Aepa Gemae 4:8 - The Keyagana NT and 25 OT books

⁸ Henagaʼamo Keniʼmo aganaʼamo Evofeʼmo, egetaʼa viʼano, huno huʼniye. Anakaemo uʼana mago yategamo maiʼneʼanaeʼmo Keniʼa aganaʼamoʼmo kamitimo amagiʼnigeno faliʼniye.

Aepa Gemae 4:8 ပူးပေါင်းရင်းမြစ်များ

Aepa Gemae 4:25

Henagaʼamo Atamu aʼaʼeʼmo magokepi lokaeno havaeʼnigeno ve mafaʼnemo alino atetenoʼaeʼmo agiʼamo Setiʼae huno ateʼniye. Keniʼa Evoʼmo amagiʼniya vekamo aimuʼyaleʼmo maisiyafeʼmo Gotiʼa ani mafaʼneʼnimo lekana paino ateʼniyaʼmofeʼmae huteno agiʼamo Setiʼae huno ateʼniye. Setiʼae agimo aepaʼamo haneʼniyana lekana paino ateʼniya vekamae.

Samu 139:19

O Gotiyo, huʼna, hosu vayaʼmo apamagisanafeʼmo neʼnahaiye. Kaveta nehapaya vayaʼmo nataleʼa visayafeʼmo neʼnahaiye.

Samu 36:3

Hosu gemo huge aigofe gemo huge huʼa neʼmaiye. Afiteʼa ageʼnaya kavaʼe alagepa kavaʼapiʼeʼmo ataleʼa afaʼa neʼmaiye.

Samu 55:21

Agaemo avayaletiʼmo haga gemo huʼniyaʼmonanafa aipafiʼmo agesamo afinoʼaeʼmo apakaeʼeʼmo kamemo huguve, huno agesamo afiʼniye. Geʼamoʼmo lagaemo laipamoʼmo falu hisigeta maisuna gemo laha paiʼniyaʼmonanafa ani gemoʼmo lusi kava huno aveʼmo neʼneya naipekana huno laisiyafeʼmo haneʼniye.

Maika 7:6

Ani afinaʼmo ve mafaʼnemogimo afoʼapimogi apakiʼapileʼmo aliʼa afepiʼmo apatesageʼa a mafaʼnemogimo itaʼapimogiʼeʼmo kaveta hisageʼa apanofeloʼapimogimo aʼne apanofeloʼapimogifeʼmo kame huʼa apategae. Vayaʼmogimo apakaiʼapi afamo anagaʼapiʼeʼmo kame huʼa apatesageʼa kame huʼa apatesageʼa huʼa maigae.

Matiyu 23:35

Ani kava hugayaʼmofeʼmo muki vayaʼmo hapaeʼnaya kavatetiʼmo vaiʼmo lapamigiye. Fatago vekamo Evoʼmo haege hosu kavaʼmo osuʼnaya vayaʼmo hapaeme hapaeme ege Melekaiya mafaʼnemo Sekalaiyaʼmo alopa mono noʼe ofalini nehaya hiʼyalamuʼeʼmo haneʼnaʼa folagapiʼmo kamitimo amagige huʼnae.

Luki 11:51

Hogoteʼa Evoʼmo haeteʼa magoʼe vayaʼmo hapaeme hapaeme eʼa henagaʼamo Sekalaiyasiʼa mono no kumateʼmo haeʼnae. He, lapa paiʼnaeʼmo, Gotiʼa hemeni afinaʼmo maiʼnaya vayaʼmo ani kavatefeʼmo agoti huno apategaiye.

Luki 22:48

Yesuʼa hunoʼaeʼmo, Yutasiyo, huno, Vemo Mafaʼnemo kame vayaʼamogi apayapiʼmo avaleka apamisanafeʼmo haeka neʼnapiye, huno ha paiʼnigeʼapaeʼmo

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.