Aepa Gemae 4:7 - The Keyagana NT and 25 OT books

⁷ Alagepa kavaʼmo hisanageʼnaeʼmo amuse huʼna kateteʼna kavalegauve. Hosu kavaʼmo huʼnisanaʼmoʼmo hosu kavaʼmoʼa katafausiyafeʼmo eno kipateʼmo yagaino maiʼniye. Hosu kavaʼmoʼa yagaino katesiyafeʼmo hauʼniyaʼmofeʼmo kagaemo hosu kavaʼmo aiyafi oʼmaika aeka aga so, huno ha paiʼniye.

Aepa Gemae 4:7 ပူးပေါင်းရင်းမြစ်များ

Aepa Gemae 19:21

Enisole vekamoʼmo, He, kanalene, huno, naha paina gelefeʼmo fikumo kaha maeʼna kamiguve. Ani taonimo aliʼna hano huʼna oʼatalegauve.

Aepa Gemae 3:16

Gotiʼa a kanoeʼmo ha painoʼaeʼmo, kagaemo kaipaguʼeʼmo maisana afinaʼmo lusi kana yaʼmo kamiguve. Kagaemo mafaʼnemo alika ategefe hisana afinaʼmo lusi kava huno kagafu kigiye. Anaukamofeʼmo alagikeʼmo kahaʼye hugiyanageno yagaino kategaiye.

2 Samiyo 24:23

O kini vekae, huno, Alaunaʼnamo muki ani yaʼmo kini vekamo fiku amiʼnove. Ala kava neʼmo Gotikamoʼmo amuse huno kateno, huno ha paiʼniye.

Mai'naya kavane 18:5

Lapakaemo hosu vayaʼmogi apakiʼapieʼmo lapakesamo afige aliʼnaya yafeʼmo lapakesamo afige alu ya alu yaʼapieʼmo lapakesamo afige nehaya kavaʼmo hosu kavaʼmae. Vaiʼmo oʼaliʼnaya vayaʼmo alagepa huʼa aliʼa fako huʼa noʼapataya kavaʼmo hosu kavaʼmo haneʼniye.

Mai'naya kavane 21:27

Ala kava neʼmoʼa hosu vayaʼmogi ofalini neʼamiya yafeʼmo ohauʼnigeno avenatuʼnaʼmo heno neʼatale. Hosu kavaʼmo hisayafeʼmo apakesamo afiteʼapaeʼmo ofalini neʼamiya yafeʼmo magoʼe huno ohauʼnigeno avenatuʼnaʼmo heno neʼatale.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Malakai 1:10

Nagae hiʼyalamuteʼmo afa ofalinimo okaesiyafeʼmo lapakaepatiʼmo ina laʼmo mono nopiʼmo kita kigiye. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapao ke nosove, huʼna nehuve. Lapakae lapayapatiʼmo ofalini namisageʼnaeʼmo oʼaliguve.

Malakai 1:13

Lapakaemo mago hosu kavatapimo haneʼniyana, Ani mono kavafeʼmo alagaʼmo lahae, hutetapa hosu lapaugosamo kaliʼnae. Lapakaemo kumaya apavaleʼnaya afu ofalinigi apaiyamo hosuʼniya afu ofalinigi kaita hapauʼniya afu ofalinigi hutapa avalelitetapa namiʼnae. Ani agufa hosu ofalinimo aligufiye.

Malakai 1:8

Lapakaemo apaulagamo ali huʼniya afumo ofalini namiya kavaʼmo hosu kavaʼmo osuʼnafiye. Apaiyamo hosuʼniya afumo ofalini namige kaita hapauʼniya afumo ofalini namige huʼnaya kavaʼmo hosu kavaʼmo osuʼnafiye. Lapakaemo yagaino nelapateya gamani vekatapimo ani agufa afumo amiyo. Amisagenoʼaeʼmo amuse huno lapategaifiye. Amisageno alitenoʼaeʼmo lapakaetegamo alagepa kavaʼmo hugifiye, huno lapa paiʼniye.

Apa 10:35

Gotiʼa alu nofi vaya alu nofi vayapatiʼmo agaefeʼmo koli huteʼa alagepa kavaʼmo nehaya vayaʼaifeʼmo hapao keʼmo nehe.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 6:12

Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.

Lomu 6:16

Lapakaemo ago afiʼnayana mago vekaeʼmo hutapaeʼmo, aliʼyakamo aligune, hutapa huʼnisayana ani vekamo kalavusi aliʼyaʼamo neʼaliya vayaʼmo maiʼnae, hutapa afiʼnae. Lapakaemo hosu kavaʼmo kalavusi aliʼyaʼamo neʼaliya vayaʼmo maiʼnisayana faligae. Goti kalavusifiʼmo geʼamo akame hutapa kalavusi aliʼyaʼamo neʼaliya vayaʼmo maiʼnisayana lapaipafatiʼmo fatago kavaʼmo afole aigiye.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

1 Timoti 5:4

Ani kogu aʼne anagaʼmogi mafaʼneʼapimo maige apakioʼapimogi maige huʼnisayana afaʼa yagaiʼa apategae. Kogu aʼne anagaʼmogi itaʼapi afoʼapimogimo anonaʼapilefeʼmo Gotitefeʼmo mono kavaʼmo huʼa yagaiʼa apategae. Gotiʼa ani kavafeʼmo hauʼnigenoʼaeʼmo, alagepa kavaʼmo haneʼniye, huno nehiye.

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Yemisi 1:15

Aʼnemogi apaipaguʼeʼmo maiteʼa mafaʼnemo aliʼa neʼapataya kava huno apakufamoʼmo hauʼniya kavaʼmoʼa aipaguʼeʼmo maiteno hosu kavaʼmo alino neʼate. Hosu kavaʼmo alino ateʼnigeno ko sino alopa hetenoʼaeʼmo nefaliya kavaʼmo alino afole aino neʼate.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.