Aepa Gemae 4:10 - The Keyagana NT and 25 OT books

¹⁰ Ala kava neʼmoʼa, na agufa kavaʼmo huʼnane. Nagaefeʼmo kaganakamo kolaʼamoʼmo mopafatiʼmo keya aeno ge nehiye.

Aepa Gemae 4:10 ပူးပေါင်းရင်းမြစ်များ

Aepa Gemae 18:20

Inagi Ala kava neʼmoʼa hunoʼaeʼmo, Satomi taonifatiʼe Gomola taonifatiʼeʼmo hosu kavaʼmoʼa alopa gefatiʼmo keya aeno ge nehiyanageʼna uʼna lamiʼna nagaefeʼmo keya aeno ge nehiya kavaʼmo nehafi nosafi, huʼna agegauve, huno hutegeʼanaeʼmo.

Aepa Gemae 3:13

Ala kava neʼmo Gotiʼa a kanoeʼmo ge huno afi geʼniye. Na kava higeka ani kava hane, huno ge huno afi geʼnigenoʼaeʼmo, Nagaloʼyavemokeʼmo humi nateʼnigeʼna neʼnove, huno ha paiʼniye.

Aepa Gemae 9:5

Mago vekamoʼmofi mago afumoʼmofi huno vayaʼmo hapaesageʼnaeʼmo anonaʼalefeʼmo afaʼa falisiya kavaʼmo huguve.

Samu 50:21

Ani agufa kavaʼmo huʼnageʼnaeʼmo ge osuʼna afaʼa maiʼnove. Lapakaemo nagaefeʼmo, lagaekana huno maiʼniye, hutapa lapakesamo afiʼnayaʼmonanafa hosu kavaʼmo huʼnae, huʼna lapa paiguve. Nagaemo hosu kavatapimo lapaulagaleʼmo aliʼna kale kaeʼna lapave liguve.

Samu 72:14

Hosu vayaʼmogimo humi apatege apakufamo aliʼa afepi apatege huteʼa apamagisagenoʼaeʼmo miya faino hatu maeno apategaiye. Agaemo kolaʼapimo alopa monileʼyaʼmo aeno agaseʼniya yaʼmo haneʼniye, huno agesamo neʼafiye.

Samu 9:12

Apamagige hapaege huʼnaya vayaʼai anonaʼapilefeʼmo neʼapamiya Gotiʼa kana yaʼmo neʼaliya vayaʼaifeʼmo agesamo neʼafiye. Agaefeʼmo keya aeʼa ge nehaya vayaʼaifeʼmo age nokaniye.

Samu 9:13

O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Aiyeya 5:7

Isaleli vayaʼmo asole vayaʼaiteʼmo yagaino neʼapateya Ala kava neʼmo nofi hoyaʼagana huʼa maiʼnae. Yuta vayaʼmo Ala kava neʼmoʼa amuse nehiya nofigana huʼa maiʼnae. Agaemo vayaʼaitegamo fatago kavaʼmo hisayafeʼmo apakava maiʼniyaʼmonanafa vayaʼaitegamo hosu kavakeʼmo huʼa kana yaʼmo aliʼa apamiʼnae. Apakaemo alagepa huʼa aliʼa fako hisayafeʼmo apakava maiʼniyaʼmonanafa hosu kavaʼmo huʼnageʼapaeʼmo laha mao, huʼa keya aeʼa ge nehae.

Apa 5:3

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.

Apa 5:9

Pitaʼa hunoʼaeʼmo, Na kava higetana aigofe gemo huguʼae, hutana hu maleʼnetana Goti Aunemeʼaeʼmo amalageka hutana neʼataʼae. Anaukamoʼmo faliʼnigeʼa alini uʼa kiʼa ateʼnaya vayaʼmo kipate neʼayanageʼa hiyopa alini uʼa kiʼa kategae, huno ha nepaigenoʼaeʼmo

Himulu 11:4

Evoʼa agesamo afino fatago huʼniya kavatetiʼmo alagepa ofalinimo Keni ofalinimo ago aeno agaseʼniya ofalinimo Gotina amiʼniye. Gotina amiʼniya ofalinieʼmo agesamo afinoʼaeʼmo, naulagaleʼmo fatago vekamo maiʼnane, huno ha paiʼniye. Evoʼa ago faliʼniyaʼmonanafa hemenimo agesamo afino fatago huʼniya kavatetiʼmo ge nehiye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

Yasuva 7:19

Yasuvaʼa Ekanifeʼmo ha painoʼaeʼmo, Mafaʼneʼnimogae, huno, kahao ke hovanagi, Kagaemo Ala kava neʼmo Isaleli vayaʼmogita Gotitimofeʼmo hosu kavakaeʼmo ha paiteka ala agiʼamo amiyo. Hemenimo hosu kavakaeʼmo naha paiyo. Ati kaeka oʼnato, huno huʼnigenoʼaeʼmo

1 Samiyo 13:11

Samiyoʼmo Solofeʼmo ha painoʼaeʼmo, Kagaemo na kavaʼmo huʼnane, huno ge huno afi geʼnigenoʼaeʼmo Soloʼmo hunoʼaeʼmo, Nagaemo apakovana vayaʼmo ago nataleʼa muki haopalegamo uʼeʼa huʼnageka kagaemo egauve, huka lekana paiʼnana afinaʼmo oʼmeʼnanageʼa Filisatini vayaʼmo Mikimasi taonifiʼmo aliʼa anupa huʼa maiʼnayaʼmofeʼmo nagesa alaʼamo afiʼnove.