Aepa Gemae 37:34 - The Keyagana NT and 25 OT books

³⁴ Inagi Yekopuʼa kukenaʼamo alino apake aino ataleteno kogu kukena alino vaiteno asole afinaʼmo mafaʼneʼaeʼmo yulagefa aige aige huno maiʼniye.

Aepa Gemae 37:34 ပူးပေါင်းရင်းမြစ်များ

Aepa Gemae 37:29

Lumeniʼa ago apataleno uʼniyatetiʼmo halate enoʼaeʼmo ageʼniyana Yosefeʼmo kelifi oʼmaiʼnigeno agetenoʼaeʼmo hau huʼnigeno kukenaʼamo alino apake aiʼniye.

Aepa Gemae 42:38

Yekopu hunoʼaeʼmo, Mafaʼneʼnimo lapakaeʼeʼmo uno olamigiye. Nepuʼamoʼmo ago falitegeno maiʼniyaʼmofeʼmae. Fiku yanageno kategatiʼmo hanageke yaʼmo alisiyana nagaemo lusi kava huʼna nahau hisuva kavaʼmo namisageʼna faliʼnaya vayaʼmo uʼa neʼmaiya kotegamo uguve, huno hapa paiʼniye.

Aepa Gemae 44:13

Apakaemo kukenaʼapimo aliʼa apake aiteʼa kuʼapimo halate aliʼa nokimo agotofuleʼmo maleteʼa taonifilagamo aiʼa atagineʼa uʼnae.

1 Kini 20:31

Fala kiʼnigeʼapaeʼmo aliʼyaʼamo neʼaliya vayaʼmo agaetegamo uʼa ina ge huʼa ha paiʼnae. Afiyo, huʼa, Isaleli kini vayaʼmogimo hapau huʼa apateteʼa hapa neʼmaya vayane, huʼa huʼnageta afiʼnone. Kahao ke hone, huʼa, kagaemo lategeta kogu kukenamo vaiteta lugotifiʼmo makalaniletiʼmo aita kiteta Isaleli kini vekalegamo visunageno fikumo hau huno kateteno kamitimo okamagisifigeta agegaune, huʼa ha paiʼnae.

1 Kini 21:27

Ehapiʼmo Ilaiyaʼa huʼniya gemo afitenoʼaeʼmo lusi kava huno alino amalagiteno kukena yaʼamo alino apake aiteno kogu kukenamo alino vaitenoʼaeʼmo neʼyaʼmo mosige kogu kukenamo vaino alinino havaege yulagefa aige huno maiʼniye.

2 Kini 2:12

Ilaisaʼmo ageyana Ilaiyaʼmo uno haiʼnigenoʼaeʼmo keya aeno ge hunoʼaeʼmo, Afoʼnimogae, afoʼnimogae, huno, Kagaemo Isaleli vayaʼmogi talalaʼe hosileʼmo fai maiʼnaya ati vayakana huka maiʼnane, huno huteno magoʼe huno oʼageʼniye. Aipamoʼmo lusi kava huno kana huʼnigenoʼaeʼmo agaiʼa kukena yaʼamo alino apake aino lole huʼniye.

Samu 69:11

Hosu kogu kukenamo vaiʼnogeʼapaeʼmo muki vayaʼmogi kigi yokalo gemo huʼa nateʼnae.

Aiyeya 32:11

Afa aʼne anaganagi atete hiyo. Afole aisiya kavafeʼmo lapakesamo noʼafiya aʼne anaganagi lapaipamoʼmo kana hino. Kukena yatapimo asagitapa maleteta kogu kukenamo alita vaiyo.

Matiyu 11:21

Kolasini taonifiʼmo maiʼnaya vayaʼmogitapae, huʼna, vaehae, huʼna, Metasaita taonifiʼmo maiʼnaya vayaʼmogitapae, huʼna, vaehae. Taonitapifiʼmo noʼagaya agufa lokiya naune kavaʼmo huʼnova agufa kavaʼmo Taiya taonifiʼe Saitoni taonifiʼeʼmo mago vayaʼmogi huʼnaesinana akeyaʼvilagamo apaipamo ago aliʼa afe leteʼa hosu kogu kukenamo vaiteʼa laʼnefamo faleʼnaesine.

Matiyu 26:65

Mono huʼa neʼapataya vayaʼaiteʼmo yagaino neʼapateya vekamoʼmo ani gemo afiteno agaiʼa kukenaʼamo alino apake aitenoʼaeʼmo, Gotifeʼmo huno faipa huno ateʼniye. Magoʼe faigoko gemo eʼa laha paisaya vayaʼaifeʼmo ge osugune. Hemenimo Gotifeʼmo huno faipa huno ateʼniya gemo ago afiʼnagi

Apa 14:14

Manamasiʼe Poloʼeʼmo ani kavaʼmo ageteʼanaeʼmo ohanauʼnigeʼana kukenaʼanimo aliʼana apake aiteʼana ani vayaʼai folagapiʼmo nagu nagu huʼana uʼnaʼae.

Yasuva 7:6

Yasuvaʼmo ani kavafeʼmo ava gemo afitenoʼaeʼmo kukena yaʼamo alino apake aiteno augosalegatiʼmo mopafiʼmo asagauno aiteno Ala kava neʼmo kesimo haopaleʼmo mailino neʼvigenoʼaeʼmo yegemo uno lamino faleʼniye. Yasuvaʼe Isaleli vayatama vayaʼeʼmo mumusopamo aliʼa apakenopafiʼmo faleʼnae.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.