mai'naya kavane 1:9

Geʼanimoʼmo alagepa konali yakamo kagenopaleʼmo hanegaiye. Lugokafiʼmo alagepa konali senimo huka aligane.

Mai'naya kavane 31:22

Alagepa palaketiʼmo alo huteno agaiʼamo hogote kukena yaʼmo neʼvaiye.

Mai'naya kavane 31:24

Ani a kanomoʼmo mapalumo alo huge kanale hogote kukenamo aege huteno maketi nehiye.

Salomoni Yokemae 1:10

Muki kayokateʼmo haneʼniya konali yakamoʼa kaugosafiʼmo aeno ha nele. Kagaemo kanale sesumo lugokafiʼmo huka aliʼnanageno alagepa huno aeno ha nele.

Salomoni Yokemae 4:9

Nasaʼnimogamo aʼnimae, huʼna, kagaemo aiseʼatoʼamo nagaemo aulu nahaeka neʼnaganagenoʼaeʼmo naipafiʼmo lusi kava huno nahaʼye huʼniye. Nagaemo lugokamo ageteʼnaeʼmo kagaeteʼmo asagauʼna neʼauve.

Neniyo 5:16

Vayaʼmogi kagaefeʼmo huʼapaeʼmo, agaemo gemo aepaʼamo afige fala kiʼniya yaʼmo agege huno maiʼniye, huʼa huʼnageʼna afiʼnove. Kagaemo ani gemo lekana paiteka aepaʼamo naha paisanana kini vayaʼmogi neʼvaiya agufa haesa kukenamo vaiʼna kateteʼna goli seli nofiʼmo lugokafiʼmo huʼna katesugeka napa tali gamani vekamo yagaika apatesana vekamo maigane, huno ha paiʼniye.

Neniyo 5:29

Ha paiʼnigeno Melisasaʼmo ge huʼnigeʼa kini vayaʼmogi neʼvaiya agufa kukenamo aliniʼeʼa Neniyoʼmo ge vaiʼa atege goli seli nofiʼmo lugoʼafiʼmo huʼa atege huteʼa uʼa alopa gefatiʼmo huʼapaeʼmo, Hemenimo Neniyoʼa napa tali gamani vekamo maiʼniye, huʼa huliʼuʼeʼa huʼnae.

Neniyo 5:7

Kini vekamoʼmo alopa gefatiʼmo kanefiʼmo ageʼa aiyaka neʼaliya vayanagi Kalatiya vayanagi afole aisiya kavafeʼmo ava gemo nehaya vayanagi huʼa apavaleliʼa esayafeʼmo keya aeno ge huʼniye. Kini vekamoʼmo ani afiteʼa ageʼnaya vayaʼaifeʼmo hapa painoʼaeʼmo, ina laʼmo mani gemo lekana paiteno aepaʼamo naha paisifi nagaemo kini vayaʼmogi neʼvaiya agufa haesa kukena yaʼmo vaiʼna ateteʼna goli seli nofiʼmo lugoʼafiʼmo huʼna atesugeno napa tali gamani vekamo yagaino apatesiya vekamo maigiye, huno huʼniye.

Luki 15:22

afoʼamoʼmo aliʼyaʼamo neʼaliya vayaʼaifeʼmo hunoʼaeʼmo, malage huta hogote lokiya yatala kukenamo uta aliniteta vaita ateyo. Linimo aliniteta ayateʼmo vaita ateteta aiyaleʼmo suʼmo vaita ateyo.

1 Samiyo 18:4

Yonataniʼmo yatala kukenaʼamo asagino ataleteno ani kukena yaʼe muki kame hisiya yaʼeʼmo Nevinina amiʼniye. Agaemo naipeʼagi atiʼagi mapuluʼagi huno amiʼniye.