Aepa Gemae 39:3 - The Keyagana NT and 25 OT books

³ Aliʼyaʼmo afoʼamoʼmo ageʼniyana Ala kava neʼmoʼa Yosefeʼeʼmo lokaeno maiʼneno ha maeʼnigeno muki huʼniya kavaʼamo alagepa kavaʼageʼmo afole aiʼnigeno ageʼniye.

Aepa Gemae 39:3 ပူးပေါင်းရင်းမြစ်များ

Aepa Gemae 21:20

Gotiʼa ani mafaʼneʼeʼmo lokaeno maiʼnigeno kosino alopa heteno ani kaʼme kotegageʼmo maiʼnenoʼaekeʼmo ati hesiya kavaʼmo ageno alagepa huno ageʼniye.

Aepa Gemae 21:22

Ani afinaʼmo Amimelekiʼe Faikoʼmo ami vayaʼaleʼmo yagaino neʼapateya vekaʼeʼmo eʼana Amimelekiʼa Emalehamufeʼmo hunoʼaeʼmo, Gotiʼa kagaeʼeʼmo maiʼnigeka muki kavaʼamo nehane.

Aepa Gemae 21:23

Inagi hemenimo kagaemo Goti agiʼaletiʼmo kagoʼyamo ataleteka aigofe kavaʼmo nagaetegamo osuge mafaʼneʼnilegamo osuge naginago vayaʼaitegamo osuge huguve huka huvo. Nagaemo kalaga vekamo kagaetegamo alagepa kavaʼmo huʼnova kava huka nagaetegaʼe mani eka maiʼnana koteʼeʼmo alagepa kavaʼmo huguve, huka naha paiyo, huno huʼniye.

Aepa Gemae 26:24

Haino maiʼniya haniʼilagamo Ala kava neʼmoʼa agaetegamo afole aiteno ha painoʼaeʼmo, Nagaemo afokamo Emalehamu Gotiʼamoʼnamo maiʼnove. Nagaemo kagaeʼeʼmo maiʼnovanagi alagi koli osuvo. Nagaemo aliʼyaʼnimo aliʼniya vekamo Emalehamutefeʼmo aliʼna auleʼna katesugeʼa asole kaginago vayaʼmo magoʼe huʼa afole aigae, huno ha paiʼniye.

Aepa Gemae 26:28

Lagaemo ageta alagepa huta ageʼnonana Ala kava neʼmo kagaeʼeʼmo lokaeno maiʼnigeta ageʼnonaʼmofeʼmo kagaegiʼeʼmo magokepi lagoʼya ataleteta kotalakemo hugune.

Aepa Gemae 30:27

Lepaniʼa geʼaleʼmo aeno atagaina huno ha painoʼaeʼmo, kahaoke hove, nagaemo kaulagaleʼmo fiku naha maeka namiʼnana kavakamo kahauya huʼna agesuvana nagaeʼeʼmo magokepi lokaeka maigane. Nagaemo ago ageʼnovana kagaemo nagaeʼeʼmo lokaeka maiʼnanaʼmofeʼmo Ala kava neʼmoʼa kagaetefeʼmo alino auleno nateʼnigeʼna ageʼnove.

Aepa Gemae 30:30

Hogoteno asole yakamo ohaneʼniyaʼmonanafa nagaemo eʼna kagaeʼeʼmo lokaeʼna maiʼnova afinatetiʼmo Ala kava neʼmoʼa alino auleno kateʼnigeno muki yaʼakamoʼmo aino atagu faeno magoʼe yaʼmo afole aiʼniye. Hemenimo nagaemo maiʼneʼnaeʼmo hainu afinaʼmo nagaiʼni afamo anagaʼnimo hapa maegauve, huno afi geʼniye.

Aepa Gemae 39:2

Ala kava neʼmoʼa Yosefeʼeʼmo lokaeno maiʼniyaʼmofeʼmo Yosefeʼa muki huʼniya kavaʼamo alagepa kavaʼageʼmo afole aiʼniye. Aliʼyaʼmo afoʼamoʼmo Isipi nofi vekamo nopiʼmo maiʼniye.

Aepa Gemae 39:21

Kalavusifiʼmo maiʼniyaʼmonanafa Ala kava neʼmoʼa agaeʼeʼmo lokaeno maiʼneno hau huno ateteno ha maeʼniye. Ala kava neʼmoʼa kalavusi nopiʼmo neʼyagaiya vekamoʼmo Yosefefeʼmo hausiya agufa aipa agesamo amiʼniye.

Aepa Gemae 39:23

Ala kava neʼmoʼa Yosefeʼmo ha maeʼnigeno muki aliʼniya aliʼyaʼamoʼmo alagepa aliʼyaʼageʼmo afole aiʼniyaʼmofeʼmo kalavusifiʼmo neʼyagaiya vekaʼmoʼmo muki Yosefe ayapiʼmo haneʼniya yaʼalefeʼmo agesamo oʼafiʼniye.

Samu 1:3

Apakaemo ani agoʼnanenamo folagapiʼmo fai maleʼniya yosamoʼmo alagamo neʼaeya afinaʼmo alagamo aesigenoʼaeʼmo haitaʼamo falu noteya yosagana huʼa maiʼnae. Muki aliʼnaya aliʼyaʼapimoʼmo alagepa huno afole neʼaiye.

Matiyu 5:16

Ani kava hutapa vayaʼai apaulagaleʼmo kanitapimo aeta ha legeʼapao alagepa kavatapimo ageteʼapaeʼmo kokuʼnapi afotapimo agiʼaleʼmo aliʼa asaga huʼa ateyo.

1 Kolitiyani 16:2

Alisaya monifatiʼmo hogote afinaʼmo sateʼae sateʼaeʼmo lapamete lapamete hutapa alita fako hutapa Gotiʼa na magiʼmo lapamiʼnisifi ani kava hutapa alita fako hutapa maleme maleme viyo. Esugetapaeʼmo ofalini monieʼmo kahauya hutapa alita anupa hutapa oʼmalesayafeʼmo hemenigeʼmo malege malege hutapa maiyo.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.

Leveleseni 3:9

Mago vayaʼmogimo Sataniʼeʼmo aliʼa anupa huʼa maiʼneʼapaeʼmo, Yu vayaʼmo maiʼnone, huʼa nehayaʼmonanafa aigofeʼmo nehae. Lama gemo lapa nepauve, huno, nagaemo apavaleliʼneʼna lapaiyafiʼmo apatesugeʼapaeʼmo Kalaisiʼa lapakaefeʼmo hau ayamopafiʼmo hauʼniya vayaʼmo maiʼnae, huʼa hugae.

1 Samiyo 18:14

Neviniʼmo muki aliʼyaʼamo afiteno ageʼniya kavaʼaletiʼmo aliʼnigenoʼaeʼmo Ala kava neʼmoʼa magokepiʼmo lokaeno maiʼniye.

1 Samiyo 18:28

Ani kavatetiʼmo Soloʼmo ageyana Ala kava neʼmoʼa Neviniʼeʼmo magokepiʼmo lokaeno maige a mafaʼneʼnimo Maikoʼa Nevinifeʼmo hauʼnigeno agaeteʼmo asagauno aige huʼniye, huno ageʼniye.

1 Samiyo 3:19

Samiyoʼmo ko nesigenoʼaeʼmo Ala kava neʼmoʼa agaeʼeʼmo magokepiʼmo lokaeno maiʼneno ha maeʼnigeno Samiyo geʼamo mopafiʼmo fiku asagauno oʼaiʼniye.