Aepa Gemae 37:18 - The Keyagana NT and 25 OT books

¹⁸ Apakaemo ageʼnayana afagiʼaleʼmo eʼnigeʼa ageteʼapaeʼmo hapaopaleʼmo eno hogo osuʼnigeʼapaeʼmo kamitimo amagisageno falisiyafeʼmo vege huʼnae.

Aepa Gemae 37:18 ပူးပေါင်းရင်းမြစ်များ

Apa 23:12

Ega netepiʼmo mago Yu vayaʼmo aliʼa anupa huʼa maiʼneʼa vegemo huʼnae. Neʼyaʼe aniʼeʼmo oʼneta mosita maime maime neʼutaeʼmo Poloʼmo kamitimo amagigune. Oʼamagisunana Gotiʼa lifana huno afaʼa lategaiye, huʼa vegemo huʼnae.

Maki 14:1

Lole afinaʼmo utesigenoʼaeʼmo Yu vayaʼai Pasova hopa afinaʼmo aeno apafu noleya peleti mayamo neʼnaya afinaʼmo afole aisiyafe huʼniye. Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo kesi katetiʼmo uʼa Yesuʼa atafauʼa kamitimo amagisaya kafeʼmo kahauya huʼa maiʼnae.

Samu 37:32

Hosu vayaʼmogimo fatago vayaʼmo apamagisayafeʼmo aulu hapaeʼa neʼapakae.

Samu 37:12

Hosu vayaʼmogimo fatago vayaʼaitegamo hosu kavaʼmo hisayafeʼmo ina kava hugune, ma kava hugune, huʼa huteʼa maiʼneʼapaeʼmo hosu apaugosamo kaliteʼa maku make huʼa neʼapatae.

1 Samiyo 19:1

Inagi Soloʼmo Neviniʼa kamiti haesayafeʼmo mafaʼneʼamo Yonatanifeʼmo ha paige muki aliʼyaʼamo neʼaliya vayaʼaeʼmo hapa paige huʼniyaʼmonanafa Yonataniʼmo Nevinifeʼmo lusi kava huno hauʼnigeno amogaga aiʼniye.

Yoni 11:53

Ani afinatetiʼmo haiya kava huta amagisupi, huʼa huteʼa vege huʼnae.

Samu 31:13

Muki vayaʼmogimo huʼa faipa huʼa nateʼnageʼna afiʼnove. Lusi kava huno koli kavaʼmo faino vego huno nateʼniye. Apakaemo kamitimo namagisayafeʼmo vegemo nehae.

Maki 12:7

Uʼnigeʼa hoyaʼaleʼmo yagaiʼa ateʼnaya vayaʼmogimo ageteʼapaeʼmo, hoya aepa vekamo mafaʼneʼamoʼmo muki afoʼamo yaʼmo aligiye. Amagigetao agaemo alisiya hoyamo lagaemo aligunanagi, huʼa huteʼa

Matiyu 27:1

Kotilamiyapiʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼmogi vayatama vayaʼapiʼeʼmo aliʼa anupa huʼa maiʼneʼapaeʼmo amagigeno falino, huʼa hapa paiʼnae.

Matiyu 21:38

Eʼnigeʼa hoyaʼaleʼmo yagaiʼnaya vayaʼmogi ageteʼapaeʼmo, ani mafaʼneʼamoʼmo afoʼamo hoyamo aligiye. Amagisunageno falitesigeta agaemo alisiya hoyamo lagaemo aligune, huʼa huteʼa

Samu 105:25

Agaemo Isipi vayaʼai apaipa apakesamo alino aino afe le maleʼnigeʼapaeʼmo agaiʼa vayaʼaifeʼmo apaini huteʼa aliʼyaʼamo neʼaliya vayaʼaifeʼmo humi apateʼnae.

Aepa Gemae 37:19

Apakaemo apakaiʼapimo huʼapaeʼmo, Ageyo, huʼa, alagamuna neʼageya vekamo ago eʼniye.

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Aepa Gemae 50:15

Yekopuʼa falitegeʼapaeʼmo Yosefe nepuʼamogimo huʼapaeʼmo, Fiku yanageno Yosefeʼa lagaefeʼmo ohauge agaetegamo muki huʼnona hosu kavatimo anonatilefeʼmo lamige hugiye, huʼa apakesamo afiʼnae.

Aepa Gemae 50:20

Lapakaemo nagaetegamo hosu kavaʼmo hugune, hutapa lapakesamo afitetapa huʼnayaʼmonanafa Gotiʼa alagepa kavaʼmo afole aisiyafeʼmo afaʼa lapateʼnigetapa ani kavaʼmo huʼnae. Asole vayaʼai apakufamo alino katino apatesiyafeʼmae.

Samu 31:14

O Ala kava nene, huʼna, Nehayaʼmonanafa nagaemo kagaefeʼmo aliʼna amufa nekamuve. Nagaemo huʼnaeʼmo, Gotiʼnimogamo maiʼnane, huʼna nehuve.