Aepa Gemae 39:4 - The Keyagana NT and 25 OT books

⁴ Agae aulagaleʼmo Yosefekeʼmo alagepa vekamo maiʼnigeno agaiʼa nopiʼmo aliʼyaʼmo aliteno muki yaʼaleʼmo yagaino atesiyafeʼmo ateʼniye.

Aepa Gemae 39:4 ပူးပေါင်းရင်းမြစ်များ

Aepa Gemae 15:2

Ha paiʼniyaʼmonanafa Emalemiʼa hunoʼaeʼmo, Ala kava neʼmo Gotiʼnimogae, huno, nagaemo mafaʼneʼnimo oʼmaiʼniyaʼmofeʼmo falisuva afinaʼmo muki yaʼnimo alisiya vekamo Namasakasi taonifi vekamo Eliyesakeʼmo maiʼniye. Na yaʼmo namigane.

Aepa Gemae 18:3

Ape huʼnenoʼaeʼmo, Ala kava neʼnimogae, huno, Kaulagaleʼmo fikumo naha maeka namisana kaʼmo ageʼnisuvana aliʼyakamo neʼaluva vekamo naga setapa oʼviyo.

Aepa Gemae 19:19

Nagaemo fikumo naha maeka namiʼnana kavaʼmo ago ageʼnove. Kagaemo magoʼe huka kahau huka nateteka nagufaʼnimo alika katika nateʼnanaʼmonanafa faiʼna kasalo paeʼna avelegamo uʼna haiʼna maisuvana mago hosu kavaʼmoʼa natafausigeʼna faliguve.

Aepa Gemae 24:2

Inagi Emalehamuʼa agaiʼaleʼmo asole kafugamo aliʼyaʼamo aliteno muki kagemi yaʼaleʼmo yagaino neʼateya vekaeʼmo ha painoʼaeʼmo, kahao ke hovanagi kayaʼmo naluʼmo afeʼalumelaga malo.

Aepa Gemae 32:5

Nagaemo pulumaka anagaʼnigi noki anagaʼnigi sipisipi anagaʼnigi meme anagaʼnigi aliʼyaʼnimo neʼaliya ve aʼnegi huʼa maiʼnae. Alagepa kaipamo kalika atesanafeʼmo mani gemo huteno alino lateʼnigeta kagaetegamo one, hutapa ha paiyo, huno hapa paiʼniye.

Aepa Gemae 33:10

Yekopuʼa hunoʼaeʼmo, Haʼao, kahaoke hovanagi, alagepa huka kaipamo namisanaʼmoʼmo inagi fikumo nekamuva yaʼmo afaʼa aliyo. Nagaemo Goti augosafiʼmo agegekana huʼna kagae kaugosafiʼmo kageʼnove. Kagaemo nagaefeʼmo amuse huʼnisanaʼmoʼmo afaʼa aliyo.

Aepa Gemae 33:8

Isoʼa Yekopufeʼmo, Na kavatefeʼmo muki vayaʼe yuna afuʼeʼmo alika apateʼnanageʼa nagaetegamo eʼnae, huno ge huno afi geʼnigenoʼaeʼmo, Ala vekaʼniye, huno, Alagepa kaipamo kalika natesanafeʼmae, huno ha paiʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Esata 2:9

Agaemo Esatafeʼmo hauʼnigeno amuse huno ateʼniyaʼmofeʼmo malage huno agufamo alino alagepa hisiya yaʼe alagepa neʼyaʼeʼmo amiʼniye. Aʼne anagaʼai nopiʼmo mago hogoteʼa aeʼa anagi maleʼnaya yapiʼmo maisiyafeʼmo Esataʼmo alino atetenoʼaeʼmo seveniʼa aʼmafaʼne anagaʼmogi kini vekamo nopiʼmo aliʼyaʼmo neʼaliya aʼmafaʼne anagaʼaifeʼmo, alagepa huta Esatateʼmo yagaita ateyo, huno hapa paiʼniye.

Mai'naya kavane 14:35

Kini vekamoʼmo afiteno ageʼneno aliʼyaʼamo neʼaliya vekaeʼmo haoke neheyaʼmonanafa avagage yaʼmo alino neʼamiya vekaeʼmo aipamo leno ateno maiʼniye.

Mai'naya kavane 16:7

Ala kava neʼmoʼa mago vekamo kavafeʼmo haoke nehesiyaʼmoʼmo kame vayaʼaʼeʼmo magokepi lokaeno maisiyafeʼmo apaipamo alino falu hugiye.

Mai'naya kavane 17:2

Afiteno ageʼneno aliʼyaʼmo neʼaliya vekamoʼmo apavagage yaʼmo alino apamisiya mafaʼneleʼmo yagaino ategaiye. Konagaʼamogimo afoʼapimo kagemi yaʼmo aliʼa fako huʼa alisagenoʼaeʼmo agaeʼeʼmo afaʼa aligiye.

Mai'naya kavane 22:29

Kagaemo lokiya vaino aliʼyaʼmo neʼaliya vekamo ageʼnapiye. Kini vayaʼai apaulagaleʼmo afaʼa he tino maigiye. Apaki ohaneʼniya vayaʼai apaulagaleʼmo he tino oʼmaigiye.

Mai'naya kavane 27:18

Mago vekamoʼmo alagamo neʼaeya yosaleʼmo yagaisiyana ani yosamo alagamo afaʼa negaiye. Ani kava huno mago vekamoʼmo aliʼyaʼmo afoʼamo aliʼyaʼamo alagepa huno neʼalisiyaʼmoʼmo aliʼyaʼmo afoʼamoʼmo agiʼaleʼmo alino asagauno ategaiye.

Mai'naya kavane 3:4

Ani kavatetiʼmo Gotiʼa kagaefeʼmo hauʼninageno kagikaleʼmo alino asaga huno katege vayaʼmogimo kagaefeʼmo hapauʼninageʼa kagikaleʼmo aliʼa asaga huʼa katege hugae.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Luti 2:6

afi geʼnigenoʼaeʼmo, Alu kotegatiʼmo Neyomiʼeʼmo lokaeno eʼniya a kanomo Movapu kotega a kanomo maiʼniye.

1 Samiyo 16:22

Soloʼmo Yesitegamo mago gemo huno atalegeno uʼniye. Agaemo hunoʼaeʼmo, Nagaemo Nevinifeʼmo nahauʼniyaʼmofeʼmo kagaemo agaemo afaʼa ategenoʼa eno nagae aliʼyaʼmo alino, huno ha paiʼniye.

1 Samiyo 2:26

Ani afinaʼmo Samiyoʼmo kosime kosime haino yatala huʼnigeʼapaeʼmo Ala kava neʼe vayaʼmogiʼeʼmo huʼniya kavafeʼmo magoʼe huno lusi kava huno hapauʼniye.