Aepa Gemae 40:19 - The Keyagana NT and 25 OT books

¹⁹ Loleʼe magoʼe felugamo utesigeno kini vekamo Feloʼa kalavusifatiʼmo kavalelino uno lamino yosaleʼmo kaneʼmu aeno asai maleʼnisigeʼa nama anagaʼmogimo haleli eʼa kagufaʼamo negae, huno ha paiʼniye.

Aepa Gemae 40:19 ပူးပေါင်းရင်းမြစ်များ

Aepa Gemae 40:13

Loleʼe magoʼe felugamo utesigeno kini vekamoʼa hatu maeno kateteno alino asagauno kategaiye. Kagaemo hogoteka huʼnana kava huka nofi alagafati aniʼmo lakika kini vekamo amigane.

Aepa Gemae 40:17

Anaga agotofuʼaleʼmo haneʼniya hona yuvapafiʼmo muki alu peleti mayamo kini vekamo Feloʼmo nesiya peleti mayamo haneʼnigeno nama anagaʼmogimo eʼa ani nagenopaleʼmo haneʼniya yuvapafatiʼmo neʼnae, huno ha paiʼniye.

Aepa Gemae 40:18

Yosefeʼa ha painoʼaeʼmo, Ani ageʼnana alagamuna gemo aepaʼamo loleʼe magoʼe hona yuvapamo haneʼniya kava huno loleʼe magoʼe felugamae.

Aepa Gemae 40:20

Loleʼe magoʼe felugamo ago utegeno kini vekamo Feloʼmo itaʼamo alino ateʼniya afinaʼmo afole aiʼnigeno aliʼyaʼamo neʼaliya vayaʼmo alopa neʼyaʼmo yagita huno apateʼniye. Huteno nofi alagafati aniteʼmo neʼyagaiya vekaʼe peleti mayamo nekaya nopiʼmo neʼyagaiya vekaʼeʼmo hatu maeno anateteno anavalelino eno vayaʼai apaulagaleʼmo alino he tino anateʼniye.

Aepa Gemae 40:22

Amiʼniyaʼmonanafa kini vekamoʼa peleti mayamo nekaya nopiʼmo neʼyagaiya vekamo yosaleʼmo aneʼmu aeno asaiʼniye. Yosefeʼa ani alagamuna ageʼnaʼa kavaʼmo aepaʼamo hana paiʼniya kavaʼmo anakaetegamo afole aiʼniye.

Aepa Gemae 41:13

Laʼaha paiʼniya kavaʼmo laʼagaetegamo ago afole aiʼniye. Aliʼyakaleʼmo halate uka aliyo, huno alino nateteno peleti mayamo nekaya nopiʼmo neʼyagaiya vekamo yosaleʼmo aneʼmu aeno asaiʼniye.

Mai'naya kavane 30:17

Mago vekamoʼmo afoʼamofeʼmo huno faipa huno atege kigi yokalo gemo huge itaʼamo geʼamo akame hisiya kavafeʼmo akameʼyamo amige nehisiyaʼmoʼmo falisigeʼapaeʼmo hakikimogimo aulagamo haniʼa katiʼa negae.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

Yasuva 10:26

Henagaʼamo Yasuvaʼa ani kini vayaʼmo kamiti hapaeteno faefuʼa yosaleʼmo apaneʼmuʼmo aeno asai maleʼnigeʼa haneliʼa neʼvagenoʼaeʼmo yegemo uno lamino faleʼniye.

Yasuva 8:29

Yasuvaʼa Ai taonifi kini vekamo mago yosaleʼmo aneʼmu aeno asai maleteno agufaʼamo afaʼa ateʼnigeno hanelinuno une tiʼniye. Uneʼamo Yasuvaʼa vayaʼaifeʼmo huʼnigeʼa agufaʼamo aliʼa ani taonimo yafa lafi kegiʼyamo kipateʼmo yaga auʼa ataleʼnae. Apakaemo asole yafaʼmo aliʼa agufaleʼmo aluʼmo ai maleʼnae. Hemenimo ani yafa aluʼmo afaʼa haneʼniye.

1 Samiyo 17:44

Nevinifeʼmo ha painoʼaeʼmo, Egeʼnao kamagiʼna kagufaʼamo nama anagaʼe afela afu anagaʼeʼmo apamisugeʼa negae, huno huʼniye.

1 Samiyo 17:46

Hemeni mani afinaʼatomo Ala kava neʼmoʼa nayapiʼmo kavaleno katesigeʼna kamiti kamagiteʼna lugokamo heʼna hatagauguve. Ani afinaʼmo muki ma mopafi vayaʼmogimo agesayana Isaleli vayaʼai Gotiʼapimoʼmo maiʼniye, huʼa agesayafeʼmo nagaemo Filisatini ati vayaʼai apakufaʼamo nama anagaʼe afela afu anagaʼeʼmo apamisugeʼa negae.