Aepa Gemae 39:7 - The Keyagana NT and 25 OT books

⁷ Inagi mailiʼa neʼeʼapaeʼmo ani kavaʼmo henagaʼamo Potifa aʼmoʼa Yosefeʼeʼmo havaesiyafeʼmo ageno haʼye huteno, egetaʼao nagaeʼeʼmo lokaeta havaegauʼae, huno huʼniye.

Aepa Gemae 39:7 ပူးပေါင်းရင်းမြစ်များ

Aepa Gemae 6:2

Ani afinaʼmo Goti ve mafaʼne anagaʼamogimo ani a mafaʼne anagaʼmo ma mopafi vayaʼai a mafaʼne anagaʼaifeʼmo alagepa apaulagamo apakeʼnaya a mafaʼne anagaʼmo maiʼnageʼa apaketeʼapaeʼmo alisageno aʼne anagaʼapimo maisayafeʼmo hapaʼye huʼniyaʼmofeʼmo aliʼnae.

Samu 119:37

Alu yaʼmo aulu haeʼna neʼagesugekaeʼmo alika aika afe leka nato. Kagae kateʼmo neʼvisugekaeʼmo alika he tika nato.

Mai'naya kavane 1:10

Mafaʼneʼnimogae, huʼna, hosu vayaʼmogi hosu kavaʼmo hisanafeʼmo kagesamo faiteʼa kayateʼmo alisayafeʼmo nehisagekaeʼmo geʼapimo afiteka akame osuvo.

Mai'naya kavane 2:16

Afiteka agesana kavaʼmoʼmo kumai a kanomo ayapatiʼmo kavalelino ugiye. Kagesamo faisiya gemo oʼafigane.

Mai'naya kavane 5:9

Fiku yanagetapa alagepa lapakitapimo atalegae. Fiku yanageʼa hapau huʼa nolapataya vayaʼmogimo naipeletiʼmo lapaigae.

Mai'naya kavane 6:26

Mago vekamoʼmo kumai kavaʼmo nehiya a kanoʼeʼmo magokepi lokaeno maisiyana neʼyaʼmo miya faisiya moniʼamo hano hugiye. Afela afumo hapaesayafeʼmo apavegala neʼaya kava huno vegala aeno alopa monileʼyaʼmo aeno agaseʼniya aunemeʼamo aligiye.

Mai'naya kavane 7:13

Ageʼnovana ani a kanomoʼa ani neya vekamo atafauno anu kiliʼneno haeno neʼniye. Avagage osigeno ani gemo huno ha paiʼniye.

Matiyu 5:28

Mani gemo ago huʼnayaʼmonanafa hemenimo nagaemo lapa paiʼnaeʼmo, Mago vekamoʼa a kanomo agetenoʼaeʼmo haʼye nehisiyana aipafiʼmo ani a kanoʼeʼmo kumai kavaʼmo huʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.

1 Yoni 2:16

Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.