Aepa Gemae 4:16 - The Keyagana NT and 25 OT books

¹⁶ Keniʼa Ineni kotetiʼmo Ala kava neʼmo atalenuno mago mopamo agiʼamo Nona kotegamo maiʼniye. Ani mopamo yegemo haine neʼeya haopalegamo haneʼniye.

Aepa Gemae 4:16 ပူးပေါင်းရင်းမြစ်များ

Aepa Gemae 3:8

Ala kava neʼmo uneʼmo alino falu huʼniya kanaleʼmo hoyafiʼmo sapa sapa hulino eʼnigeʼana afiteʼanaeʼmo Ala kava netegatiʼmo anaune hetaleʼana uʼana yosa hoyafilagamo fala kiʼnaʼae.

Aepa Gemae 4:14

Hemenimo mani mopaletiʼe kagae kaulagaletiʼeʼmo ago alika naha faika nataleʼnane. Noʼnimo ohanesigeʼna maiʼna haga oleʼna vayaʼai mopalegamo umenitata nehisugeno mago nagesiya vekamoʼmo kamitimo namagigiye, huno huʼniye.

Aepa Gemae 4:17

Keniʼa aʼaʼeʼmo magokepi lokaeʼana havaeteʼana aipaguʼeʼmo maiteno Inokiʼmo alino ateʼniye. Henagaʼamo Keniʼa mago taonimo kitenoʼaeʼmo ani taonimo agimo mafaʼneʼamo agileʼmo ateʼniye.

Samu 5:11

Apataleganaʼmonanafa kagaefekeʼmo aliʼa amufa kamiʼnaya vayaʼmogi muki afinaʼmo alopa gefatiʼmo huteʼa apamogaga aiyo, kagaemo alagepa huʼa maisayafeʼmo aika apati kaeʼnanaʼmofeʼmae. Kagikaeʼmo hapau apayamopafiʼmo hapauʼnisiya vayaʼmogimo kagaepiʼmo apamogaga aiyo.

Samu 68:2

Yasimoʼmo halinamo alino ha faitalegeno neʼviya kava huno agaemo alino hapa faino apataleno. Atamoʼmo ketoloʼmo leno amuko nehigeno kalisiʼamoʼmo aniʼmo alino ha maleteno hano huʼniya kava huʼa hosu vayaʼmo Goti aulagaleʼmo alino hano huno apataleno.

Hatu maeno apate'niya gemae 20:18

Hakalu huteno alino alave huteno aeno haleʼnigeno pikulimoʼmo age aiʼniya kavaʼmo muki vayaʼmogimo ageteʼa afiʼnae. Avefatiʼmo alopa halinamo aiʼnigeʼa ageteʼapaeʼmo koli huteʼa aveletiʼmo ataleʼa alime alime uʼa afagiʼaleʼmo he tiʼa maiʼnae.

Yona 1:3

Yonaʼa Ala kava netegatiʼmo ataleno aune hetaleno Tasisi taonifiʼmo ugefeʼmo huʼniye. Ataleno uno Yopa taonifiʼmo uno lamino Tasisi taonifiʼmo ugefe huʼniya sipimo miya faiteno sipifiʼmo uno haino maiʼniye. Yonaʼa Ala kava netegatiʼmo ataleno aune hetaleno uʼniye.

Matiyu 18:20

Nagiʼnilefeʼmo lole vekalaʼmofi loleʼe magoʼe vayaʼmofi huno alino anupa huno apateʼnisageʼnaeʼmo nagaemo apakae folagapiʼmo maiʼnove, huno hapa paiʼniye.

Luki 13:26

kagaeʼeʼmo magokepi lokaeta maiʼneta neʼyaʼmo neʼnone. Kagaemo kumatileʼmo alika laya maleʼnane, hutapa ha paisagenoʼaeʼmo,

Yoni 1:10

Gotiʼa agaetetikeʼmo alo huʼniya mopafiʼmo afole aiʼniyaʼmonanafa ageʼa aeto osuʼnae.

Yoni 1:3

Gotiʼa agaetetikeʼmo muki asole yaʼamo alo huʼniye. Magoke yaʼmo mago alu katetiʼmo alagi afole oʼaiʼniye.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.