Aepa Gemae 37:9 - The Keyagana NT and 25 OT books

⁹ Henagaʼamo Yosefeʼa alagi magoʼe huno alagamuna agetenoʼaeʼmo nepuʼamogifeʼmo ina ge huno hapa paiʼniye. Afiyo, huno, nagaemo magoʼe huʼna alagamuna ageʼnovana hemeni alagamunafiʼmo yegegi kaigi leveniʼa kanefinagi huʼa nagaeteʼmo ape huʼa nateʼnageʼna ageʼnove, huno hapa paiʼniye.

Aepa Gemae 37:9 ပူးပေါင်းရင်းမြစ်များ

Aepa Gemae 20:3

Aliʼnigeno Gotiʼa haniʼilagamo Amimelekitegamo emineno alagamuna kategatiʼmo ha painoʼaeʼmo, ani aliʼnana a kanomo vele aʼmo aliʼnananageka hemenimo faligane, huno ha paiʼniye.

Aepa Gemae 37:10

Agaemo ani alagamuna gemo afoʼamoʼe nepuʼamogiʼefeʼmo hapa paiʼnigeno afoʼamoʼmo ge hauteno, Mani alagamunamo na agufa alagamuna ageʼnane. Nagaegi itakamoʼagi nepukamogiʼenagi huta kagaeteʼmo ape huta katesupiye, huno afi geʼniye.

Aepa Gemae 37:7

Lagaemo mukiʼamo mago hoyafikeʼmo maiʼneta vitimo hayaeʼnonana nagae viti hayamoʼmo aeno he tino haneʼnigeʼa lapakae viti hayamoʼmo nagae viti hayaleʼmo he tiʼa faiʼa vego huʼa ateʼneʼa ape huʼa ateʼnae, huno hapa paiʼniye.

Aepa Gemae 37:8

Nepuʼamogimo ani gemo afiteʼapaeʼmo Yosefefeʼmo huʼapaeʼmo, kagaemo ala vekamo maiteka yagaika latesanafeʼmo nehapiye. Kagaemo ala vekatimo maisanafeʼmo nehapiye, huʼa huteʼa alagamuna ageʼniya kavaʼe hapa paiʼniya geʼefeʼmo magoʼe huno alagi ohapauʼniye.

Aepa Gemae 41:25

Yosefeʼa Kini vekamo Felofeʼmo ha painoʼaeʼmo, Ani lole alagamunalaʼmoʼmo magoke agufa aepaʼamo haneʼniye. Gotiʼa hisiya kavafeʼmo alino kave liʼniye.

Aepa Gemae 41:32

Gotiʼa alagi afole aigiye, huno agesamo afiʼniyaʼmofeʼmo Gotiʼa lole kanaleʼmo magoke agufa aepaʼamo haneʼniya alagamunalaʼmo alino kave liʼniye. Aise afinaʼmo utesigeno Gotiʼa ani kavaʼmo alino afole aino ategaiye.

Aepa Gemae 42:6

Yosefeʼa muki Isipi koʼaleʼmo hogote vekamo neʼyagaiya vekamo maiʼnigeʼa agaetetiʼmo uʼa vitimo miya faiʼnae. Yosefe nepuʼamogimo agaetegamo eʼa avaʼyi huteʼapaeʼmo agae aulagaleʼmo apaleʼya faiteʼa ape huʼnae.

Aepa Gemae 43:26

Inagi Yosefeʼa nopiʼmo ago eʼnigeʼapaeʼmo apakaemo ani amuse yaʼmo aliniʼuʼa agaemo amiteʼa apaleʼyamo faiʼneʼa Yosefe aulagaleʼmo ape huʼa ateʼnae.

Aepa Gemae 43:28

geʼaleʼmo ina ge huʼa aeʼa atagaina huʼa ha paiʼnae. Ala vekae, huʼa, kagae aliʼyaʼmo neʼaliya vekamo afotimoʼmo ofalino afaʼa maiʼniye, huʼa ha paiteʼa agaeteʼmo ape huʼa ateʼnae.

Aepa Gemae 44:14

Inagi Yutaʼe konagaʼamogiʼeʼmo Yosefe noteʼmo uʼa avaʼyi huteʼa ageʼnayana oʼuno afaʼa maiʼnigeʼa ageteʼapaeʼmo aulagaleʼmo mopafi asagauʼa aiʼnae.

Aepa Gemae 44:19

Kagaemo ala vekaʼnimoga aliʼyakamo neʼaluna vayaʼmogitaeʼmo, afotapimoʼmo maiʼnifi ago faliʼniye. Lapakanatapimoʼmo maiʼnifi oʼmaiʼniye, huka ge huka lafi geʼnane.

Aepa Gemae 45:9

Hemenimo lapakaemo malage hutapa afoʼnimotegamo uta haitapa ha paitapaeʼmo, nagaemo Yosefeʼnamo mafaʼnekamoʼnamo ani gemo huʼna kaha paiʼnove. Gotiʼa Isipi vayaʼaiteʼmo yagaiʼna apatesuva vekamo alino hamaleno nateʼniye. Ani koteʼmo oʼmaika nagaetegamo malage huka emikeno.

Aepa Gemae 46:29

Yosefeʼa talalaʼamo aliteno afoʼamoʼeʼmo fotu hisaʼafeʼmo Goseni kotegamo uno haiʼniye. Yosefeʼa uno haino afoʼamoʼmo agetenoʼaeʼmo anu kiliʼneno lusi kava huno aviʼyaʼmo huʼniye.

Aepa Gemae 47:12

Inagi Yosefeʼa afoʼamoʼe afamo anagagi nepuʼamogiʼe afamo anagaʼapigi na magi vayaʼmo maiʼnafi ani kava huno neʼyaʼmo alino fako apamiʼniye.

Neniyo 8:10

Ani lokiyaʼamoʼmo kosime kosime uno kokuʼnapi ami vayaʼeʼmo kame huno apateno alino yaga auno apataleteno mago kanefi anagaʼmo alino mopafiʼmo yaga auno apataleʼneno aeno lata paiʼniye.

Napa 12:6

Ala kava neʼmoʼa hunoʼaeʼmo, Lanakaemo geʼnimo afiʼao. Mago vekamoʼmo nagaetegati gemo alinineno aeno hakalo huno hapa nepaiya vekamo Isaleli vayaʼmogi folagapiʼmo maiʼnisiyaʼmoʼmo nagaemo alagamunagana yaʼmo aliʼna avelige nagesiyafeʼmo aliʼna avelige alagamuna gemo ha paige nehuve.

Filipai 2:15

Vaiʼmo olapamisageno lapaipafiʼmo hosu kavatapimo ohaneʼnisiya Goti mafaʼneʼamo maigae. Lapakaemo hosu kavaʼmo nehaya vayaʼe hosu apaipa apakesamo neʼafiya vayaʼeʼmo maiʼnaya folagapiʼmo neʼmaiyaʼmofeʼmo lama gemokeʼmo afaʼa maisaya yaʼmo neʼapamiya geleʼmo atafautapa alagi huʼnetapa ha le yakana hutapa maiʼnetapaeʼmo ha le yaʼmo apamiyo. Lapakaemo ani kavaʼmo hutapa maiʼnisayana Kalaisi afinaʼmo afole aisigeʼnaeʼmo, nayamufa aliʼyaʼmo fikumo aliʼna ataleʼnove, huʼna osugufa namogaga aiguve.