Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aepa Gemae 32:5 - The Keyagana NT and 25 OT books

5 Nagaemo pulumaka anagaʼnigi noki anagaʼnigi sipisipi anagaʼnigi meme anagaʼnigi aliʼyaʼnimo neʼaliya ve aʼnegi huʼa maiʼnae. Alagepa kaipamo kalika atesanafeʼmo mani gemo huteno alino lateʼnigeta kagaetegamo one, hutapa ha paiyo, huno hapa paiʼniye.

အခန်းကိုကြည့်ပါ။ ကော်ပီ




Aepa Gemae 32:5
13 ပူးပေါင်းရင်းမြစ်များ  

Ani kava huʼniya kavatetiʼmo Yekopuʼa magoʼe huno asole sipisipi anagaʼamo maige meme anagaʼamo maige aliʼyaʼamo neʼaliya ve aʼnemo maige kamoluʼamo maige nokiʼamo maige huʼniye.


Gotiʼa afotiʼamo muki yaʼamo ago hafaleno kamiʼniyaʼmofeʼmo laʼagaeʼe muki mafaʼne anagatiʼaʼeʼmo lagaiti yaʼmo haneʼniye. Hemenimo Gotiʼa kaha paiʼniya kavaʼmo afaʼa hugane, huʼana ha paiʼnaʼae.


Inagi Ala kava neʼmoʼa Yekopufeʼmo hunoʼaeʼmo, halate uka afokamo kotegamo nofi vayakaʼeʼmo maiʼnegeʼna kagaeʼeʼmo magokepi lokaeʼna maino, huno ha paiʼniye.


Gotiʼa fikumo naha maeno namiʼnigeʼna muki yaʼaʼnimo alagi haiʼmo haneʼniyaʼmofeʼmo kahaoke hovanagi, fikumo nekamuva yaʼmo afa aliyo, huno lokiya gefatiʼmo huʼnigeno Isoʼmo aliʼniye.


Isoʼa hunoʼaeʼmo, lapakaeʼeʼmo magokepi visayafeʼmo mago nagaeʼeʼmo eʼnaya vayapatiʼmo apategauve, huno huʼnigeno Yekopuʼa hunoʼaeʼmo, Ala vekaʼniye, huno, na agufa aliʼyaʼapimo haneʼniye. Kagaemo amuse hisanana kanalene, huno ha paiʼniye.


Isoʼa Yekopufeʼmo, Na kavatefeʼmo muki vayaʼe yuna afuʼeʼmo alika apateʼnanageʼa nagaetegamo eʼnae, huno ge huno afi geʼnigenoʼaeʼmo, Ala vekaʼniye, huno, Alagepa kaipamo kalika natesanafeʼmae, huno ha paiʼniye.


Apakaemo huʼapaeʼmo, Ala vekae, huʼa, kagaemo lagufamo alika katika lateʼnane. Kagaemo Ala vekamogamo lagaefeʼmo lahaoke heʼnana gemo kahauya huta agegaunaʼmofeʼmo Felo aliʼyaʼamo afaʼa aligune.


aliʼyaʼamo neʼaliya vekamoʼmo hunoʼaeʼmo, hemenimo aliʼyaʼmo afoʼamoʼmo oʼmegaiye, huno huteno aliʼyaʼmo neʼaliya ve aʼnemo aepa faino apamagiteno alopa neʼyaʼe aniʼeʼmo neteno negi nagi huno maiʼnenoʼaeʼmo


Lutiʼa Neyomifeʼmo hunoʼaeʼmo, Hoyalegamo uteʼna mali avoyamo hatagauʼa atalesaya mali alagamo alime alime uguve. Mago vekamoʼmo he, kanalene, huno hisigeʼna akame huʼna alime alime visuva kavaʼmo kanalepiye, huno afi geʼnigenoʼaeʼmo Neyomiʼa, he kanalenagi, nanofeloʼnimogamo afaʼa uka ani kavaʼmo huvo, huno ha paiʼniye.


agaemo hunoʼaeʼmo, Nagaemo aliʼyakamo neʼaluva aʼmo maiʼnove. Fikumo naha maeka namisanafeʼmo nahauʼniye, huno ha paiteno ataleno uʼniye. Agaemo neʼyaʼmo netenoʼaeʼmo henagaʼamo magoʼe huno aipamoʼmo kana osuʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ