Aepa Gemae 39:6 - The Keyagana NT and 25 OT books

⁶ Agaemo muki yaʼmo alino Yosefe ayapiʼmo maleteno mago yafeʼmo agesamo oʼafige oʼagege huteno neʼyaʼmo nesiya afinaʼmo neʼyafekeʼmo ageʼniye. Yosefeʼa alagepa agufamo haneʼnigeno apaulagaleʼmo alagepa augosa agufaʼe vekamo maiʼniye.

Aepa Gemae 39:6 ပူးပေါင်းရင်းမြစ်များ

Aepa Gemae 29:17

Liya aulagamoʼmo lokiya oʼvaiʼniyaʼmonanafa Lesoʼmo alagepa huno maiʼnigeʼa alagepa apaulagamo neʼagaya a mafaʼnemo maiʼniye.

Aepa Gemae 39:23

Ala kava neʼmoʼa Yosefeʼmo ha maeʼnigeno muki aliʼniya aliʼyaʼamoʼmo alagepa aliʼyaʼageʼmo afole aiʼniyaʼmofeʼmo kalavusifiʼmo neʼyagaiya vekaʼmoʼmo muki Yosefe ayapiʼmo haneʼniya yaʼalefeʼmo agesamo oʼafiʼniye.

Aepa Gemae 39:4

Agae aulagaleʼmo Yosefekeʼmo alagepa vekamo maiʼnigeno agaiʼa nopiʼmo aliʼyaʼmo aliteno muki yaʼaleʼmo yagaino atesiyafeʼmo ateʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Aepa Gemae 43:32

Apakaemo Yosefeʼmo aote hiʼyalamuteʼmo neʼyaʼamo hatiʼa atege nepuʼamogimo apaote hiʼyalamuteʼmo hatiʼa apatege Isipi vayaʼmo apakaeʼeʼmo neʼyaʼmo neʼnaya vayaʼmo apaote apatege huteʼa hiʼyalamutetiʼmo neʼnae. Isipi vayaʼmogimo Himulu vayaʼeʼmo magokepi lokaeʼa maiʼneʼa neʼyaʼmo noʼnayaʼmofeʼmo Yosefeʼmo aote hiʼyalamutetiʼmo neʼnigeʼa konagaʼamogimo apaote hiʼyalamuteʼmo neʼnageʼa Isipi vayaʼmo apaote hiʼyalamuteʼmo maiʼneʼa neʼyaʼmo neʼnageʼa huʼnae. Himulu vayaʼeʼmo magokepi lokaeʼa maiʼneʼa neʼyaʼmo nesaya kavaʼmo Isipi vayaʼai apaulagaleʼmo alagi kanale kavaʼmo ohaneʼniyaʼmofeʼmae.

Mai'naya kavane 31:11

Ani agufa a kanomo anauʼamoʼmo alino amufa neʼamiyanageno kafu osuno alagepa huno maigiye.

Luki 16:10

Mago vekamoʼmo aise yateʼmo alagepa huno yagaiʼnisiyaʼmoʼmo ani kavaʼmo huno alopa yateʼeʼmo alagepa huno yagaigiye. Mago vekamoʼmo aise yateʼmo alagepa huno oʼyagaiʼnisiyaʼmoʼmo ina kavaʼmo huno alopa yateʼeʼmo alagepa huno oʼyagaigiye.

Luki 19:17

alagepa huka aliʼyaʼnimo aliʼnane. Aise yateʼmo alagepa huka yagaiʼnanaʼmofeʼmo teniʼa taonileʼmo yagaisanafeʼmo lekana paiʼna kateʼnove, huno ha paitegenoʼaeʼmo

Apa 7:20

Aini huno neʼapategenoʼaeʼmo Moseseʼa afole aiʼniye. Gotiʼa Mosesefeʼmo hunoʼaeʼmo, Alagi kanale mafaʼnemo maiʼniye, huno amuse huno ateʼniye. Itaʼafoʼalaʼmoganimo loleʼe magoʼe kaimo noʼanifiʼmo fala kiʼana ateʼneʼana yagaiʼana ateʼana maiʼneʼana kumateʼmo avaleliʼuʼana lamiʼana ateʼnaʼae.

1 Samiyo 16:12

Inagi Yesiʼmo mago vekamo alino ateʼnigeno uno ani ve mafaʼneʼamo avalelino eʼniye. Ani vekamo neya vekamogeno kanale alagepa augosamo hanege aulagafatiʼmo aeno ha lege kanale agufamo hanege huʼniye. Inagi Ala kava neʼmoʼa Samiyofeʼmo ina gemo hunoʼaeʼmo, Ani vekamae, huno huteno, he tika uvelimo lakika ato, huno ha paiʼniye.

1 Samiyo 17:42

Agaemo Nevini haopaletiʼmo eno ageyana Neviniʼa neya vekamo alagepa augosaʼe vekamo maiʼnigeno agetenoʼaeʼmo, ina agufa neya kanomo maiʼniye.