Aepa Gemae 4:4 - The Keyagana NT and 25 OT books

⁴ Inagi Evoʼmo yege aikeli sipisipi amagiteno afayaʼamo alininuno Ala kava neʼmo ofalini amiʼnigeno Evoʼe ofaliniʼaʼefeʼmo amuse huʼniye.

Aepa Gemae 4:4 ပူးပေါင်းရင်းမြစ်များ

Aepa Gemae 15:17

Yegemo uno lamino faletegeno hani huʼnigenoʼaeʼmo halina neʼaiya alopa sitopumoʼe aeno ha neleya kaniʼmoʼeʼmo lole hetamalaʼani folagapatiʼmo uʼniye.

Aepa Gemae 4:3

Henagaʼamo Keniʼa hoyaʼafatiʼmo neʼyaʼmo alitenoʼaeʼmo mago neʼyaʼamo alininuno Ala kava neʼmo ofalinimo amiʼniye.

1 Kini 18:24

Inagi lapakaemo gotitapimogi apakiʼapileʼmo aetapa keya aesageʼnaeʼmo nagaemo Ala kava neʼmo agiʼaleʼmo aeʼna keya aegauve. Ani Gotiʼa ataletiʼmo getileʼmo aeno atagaina huno hisigetaeʼmo agaekeʼmo lama ge Gotiʼmae, huta hugune, huno hapa paiʼnigeʼa muki vayaʼamogimo huʼapaeʼmo, Kanale gemo huʼnane, huʼa huʼnae.

1 Kini 18:38

Inagi Ala kava neʼmoʼa atamo alino atalegeno emineno ani ofalinimo alagi lege maleʼniya atamo lege hiʼyalamuʼmo hu maleʼniya yafaʼmo lege hiʼyalamuʼmo haopaleʼmo haneʼniya mopamo lege huʼniye. Ani kaʼmo vai maleʼniya yapiʼmo haneʼniya aniʼeʼmo alagi leno laneno ataleʼniye.

Samu 20:3

Agaemo muki kagae ofalinieʼmo agesamo afino. Agaemo muki leno sagaliʼniya ofalinimo amisana ofalinieʼmo haino.

Hatu maeno apate'niya gemae 13:12

Lapakaemo ani mopaleʼmo uta maiʼnetapaeʼmo yege mafaʼnetapiʼe yuna afu anagaʼmogi yege apanaʼauʼeʼmo Ala kava netefeʼmo apavaleta apaote apategae. Muki afu anagaʼmogi yege ve apanaʼauʼeʼmo Ala kava neʼmoʼna nagaiʼni afumae.

Mai'naya kavane 3:9

Ala kava neʼmo agiʼaleʼmo alika asaga hisanafeʼmo neʼalina kagemi yapatiʼmo alika fako huka ofalinimo amiyo. Hoyakafatiʼmo hogoteno lesiya neʼyaʼmo alika ofalinimo amiyo.

Napa 16:15

Moseseʼa ani gemo afitenoʼaeʼmo lusi kava huno aipamo leʼnigeno Ala kava nefeʼmo ha painoʼaeʼmo, Mani vayaʼmogimo ofalini yaʼmo kamisagekaeʼmo oʼaliyo. Nagaemo magoke nokiʼapimo oʼavalege magoke vekamo aliʼna hosu huʼna oʼatege huʼnove.

Napa 16:35

Ala kava neʼmoʼa atamo alino ataleʼnigeno emineno tu hataleti fifitiʼa ve anagaʼmogi alagepa atumo neʼaiya ofalinimo nehaya vayaʼmo apaleno apasagaliʼniye.

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 9:22

Vayaʼmogi keʼaepa gemo akame hisayafeʼmo alagi hogoʼamo muki hosu kavaʼapimo afumo kolatetiʼmo aeʼa kalo paeʼa atalesaya kavaʼmo huʼnae. Kolaʼmo aino olakiʼnisiyaʼmoʼmo Gotiʼa vayaʼai hosu kavaʼapimo alino oʼatalegaiye.

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

1 Samiyo 15:22

Samiyoʼa Solofeʼmo ha painoʼaeʼmo, Ala kava neʼmo geʼamo akame hisana kavafeʼmo magoʼe huno hauʼnigeno amogaga aiʼnifi sipisipi heka ofalinimo amisana kavafeʼmo magoʼe huno hauʼnigeno amogaga aiʼniye. Afiyo, Goti geʼamo akame nehaya kavaʼmoʼa ofalinimo neʼamiya kavaʼmo ago aeno age seʼniye.