Aepa Gemae 41:40 - The Keyagana NT and 25 OT books

⁴⁰ Kagaemo muki noʼnifi haneʼniya yateʼmo yagaige muki vayaʼnileʼmo yagaika apatege hugane. Nagaemo kini siateʼmo maisuva kavatetiʼmo aeʼna kaga segauve.

Aepa Gemae 41:40 ပူးပေါင်းရင်းမြစ်များ

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

Aepa Gemae 44:18

Inagi Yutaʼa eno Yosefe haopaletiʼmo ha painoʼaeʼmo, Ala vekae, huno, Kahaoke hovanagi afaʼa nateʼnegeʼna afisana agufa gemo kaha paiguve. Kagaemo Isipi kotega kini vekamo Felokana huka maiʼnanaʼmofeʼmo kaipamo leka oʼnato.

Aepa Gemae 45:26

Apakaemo afoʼapimofeʼmo ha paiʼapaeʼmo, Yosefeʼa ofalino afaʼa maiʼneno muki Isipi koteʼmo yagaino neʼapate, huʼa ha paiʼnageno Yekopuʼa ani gemo afitenoʼaeʼmo agesa alaʼamo afiteno lama ge nehae, huno agesamo oʼafiʼniye.

Esata 10:3

Inagi Yu vekamo Motekaiʼa kini vekamo Sekisi napa tuʼamo maiʼnigeʼapaeʼmo Yu vayaʼmogimo ala agiʼamo amiteʼa muki konagaʼamogimo amuse huʼa ateʼnae. Ateʼnageno alagepa aliʼyaʼmo aliteno Yu vayaʼmo hapa maeteno alagepa huʼa maisayafeʼmo gege huno yagaino apateʼnigeʼa maiʼnae.

Esata 3:1

Henagaʼamo aise afinaʼmo kini vekamo Sekisiʼa mago vekamoʼmo muki neʼyagaiya vayaʼaina aeno apakaseno hogote gamani vekamo maisiyafeʼmo ani vekamo agiʼamo Hemaniʼa lekana paino ateʼniye. Hemani afoʼamoʼmo Hameʼnataʼae, Agagai aginago vekamae.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Mai'naya kavane 22:29

Kagaemo lokiya vaino aliʼyaʼmo neʼaliya vekamo ageʼnapiye. Kini vayaʼai apaulagaleʼmo afaʼa he tino maigiye. Apaki ohaneʼniya vayaʼai apaulagaleʼmo he tino oʼmaigiye.

Neniyo 5:29

Ha paiʼnigeno Melisasaʼmo ge huʼnigeʼa kini vayaʼmogi neʼvaiya agufa kukenamo aliniʼeʼa Neniyoʼmo ge vaiʼa atege goli seli nofiʼmo lugoʼafiʼmo huʼa atege huteʼa uʼa alopa gefatiʼmo huʼapaeʼmo, Hemenimo Neniyoʼa napa tali gamani vekamo maiʼniye, huʼa huliʼuʼeʼa huʼnae.

Neniyo 6:3

Neniyo aipafiʼmo alagepa aunemeʼamo maiʼniyaʼmofeʼmo muki ani yagaiʼnaya vayaʼaina ago aeno apaka seʼnigeno kini vekamoʼa Neniyoʼmo lekana paino atesigeno muki Mamiloni kote yagaisiyafeʼmo agesamo afiʼniye.

Apa 7:10

Maiʼniyaʼmonanafa Gotiʼa alagepa huno ha maeteno hosu kavategatiʼmo hatu maeno ateʼniye. Ha maeteno alagepa aipa agesamo amiʼnigeno Feloʼa Isipi kote kini vekamoʼmo agenoʼaeʼmo alagepa aipa agesa vekamo maiʼniye, huno agetenoʼaeʼmo, Isipi koteʼe muki yaʼnileʼeʼmo yagaino apategaiye, huno huteno lekana paino ateʼniye.

1 Samiyo 10:1

Inagi Samiyoʼmo mago aise olivi uvelimo alino Solo agenopafiʼmo lakino ateteno haeno netenoʼaeʼmo ina gemo huno ha painoʼaeʼmo, Ala kava neʼmoʼa agaiʼa vayaʼaiteʼmo yagaika apatesanafeʼmo lekana paino kateʼniyaʼmofeʼmo uvelimo lakiʼna kateʼnove, huno ha paiʼniye.