Aepa Gemae 39:14 - The Keyagana NT and 25 OT books

^14-15 Ani akanomoʼa noʼafiʼmo aliʼya neʼaliya vayaʼaifeʼmo ge huʼnigeʼa eʼnageno hapa painoʼaeʼmo, Ageyo, huno, anauʼnimoʼa ani Himulu nofi vekamo noʼnifiʼmo avaleno ateʼniya vekamoʼmo lagaemo alino afepiʼmo latesiyafeʼmo huʼniye. Agaemo nagaeʼeʼmo magokepi lokaeno havaesiyafeʼmo eno haineʼniyaʼmonanafa nagaemo alopa gefatiʼmo keya aeʼna ge huʼnogeno afitenoʼaeʼmo kukenaʼamo nagaepiʼmo aeno asagino ateno aune hetaleno kumatega uno lamiʼniye, huno hapa paiʼniye.

Aepa Gemae 39:14 ပူးပေါင်းရင်းမြစ်များ

Aepa Gemae 10:21

Semiʼeʼmo mafaʼne anagaʼamo alino apateʼniye. Semiʼmo Yefeti nepuʼamoʼmo maiʼneno muki Ima nofi vayaʼai apakinago vekamo maiʼniye.

Aepa Gemae 14:13

Mago vekamo faino kasalo paetaleno eʼniya vekamoʼmo eno Himulu vekamo Emalemifeʼmo ha paiʼniye. Emalemiʼa maiʼniya alopa yosa aepafiʼmo Emo nofi vekamo Mamali yosamo aepafiʼmo maiʼniye. Lole konagalaʼmo Esikoliʼe Aneʼeʼmo Emalemiʼeʼmo aliʼana anao ya huteʼa maiʼnae.

Aepa Gemae 39:13

Ani kava huno Yosefe kukenaʼamo alino asagino ayapi ateno ataleno aune hetaleno kumatega uno lamiʼniye.

Aepa Gemae 39:17

Inagi anauʼamoʼmo eʼnigenoʼaeʼmo anauʼamofeʼmo magoke agufa gemo huno ha paiʼniye. Kagaemo Himulu nofi vekamo notifiʼmo avaleka ateʼnana vekamoʼmo alino afepiʼmo latesiyafeʼmo nagaetegamo eʼniye.

Aepa Gemae 39:7

Inagi mailiʼa neʼeʼapaeʼmo ani kavaʼmo henagaʼamo Potifa aʼmoʼa Yosefeʼeʼmo havaesiyafeʼmo ageno haʼye huteno, egetaʼao nagaeʼeʼmo lokaeta havaegauʼae, huno huʼniye.

Aepa Gemae 40:15

Hogoteʼapa vayaʼmogimo Himulu vayaʼai mopaletiʼmo kumaya navaleliʼa mani koteʼmo eʼnae. Mani koteʼmo eʼna maiʼnova afinatetiʼmo kalavusi huʼa natesaya agufa hosu kavaʼmo alagi osuʼnove, huno ha paiʼniye.

Samu 120:3

Aigofe vayaʼmogitapae, huʼna, anonatapilefeʼmo na agufa yaʼmo aligae. Gotiʼa lapakaetegamo haiya agufa kavaʼmo hugiye.

Samu 55:3

Kame vayaʼnimogimo lokiya gemo nehayaʼmofeʼmo koli huʼna maiʼnove. Hosu vayaʼmogimo hanageke yaʼmo neʼnamiye. Apakaemo nagaefeʼmo apaini nehagenoʼaeʼmo apaipamo leno neʼnate.

Mai'naya kavane 10:18

Ina laʼmo aipafiʼmo aini nehiya kavaʼmo aeno ati kaesiʼmoʼmo muki afinaʼaeʼmo aigofe gemo nehiye. Aigofeʼmo nehuno huno faipa huno neʼateya gemo aino atagu faesiyafeʼmo vayaʼaifeʼmo hapa nepaiya vekamoʼa negi nagi vekamo maiʼniye.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Aiyeya 54:17

Nehayaʼmonanafa kame nehaya yaʼmo alo huʼnaya yaʼmo aliʼa kame huʼa aeʼa lapaka osegae. Vayaʼmogimo alu ge alu gemo huteʼa aliʼa kagaepiʼmo faiʼa katege katege huʼa maisaya vayaʼmogi geʼapileʼmo afaʼa aeka atagaina huka ge hugane. Aliʼyaʼnimo neʼaliya vayaʼmogimo ani hetamaʼapimo alige fatago kavaʼapimo nagaetegatiʼmo alige hugae, huno Ala kava neʼmoʼa huʼniye.

Matiyu 26:59

Mono huʼa neʼapataya vayaʼaiteʼmo yagaiʼa neʼapataya vayaʼe muki kanisole vayaʼmogiʼeʼmo Yesuʼa amagisaya geeʼmo kahauya huʼnae.

Matiyu 5:11

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Luki 23:2

Apakaemo aepa faiʼa agoti huʼa ateʼapaeʼmo, mani vekamoʼmo hunoʼaeʼmo, Gamani vayaʼmogi gemo oʼafiyo. Alatapimo Sisaʼmo takesi monimo oʼamiyo. Nagaemo Kalaisi vekamo alatapimo kini vekamo maiʼnove, huno laha paiʼnigeta afiʼnone, huʼa ha paiʼnageno

2 Kolitiyani 6:8

Mago vayaʼmogi lagitileʼmo aliʼa afepi nelatae. Mago vayaʼamogi huʼa faipa huʼa nelatageʼa mago vayaʼamogi ala lagitimo nelamiye. Mago vayaʼmogi huʼapaeʼmo, apakesamo nefaiya vayaʼmo maiʼnae, huʼa nehayaʼmonanafa lama ge vayaʼmo maiʼnone.

1 Pita 2:20

Inagi lapakaemo hosu kavaʼmo nehisageʼapaeʼmo lapamagisagetapaeʼmo, kanalene, hutapa hisayana ala lapakitapimo aligafiye. Haʼao oʼaligayaʼmonanafa alagepa kavaʼmo nehisageʼapaeʼmo lapakaetegamo hosu kavaʼmo hisayana kanalene, hutapa hisagenoʼaeʼmo Gotiʼa amuse huno lapategaiye.