Aepa Gemae 4:19 - The Keyagana NT and 25 OT books

¹⁹ Lemekiʼa lole atalaʼmo aliʼniye. Mago aʼamo agiʼamo Etaʼae. Mago aʼamo agiʼamo Silaʼae.

Aepa Gemae 4:19 ပူးပေါင်းရင်းမြစ်များ

Aepa Gemae 2:18

Inagi Ala kava neʼmo Gotiʼa hunoʼaeʼmo, mani vekamo agaiʼageʼmo maisiyana kanale osugiye. Nagaemo ha maesiyafeʼmo mago afaluʼamoʼmo alo huguve.

Aepa Gemae 2:24

Huʼniyaʼmofeʼmo ani kavaʼmo afole aisiyafeʼmo ve kanomoʼmo itaʼafoʼalaʼmoganimo anataleno uno aʼaʼeʼmo aliʼana lokaesaʼagenoʼaeʼmo magoke anakufamo hamalegaiye.

Aepa Gemae 4:18

Inokiʼa mago ve mafaʼnemo alino atetenoʼaeʼmo agiʼamo Ailatiʼae, huno ateʼniye. Ailatiʼmo mago ve mafaʼnemo alino atetenoʼaeʼmo agiʼamo Mehayaeliʼae huno ateʼniye. Mehayaeliʼa mago ve mafaʼnemo alino atetenoʼaeʼmo agiʼamo Metusalaʼae huno ateʼniye. Metusalaʼa mago ve mafaʼnemo alino atetenoʼaeʼmo agiʼamo Lemekiʼae huno ateʼniye.

Aepa Gemae 4:20

Etaʼa Yemoʼmo alino ateʼniye. Yemoʼa pulumakaleʼmo neʼyagaiya vayaʼai apakinago vekamo maiʼnigeʼa seli nopiʼmo maiʼnae.

Aepa Gemae 4:23

Mago afinaʼmo Lemekiʼa aʼalafeʼmo hana painoʼaeʼmo, Etagaʼe Silagaʼeʼmo geʼnimo afiʼao. Lemeki atalane, huʼna, geʼnimo afiʼao. Mago neya vekamoʼmo neʼnamagigeʼna ago kamitimo amagiʼnogeno ago faliʼniye.

Matiyu 19:8

Huʼa afi geʼnagenoʼaeʼmo, lokiya lapaipamo haneʼniyaʼmofeʼmo Moseseʼa hunoʼaeʼmo, aʼnetapimo afaʼa hapa faita apatalegae, huno huʼniyaʼmonanafa hogoteno ani agufa kavaʼmo ohaneʼniye.