Aepa Gemae 33:4 - The Keyagana NT and 25 OT books

⁴ Huʼniyaʼmonanafa Isoʼa nagu nagu huno eno anu kiteno haeno neʼnigeʼana aviʼyaʼmo huʼnaʼae.

Aepa Gemae 33:4 ပူးပေါင်းရင်းမြစ်များ

Aepa Gemae 29:11

Yekopuʼa Lesoʼmo uno haeno neʼneno lusi kava huno alopa gefatiʼmo aviʼyaʼmo huʼniye.

Aepa Gemae 29:13

Lepaniʼa ani asaʼamo mafaʼnemo Yekopu huʼniya kavafeʼmo ava gemo afitenoʼaeʼmo nagu nagu huno uno Yekopuʼmo anu kiteno haeno neteno noʼalegamo avalelino eʼniye. Yekopuʼa muki agaetegamo afole aiʼniya kavafeʼmo ava ge huno ha paiʼniye.

Aepa Gemae 32:11

Nagaemo nunumuʼmo huʼnaeʼmo nepuʼnimoʼmo Isofeʼmo koli nehuvanagi ayapatiʼmo nagufamo alika katika natesanafeʼmo yagaika nato. Fiku yanageno enoʼaeʼmo nagaeʼe afamo anagaʼniʼeʼmo kamemo lahaegaiye.

Aepa Gemae 32:28

Inagi ani vekamoʼmo hunoʼaeʼmo, hemenimo Yekopugae kagimo magoʼe huno ohanegaiye. Kagaemo neʼyagaina vekamo maiʼneka Gotiʼeʼmo kayamukiki nananageka vayaʼaina ago aeka apaka seganaʼmofeʼmo saufa kagikamo Isaleligae huʼa aegae. Isaleliʼae agimo aepaʼamo yagaino apateʼniya vekamae.

Aepa Gemae 43:30

Yosefeʼa aganaʼamofeʼmo aipafatiʼmo hau ayamopafiʼmo lusi kava huno hauʼnigeno aviʼyaʼmo hisiyafeʼmo apataleno aeno anagi maleʼniya yapilagamo uno haino aviʼyaʼmo huʼniye.

Aepa Gemae 43:34

Yosefeʼa hiʼyalamuʼaletiʼmo neʼyaʼmo alino apamiʼnigeʼa neʼnayaʼmonanafa Menisemaniʼmo naya magokayagaʼa agufa kanaleʼmo magoʼe huno aeno apaka seno neʼyaʼmo hatino ateʼniye. Inagi apakaemo Yosefeʼeʼmo magokepi neʼyaʼmo nege aniʼmo nege nehuʼapaeʼmo apamogaga aiʼnae.

Aepa Gemae 45:2

Yosefeʼa lusi kava huno aviʼyaʼmo huʼnigeʼa Isipi vayaʼmogi afige Felo nopiʼmo maiʼnaya vayaʼmogimo afige huʼnae.

Aepa Gemae 46:29

Yosefeʼa talalaʼamo aliteno afoʼamoʼeʼmo fotu hisaʼafeʼmo Goseni kotegamo uno haiʼniye. Yosefeʼa uno haino afoʼamoʼmo agetenoʼaeʼmo anu kiliʼneno lusi kava huno aviʼyaʼmo huʼniye.

Samu 34:4

Koli huʼna maiʼneʼnaeʼmo naha maesiyafeʼmo kahauya huʼna nunumuʼmo huʼnogeno afitenoʼaeʼmo naha maeʼnigeʼna koli osuʼna afaʼa maiʼnove.

Mai'naya kavane 16:7

Ala kava neʼmoʼa mago vekamo kavafeʼmo haoke nehesiyaʼmoʼmo kame vayaʼaʼeʼmo magokepi lokaeno maisiyafeʼmo apaipamo alino falu hugiye.

Mai'naya kavane 21:1

Ala kava neʼmoʼa muki kini vayaʼmogi apaipa apakesamo ayapiʼmo aliʼneno aniʼmoʼa uteno eteno hulino uno nelamiya kava huno hauʼniya kateʼmo alino ho huno neʼapate.

Luki 15:20

ataleno he tino afoʼamotegamo eʼniye. Afagitega eʼnigeno afoʼamoʼmo agetenoʼaeʼmo hau huno ateteno nagu nagu huno uno anu kiteno haeno neʼniye.

Apa 20:37

Apaulagafatiʼmo apaunumo uno nelamigeʼapaeʼmo Poloʼmo anu kiʼa haeʼa neʼnae.

1 Samiyo 20:41

Mafaʼnemo ago utegenoʼaeʼmo Neviniʼmo yafaʼmo akamelagamo fala kino maiʼniyatetiʼmo ataleno eno Yonatani haopaleʼmo augosalegatiʼmo mopafiʼmo asagauno aiteno he tino loleʼe magoʼe kanaleʼmo mopaeʼmo ape huno ateʼniye. Anakaemo hanaeʼana neteʼana aviʼyaʼmo huʼnaʼaʼmonanafa Neviniʼmo magoʼe huno aviʼyaʼmo huʼniye.