Aepa Gemae 41:15 - The Keyagana NT and 25 OT books

¹⁵ Feloʼa Yosefefeʼmo ha painoʼaeʼmo, Mago alagamuna ageʼnova kavaʼmo aepaʼamo naha paisiya vekamo oʼmaiʼniye. Oʼmaiʼniyaʼmonanafa kagaefeʼmo ani ge huʼnageʼna afiʼnove. Alagamunamo gemo afiteka aepaʼaeʼmo afaʼa hugane, huʼa naha paiʼnae, huno huʼniye.

Aepa Gemae 41:15 ပူးပေါင်းရင်းမြစ်များ

Aepa Gemae 40:8

Laʼagaemo alagamuna ageʼnoʼa kavafeʼmo aepaʼamo laʼahapaisiya vekamo oʼmaiʼniye, huʼana ha paiʼnaʼageno Yosefeʼa hunoʼaeʼmo, Gotikeʼmo alagamunamo aepaʼamo alino apave neliye. Lahanaoke hovanagi, alagamunamo ageʼnisaʼa kavafeʼmo naha paiʼao, huno huʼniye.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Neniyo 2:3

Kini vekamoʼmo hunoʼaeʼmo, Nagaemo mago alagamuna ageʼnovanageʼna aepaʼamo afisuvafeʼmo naipamo he tiʼniye, huno huʼnigeʼa

Neniyo 4:18

Nagaemo kini vekamo Nepukanesaʼnamo alagamuna ageʼnova kavafeʼmo kaha pauve. Inagi Metasasao, huʼna, aepaʼamo alika nave liyo. Yagaiʼna neʼapatova vayapatiʼmo muki afiteʼa ageʼnaya vayaʼmogimo aepaʼamo afaʼa naha opaigayaʼmonanafa kagaemo afaʼa naha paigane. Apaote gotigi apauneʼapameʼmo kagae kaipafiʼmo maiʼnayaʼmofeʼmae, huno ha paiʼniye.

Neniyo 4:9

Melitesasao, huʼna, apaune vayaʼaiteʼmo yagaika neʼapatana vekae, Nagaemo kageʼnovana apaote gotigi apauneʼapameʼmoʼmo kagae kaipafi maiʼnayaʼmofeʼmo mago yaʼmo kagaeteʼmo alagi fala okigiye. Inagi kagaemo ageʼnova alagamunamo aepaʼamo naha paiyo.

Neniyo 5:12

Ani vekamo agiʼamo Neniyoʼmae. Kini vekamo Nepukanesaʼmo Melitesasaʼae huno agi ateʼniye. Nepukanesaʼmo ageʼniyana alagepa aunemeʼamo aipa agesafi mukufi gemo alagepa huno afige alagepa agesa afi yaʼmo hanege alagamuna gemo aepaʼamo alagepa huno afige aune gemo afige fala kiʼniya gemo afige huʼnigeno ageʼniye. Maiʼniyaʼmofeʼmo agaefeʼmo ge huʼnigeno eno ani gemo aepaʼamo kaha paino.

Neniyo 5:14

Nagaemo kava gemo afiʼnovana kagaemo gotigi apauneʼapameʼmo kaipafiʼmo maiʼnageka alagepa huka agege mukufi gemo alagepa huka afige alagepa huka afiteka agege huʼnane.

Neniyo 5:16

Vayaʼmogi kagaefeʼmo huʼapaeʼmo, agaemo gemo aepaʼamo afige fala kiʼniya yaʼmo agege huno maiʼniye, huʼa huʼnageʼna afiʼnove. Kagaemo ani gemo lekana paiteka aepaʼamo naha paisanana kini vayaʼmogi neʼvaiya agufa haesa kukenamo vaiʼna kateteʼna goli seli nofiʼmo lugokafiʼmo huʼna katesugeka napa tali gamani vekamo yagaika apatesana vekamo maigane, huno ha paiʼniye.