Aepa Gemae 37:5 - The Keyagana NT and 25 OT books

⁵ Mago afinaʼmo Yosefeʼa alagamuna ageteno nepuʼamogifeʼmo ava ge huno hapa paiʼnigeʼa afiteʼapaeʼmo magoʼe huʼa apaini huteʼa alagi ohapauʼniye.

Aepa Gemae 37:5 ပူးပေါင်းရင်းမြစ်များ

Aepa Gemae 20:3

Aliʼnigeno Gotiʼa haniʼilagamo Amimelekitegamo emineno alagamuna kategatiʼmo ha painoʼaeʼmo, ani aliʼnana a kanomo vele aʼmo aliʼnananageka hemenimo faligane, huno ha paiʼniye.

Aepa Gemae 28:12

Au kaleʼnenoʼaeʼmo alagamuna ageyana mago hakayamo mopaleti kokuʼnapiʼmo uno haiʼnigeno ageʼniye. Aepaʼamo mopafiʼmo hanetegeno avoyaʼamo kokuʼnapiʼmo uno haiʼnigeno ageʼniye. Ageʼniyana Goti enisole vayaʼamo ani hakayaleʼmo emi eteʼa uʼa haiteʼa huʼa maiʼnageno apakeʼniye.

Aepa Gemae 31:10

Ina kava huno moko aliʼnaya afinaʼmo alagamuna ageʼnovana lopale tapale ve sipisipimogiʼe kalono yaʼapimo haneʼnisiya ve sipisipimogiʼeʼmo aeto aeto apakufaʼe apakufaʼe sipisipi anagaʼmogimo moko aliʼnageʼna ageʼnove.

Aepa Gemae 31:11

Ageʼnogenoʼaeʼmo Goti enisole vekaʼamoʼa naha painoʼaeʼmo, Yekopuo, huno huʼnigeʼna, ove maiʼnove, huʼna hugenoʼaeʼmo naha painoʼaeʼmo.

Aepa Gemae 37:4

Nepuʼamogimo ageʼnayana afoʼapimoʼmo Yosefefekeʼmo lusi kava huno hauʼnigeno apakaefeʼmo aiseʼamo hauʼniya kavaʼmo ageteʼapaeʼmo Yosefefeʼmo alagi ohapauʼnigeʼa apaini huteʼa agaeʼeʼmo alagepa huʼa magokepi gege huʼa oʼmaiʼnae.

Aepa Gemae 37:6

Yosefeʼa hapa painoʼaeʼmo, Lapaoke hovanagi, alagamuna ageʼnova gemo afiyo.

Aepa Gemae 37:8

Nepuʼamogimo ani gemo afiteʼapaeʼmo Yosefefeʼmo huʼapaeʼmo, kagaemo ala vekamo maiteka yagaika latesanafeʼmo nehapiye. Kagaemo ala vekatimo maisanafeʼmo nehapiye, huʼa huteʼa alagamuna ageʼniya kavaʼe hapa paiʼniya geʼefeʼmo magoʼe huno alagi ohapauʼniye.

Aepa Gemae 40:5

Kini vekamo aliʼyaʼaleʼmo yagaiʼnaʼa vekalaʼmoganimo magoke haniʼilagamo alagamuna ageʼnaʼana magoke agufa aepaʼamo ohaneʼniyaʼmonanafa alu aepa alu aepaʼamo haneʼniya agufa alagamunamo ageʼnaʼae.

Aepa Gemae 41:1

Inagi maiʼnagenoʼaeʼmo lole kafugamo ago utegenoʼaeʼmo kini vekamo Feloʼa alagamuna ageʼniye. Ageʼniyana agaiʼamo uno nelamiya aniʼmo agiʼnaleʼmo he tino maiʼnigeʼapa seveniʼa pulumaka anagaʼmo alagepa apafayaʼe pulumaka anagaʼmo anipatiʼmo eʼa hai eʼa ani agiʼnale haneʼniya kahaumo neʼnageno apakeʼniye.

Aepa Gemae 42:9

Agaemo hogoteno ageʼniya alagamunaʼaeʼmo agesamo afinoʼaeʼmo lapakaemo lamasa huta lagetetapae haiya haopalegamo lokiya vaino ohaneʼnifi hutapa lagesayafeʼmo eʼnae, huno huʼniye.

Aepa Gemae 49:23

Atiletiʼmo kamemo nehaya vayaʼmogimo agaefeʼmo apaini huteʼa kamemo haneʼniya keveletiʼmo haeʼnae.

Samu 25:14

Ala kava neʼmoʼa agaefeʼmo koli nehaya vayaʼmo alino fala ki maleʼniya geʼamo hapa paigiye. Hapa paiteno kotalakemo hu maleʼniya gemo aepaʼamo alino apave ligiye.

Neniyo 2:1

Nepukanesaʼa lole kafugamo kini vekamo maiʼnenoʼaeʼmo mago haniʼilagamo alagamuna ageʼniyana lusi kava huno aipamoʼmo kana huʼnigeno magoʼe huno au okaleno maiʼniye.

Neniyo 4:5

Mago haniʼilagamo nagaemo hipaʼnile havaeʼneʼna alagamuna ageteʼnaeʼmo koli huteʼna maiʼnogeno ageʼnova kavaʼmoʼa naipa kana yaʼmo alino namiʼniye.

Napa 12:6

Ala kava neʼmoʼa hunoʼaeʼmo, Lanakaemo geʼnimo afiʼao. Mago vekamoʼmo nagaetegati gemo alinineno aeno hakalo huno hapa nepaiya vekamo Isaleli vayaʼmogi folagapiʼmo maiʼnisiyaʼmoʼmo nagaemo alagamunagana yaʼmo aliʼna avelige nagesiyafeʼmo aliʼna avelige alagamuna gemo ha paige nehuve.

Yoni 17:14

Nagaemo kagae gemo aliʼna apamiʼnogeʼa aliʼnageʼapaeʼmo ma mopafi vayaʼmogimo apakaefeʼmo apaini huʼnae. Ma mopafi vayaʼmo oʼmaiʼnayaʼmofeʼmo apakaefeʼmo apaini huʼnae.