Aepa Gemae 39:10 - The Keyagana NT and 25 OT books

¹⁰ Ina kava huno muki afinaʼaeʼmo Yosefeʼa agaeʼeʼmo lokaeno maige magokepi lokaeno havaege hisiyafeʼmo Yosefefeʼmo ge huno afi ge afi ge huʼniyaʼmonanafa geʼamo oʼafiʼniye.

Aepa Gemae 39:10 ပူးပေါင်းရင်းမြစ်များ

Aepa Gemae 39:11

Mago afinaʼmo ani kavaʼmo afole aiʼniye. Yosefeʼa nopiʼmo aliʼyaʼmo alisiyafeʼmo uno haiʼniya afinaʼmo ani nopiʼmo aliʼyaʼmo neʼaliya vayaʼmo mago vekamo alagi oʼmaiʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Aepa Gemae 39:9

Noʼafiʼmo mago vekamo aeno naga seʼniya vekamo oʼmaiʼnigeʼna muki yaʼe vayaʼaiteʼeʼmo nagaiʼnigeʼmo yagaiʼnove. Muki yaʼamo alino namiʼniyaʼmonanafa kagaemo aʼamo maiʼnanaʼmofeʼmo kavaleno oʼnamiʼniye. Haiya kava huʼna ani alopa hosu kavaʼmo Gotitegamo huguve, huno ha paiʼniye.

Mai'naya kavane 1:15

Mafaʼneʼnimogae, huʼna, Neʼvaya kateʼmo oʼuvo. Kaiyaleʼmo ageka maiteka apakame huka oʼuvo.

Mai'naya kavane 2:16

Afiteka agesana kavaʼmoʼmo kumai a kanomo ayapatiʼmo kavalelino ugiye. Kagesamo faisiya gemo oʼafigane.

Mai'naya kavane 22:14

Kumai kavaʼmo nehiya a kanomo avayamo ive keligana huno haneʼnigeʼapaeʼmo Ala kava neʼmoʼa alagi nohaiya vayaʼmo asagauʼa neʼaiye.

Mai'naya kavane 23:27

Kumai kavaʼmo nehaya aʼne anagaʼmo ive keligana huʼa maiʼnae. Vemo apayate neʼaliya aʼne anagaʼmo yatala ani keligana huʼa maiʼnae.

Mai'naya kavane 23:28

Afela afumogimo vayaʼmo hapaesayafeʼmo fala kiʼa yagaiʼa neʼmaiya kava huʼa apakava neʼmaiye. Ani aʼne anagaʼmogimo vayaʼmo aliʼa hosu vayaʼmo hamaleʼa neʼapatae.

Mai'naya kavane 5:3

Kumai kavaʼmo nehiya a kanomoʼmo haga kahausiya agufa gemo nehiyaʼmofeʼmo geʼnimo afiyo. Agaemo geʼaletiʼmo kagesa faiteno kayateʼmo aligiye.

Mai'naya kavane 5:8

Lapakaemo ani agufa a kanomo haopaleʼmo utapa hogo osiyo. Kipaʼalegamo oʼviyo.

Mai'naya kavane 7:13

Ageʼnovana ani a kanomoʼa ani neya vekamo atafauno anu kiliʼneno haeno neʼniye. Avagage osigeno ani gemo huno ha paiʼniye.

Mai'naya kavane 7:5

Kumai kavaʼmo nehiya a kanoʼeʼmo magokepi lokaeka oʼmaisanafeʼmae. Kagesamo faisiya gemo oʼafisanafeʼmae.

Mai'naya kavane 9:14

Agaemo noʼamo kipateʼmo taoni folagapiʼmo anagaʼmo fai neʼmaiye.

Mai'naya kavane 9:16

Ina ge huno keya aeno ge hunoʼaeʼmo, Lapakesamo ohaneʼnigetapa ge noʼafiya vayanagi noʼnifiʼmo etapa haiteyo, huno hapa nepaiye. Ani a kanomoʼa afino aeto nosiya vekaeʼmo hunoʼaeʼmo,

1 Kolitiyani 15:33

Fiku yanageʼa humi lapategae. Hosu vayaʼeʼmo magokepi lokaeta maisayana lapaipa lapakesamo aliʼa atagaeʼa atalegae.

1 Kolitiyani 6:18

Kumai kavaʼmo hisaya kavategatiʼmo ataletapa lapaune heyo. Muki alu hosu kavaʼamo amega apakufaleʼmo kavaʼmo haneʼniyaʼmonanafa kumai kavaʼmo nehaya vayaʼmogimo apakaiʼapi apakufamo aliʼa hosu huʼa neʼatae.

1 Tesaloniyani 5:22

Muki agufa hosu kavaʼamo maita halove hutapa ateyo.

1 Timoti 5:14

Ani agufa kavaʼmo hugayaʼmofeʼmo saufa kogu aʼnemogimo halate uʼa veleʼmo maiʼneʼa mafaʼnemo aliʼa apateteʼa noʼapifi yateʼmo yagaisayafeʼmo nahauʼniye. Ani kavaʼmo hisageʼapaeʼmo kame vayatimogimo huʼa faipa huʼa latesaya kaʼmo oʼagegae.

2 Timoti 2:22

Neya vayaʼmogimo apakufamoʼmo hauʼniya kavaʼmo nehaya kavategatiʼmo ataleka kaune heka eka yaveyave apaipafatiʼmo Ala kava nefeʼmo keya aeʼa ge nehaya vayaʼeʼmo magokepiʼmo lokaetapa maiʼnetapaeʼmo fatago kavanagi lapau lapayamopafiʼmo nelapaiya kavanagi yuna lapaipa nekaliya kavanagi hutapa atafausayafeʼmo vegala aeyo.

1 Pita 2:11

Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.