Aepa Gemae 37:1 - The Keyagana NT and 25 OT books

¹ Yekopu Afoʼamoʼmo kalaga hageno eno Kenani koteʼmo maiʼniyaʼmofeʼmo Yekopuʼa ani kote maiʼniye.

Aepa Gemae 37:1 ပူးပေါင်းရင်းမြစ်များ

Aepa Gemae 17:8

Hemenimo maiʼnana mopamo Kenani nofi vayaʼai mopalekeʼmo kalagaʼmo eka maiʼnane. Hiyaʼmonanafa mani muki mopaʼamo kagaikagi kaginago vayaʼenagi huʼna lapamisugeno alagi lapakaitapi mopamo hanesigeʼna Gotitapimoʼnamo maiguve.

Aepa Gemae 23:4

Nagaemo kalaga hageʼna kalaga vekamo eʼna lapakae folagapiʼmo maiʼnove. Aʼnimo ago faliʼniyanageʼna kiʼna atesuvafeʼmo mago mopamo miya faigesuve, huno ge huno apafi geʼnigeʼapaeʼmo

Aepa Gemae 28:4

Gotiʼa Emalehamuʼmo alino auleno ateʼniya kava huno kagaeʼe kaginago vayakaʼefeʼmo alino auleno lapategaiye. Nata neka eka maiʼnana mopamo Gotiʼa Emalehamuʼmo amiʼniya mopamo kaha maeno alino kamino, huno ha paiʼniye.

Aepa Gemae 36:7

Iso afu anagaʼmogiʼe Yekopu afu anagaʼmogiʼeʼmo ani maiʼnaʼa mopaleʼmo kili pageʼana magokete lokaeʼana maisaʼaʼfeʼmo ohauʼniyaʼmofeʼmo ataleno Siya avefiʼmo uno haiʼniye. Afu anagaʼmogimo nesaya kahaumo ohaneʼniyaʼmofeʼmae. Iso alu agiʼamo Iʼnomiʼae.