Aepa Gemae 32:7 - The Keyagana NT and 25 OT books

⁷ Yekopuʼa ani gemo afitenoʼaeʼmo lusi kava huno koli huge agesa alaʼamo afige huteno muki vayaʼagi muki yaʼagi huno alino fako huno apateʼnigeʼa lole agufa aluʼmo aiʼa maiʼnae.

Aepa Gemae 32:7 ပူးပေါင်းရင်းမြစ်များ

Aepa Gemae 32:11

Nagaemo nunumuʼmo huʼnaeʼmo nepuʼnimoʼmo Isofeʼmo koli nehuvanagi ayapatiʼmo nagufamo alika katika natesanafeʼmo yagaika nato. Fiku yanageno enoʼaeʼmo nagaeʼe afamo anagaʼniʼeʼmo kamemo lahaegaiye.

Aepa Gemae 32:3

Yekopuʼa mago apa vayaʼmo alino apateʼnigeʼa Siya kotega Itomi nofi vayaʼai mopalegamo Yekopu nepuʼamoʼmo Isotegamo uʼa hogoteʼnae.

Aepa Gemae 32:8

Agaemo agesa afinoʼaeʼmo, Isoʼa eno lole aluʼmo aiʼa maiʼnaya vayapatiʼmo mago vayaʼeʼmo kame nehisigeʼapaeʼmo mago vayaʼmo ataleʼa apaune hegae, huno agesa afiʼniye.

Aepa Gemae 33:1

Yekopuʼa neʼunoʼaeʼmo alino aulu heno ageyana Isoʼmo fo hataletiʼa vayaʼaʼeʼmo eʼnageno apakeʼniye. Apaketenoʼaeʼmo mafaʼnetapimo alitapa lokaete lokaete hiyo, huno hapa paigeʼa Liyaʼmo ani kavaʼmo huʼnigeno Lesoʼmo ani kavaʼmo huʼnigeno aliʼyaʼamo neʼaliʼa atalaʼmoganimo ani kavaʼmo huʼnaʼageʼa huʼnae.

Aepa Gemae 35:3

Inagi alita vaitetapaeʼmo he tita Meto kotegamo vigetao. Gotiʼa nagaemo kana yaʼmo neʼaluva afinaʼmo geʼnileʼmo aeno atagaina huteno naha maege muki uʼneʼna nehuva kotegamo nagaeʼeʼmo lokaeno maige nehiya Gotiʼmo ofalinimo amisuva yafa hiʼyalamuʼmo huguve, huno hapa paiʼniye.

Samu 107:6

Ani kava huʼa hanageke yaʼmo aliʼneʼapaeʼmo Ala kava nefekeʼmo keya aeʼa ge huʼnagenoʼaeʼmo lusi hanageke yaʼmo aliʼnaya kavapatiʼmo apavalelino eʼniye.

Samu 112:5

Fatago vekamoʼmo kanale kavaʼmo huno vayaʼai anonaʼapilefeʼmo neʼapamiye. Aigofe kavaʼmo huno aliʼyaʼamo noʼalifa fatago kavaʼmo huno aliʼyaʼamo neʼaliye.

Samu 142:4

Kagaemo lamaga nahaopaleʼmo ago. Alagepa huʼna maisuvafeʼmo mago yagaino natesiya vekamo oʼmaiʼniye. Mago ayu noʼnimo ohaneʼniye. Muki vayaʼmogi afaʼa maisuvafeʼmo apakesamo noʼafiye. Mago vekamoʼmo nagupi mafaʼneeʼmo agesamo oʼafiʼniye.

Samu 31:13

Muki vayaʼmogimo huʼa faipa huʼa nateʼnageʼna afiʼnove. Lusi kava huno koli kavaʼmo faino vego huno nateʼniye. Apakaemo kamitimo namagisayafeʼmo vegemo nehae.

Samu 61:2

Ma mopamo atupaletiʼmo kagaefeʼmo ge huguve. Lusi kana yaʼmo alisugeno aino nati kaesiya afinaʼmo navalelika uka haika yafateʼmo faika nato. Nagaemo afepiʼmo maiʼnovanagi navalelika uka haika anaga haneʼniya yafateʼmo faika nato.

Hatu maeno apate'niya gemae 14:10

Feloʼe ami vayaʼaʼeʼmo ago eʼa hogo huʼnageʼapaeʼmo Isaleli vayaʼmogimo apaketeʼapaeʼmo lusi kava huʼa koli huteʼa Ala kava neʼmoʼa hapa maesiyafeʼmo ge huʼnae.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 8:26

Aiseʼatoʼamo lapakesamo afita fatago huʼnaya vayanagi na kava higetapaeʼmo koli nehae, huno hapa paitenoʼaeʼmo he tino yasiʼe aniʼefeʼmo afaʼa maiʼao, huno ke hanauʼnigeʼana yasiʼe aniʼeʼmo alagi afaʼa haneʼnaʼae.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

2 Kolitiyani 1:4

Lagaemo muki agufa hanageke yaʼmo neʼalisaya vayaʼmo hapa maeta alita lokiya vaita apatesunafeʼmo Gotiʼa laha maeno alino lokiya vaino nelate. Lagaemo muki hanageke yaʼmo neʼalunagenoʼaeʼmo laha maeno alino lokiya vaino nelateya kavatetiʼmo hapa maeta alita lokiya vaita apatesunafeʼmo laha maeno alino lokiya vaino nelate.

2 Timoti 3:12

He, muki vayaʼmo Yesu Kalaisipiʼmo maiʼneʼapaeʼmo Gotitefeʼmo alagepa kavaʼmo nehisaya vayaʼaifeʼmo apaini huʼa apategae.