Aepa Gemae 37:8 - The Keyagana NT and 25 OT books

⁸ Nepuʼamogimo ani gemo afiteʼapaeʼmo Yosefefeʼmo huʼapaeʼmo, kagaemo ala vekamo maiteka yagaika latesanafeʼmo nehapiye. Kagaemo ala vekatimo maisanafeʼmo nehapiye, huʼa huteʼa alagamuna ageʼniya kavaʼe hapa paiʼniya geʼefeʼmo magoʼe huno alagi ohapauʼniye.

Aepa Gemae 37:8 ပူးပေါင်းရင်းမြစ်များ

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Aepa Gemae 37:4

Nepuʼamogimo ageʼnayana afoʼapimoʼmo Yosefefekeʼmo lusi kava huno hauʼnigeno apakaefeʼmo aiseʼamo hauʼniya kavaʼmo ageteʼapaeʼmo Yosefefeʼmo alagi ohapauʼnigeʼa apaini huteʼa agaeʼeʼmo alagepa huʼa magokepi gege huʼa oʼmaiʼnae.

Aepa Gemae 37:9

Henagaʼamo Yosefeʼa alagi magoʼe huno alagamuna agetenoʼaeʼmo nepuʼamogifeʼmo ina ge huno hapa paiʼniye. Afiyo, huno, nagaemo magoʼe huʼna alagamuna ageʼnovana hemeni alagamunafiʼmo yegegi kaigi leveniʼa kanefinagi huʼa nagaeteʼmo ape huʼa nateʼnageʼna ageʼnove, huno hapa paiʼniye.

Aepa Gemae 42:10

Huno huʼnigeʼapaeʼmo, haʼao, Ala vekae, huʼa, aliʼyakamo neʼaluna vayakamo maiʼneta neʼyaʼmo miya faisunafekeʼmo eʼnone.

Aepa Gemae 44:18

Inagi Yutaʼa eno Yosefe haopaletiʼmo ha painoʼaeʼmo, Ala vekae, huno, Kahaoke hovanagi afaʼa nateʼnegeʼna afisana agufa gemo kaha paiguve. Kagaemo Isipi kotega kini vekamo Felokana huka maiʼnanaʼmofeʼmo kaipamo leka oʼnato.

Aepa Gemae 49:26

Afokamoʼnamo Gotiʼa kaha maesigeka alagepa huka maisana yaʼmo kamuvanageno laginago vayaʼmo Gotiʼa apamiʼniya yaʼmo ago aeno aga seʼniye. Ani yaʼmoʼa magoʼe huno kilino uno haino muki afinaʼmo hanege hanege huno hanesiya avemo kino aino ati kaegaiye. Ani yaʼmoʼa Yosefeʼmo konagaʼamogiʼeʼmo magokepi lokaeno oʼmaiʼnifa aote maiʼniya vekamo agenopaleʼmo asagauno aigiye.

Aepa Gemae 50:18

Inagi nepuʼamogimo Yosefetegamo uʼa apaleʼyamo faiʼneʼa ape huʼa ateʼnae. Apakaemo huʼapaeʼmo, Afiyo, huʼa, lagaemo aliʼyakamo neʼaluna vayakamo maiʼnone, huʼa huʼnageno

Samu 118:22

Yafatetiʼmo noʼmo nekiya vayaʼmogimo mago no nekiya yafafeʼmo, afa yafane, huʼa huteʼa aliʼa yaga auʼa ataleʼnagenoʼaeʼmo Gotiʼa ani yafafeʼmo, hogote yafaʼmo noʼmo aluga alugaʼamo faiʼna atesuva yafaʼmo haneʼniye, huno huteno alino asagauno ateʼniye.

Hatu maeno apate'niya gemae 2:14

Ina laʼmo lagaeteʼmo yagaika lateʼneka agoti getimo afiteka alika fako huka latesana vekamo maigane, huteno lekana paino kateʼniye. Kagaemo Isipi vekamo kamitimo amagiʼnana kava huka nagaemo namagisanafeʼmo nehapiye, huno huʼnigeno Moseseʼa ani gemo afitenoʼaeʼmo, nagaemo huʼnova kavafeʼmo muki vayaʼmogimo ago afiʼnae, huno agesamo afiteno koli huʼniye.

Luki 19:14

Hapa paiteno uʼniyaʼmonanafa vayaʼamogimo agaefeʼmo apaini huteʼa mago vayaʼmo aliʼa apateʼnageʼa uʼa Ala kini vekaeʼmo huʼapaeʼmo, ani vekamoʼmo yagaino latesiyafeʼmo olahauʼniye, huʼa ha paiʼnae.

Luki 20:17

Yesuʼa aulu hapaeno apaketenoʼaeʼmo, mukufiʼmo avoʼmo kae maleʼniya gemoʼmo haiya agufa aepaʼamo haneʼniye. Ani gemoʼmo hunoʼaeʼmo, yafatetiʼmo noʼmo nekiya vayaʼmogimo mago noʼmo nekiya yafafeʼmo huʼapaeʼmo, afa ina agufa yafane, huʼa huteʼa aliʼa yaga auʼa ataleʼnayana ani yafaʼmo hogote yafaʼmo alino hamaleno ateʼniye.

Apa 7:35

Ani gemo ha paiʼniyaʼmonanafa Isaleli vayaʼmogimo Mosesefeʼmo huʼapaeʼmo, Ina laʼmo lagaeteʼmo yagaika lateʼneka agoti getimo afiteka alika fako huka latesana vekamo maigane, huno lekana paino kateʼniye, huʼa ha paiteʼa huʼniya geeʼmo ohapauʼniye. Huʼnayaʼmonanafa Gotiʼa ata vaipatiʼmo enisole vekamo avayafatiʼmo hunoʼaeʼmo, yagaika apateteka hapau vaisana vekamae, huno lekana paino ateʼniye.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

1 Samiyo 10:27

Uʼnayaʼmonanafa mago faipa vayaʼmogimo huʼapaeʼmo, Haiya agufa kavaʼmo huno lagufamo alino katino lategaiye, huʼa huʼnae. Huteʼa apakaemo huʼapaeʼmo, Ina agufa vekae, huʼa apakesamo afiteʼa mago yaʼmo fikumo oʼamiʼnae. Oʼamiʼnayaʼmonanafa Soloʼmo mago gemo osuʼniye.

1 Samiyo 17:28

Ilaiyamuʼa yege vekamo Nevini nepuʼamoʼmo Neviniʼa vayaʼeʼmo kege nehigeno afitenoʼaeʼmo aipamo leʼnigeno Nevinifeʼmo hunoʼaeʼmo, Na kava higekaeʼmo manileʼmo eʼnane. Kagaemo ina laʼmo magoke magoke sipisipi anagakaleʼmo yagaino apatesiyafeʼmo kaʼme kotegamo eʼnane. Nagaemo kageʼnovana himuʼnamu kavaʼmo huge ge oʼafige huka maiʼnekaeʼmo kame hisuna kavakeʼmo agesanafeʼmo eʼnane, huno ha paiʼniye.

1 Samiyo 18:8

Soloʼmo ani huʼnaya yokemo afitenoʼaeʼmo alagi ohauʼnigeno aipamo leʼnigenoʼaeʼmo Neviniʼmo teni tauseni teni tauseniʼa vayaʼmo kamiti hapaeʼniye, huʼa nehayaʼmonanafa nagaemo tauseni tauseniʼa kame vayaʼatogeʼmo kamiti hapaeʼnove, huʼa nehae. Agaemo ani ala agimo ago aliʼniyaʼmofeʼmo magoʼe huno ala agimo oʼaligiyaʼmonanafa kini vekamo hamalesiyana magoʼe huno ala agimo aligiye, huno huʼniye.