Aepa Gemae 32:4 - The Keyagana NT and 25 OT books

⁴ Agaemo hapa painoʼaeʼmo, ala vekaʼnimo Isofeʼmo ina ge hutapa ha paiyo. Aliʼyakamo neʼaliya vekamo Yekopuʼa hunoʼaeʼmo, Nagaemo kalaga hageʼna eʼna kalaga vekamoʼna Lepaniʼeʼmo lokaeʼna maiteʼna hemenimo neʼove.

Aepa Gemae 32:4 ပူးပေါင်းရင်းမြစ်များ

Aepa Gemae 23:6

Ala vekae, huʼa, getimo afiyo. Kagaemo hogote lokiya vekamo lagaeteʼmo vayatama vekamo maiʼnanaʼmofeʼmo lagae mopaleʼmo alagepa kanolufiʼmo afaʼa kika ategane. Haiya mopale kanoluʼmo aliguve, huka hisapi ani kanoluʼmo afoʼamoʼmo afaʼa kamisigeka akamo kika ategane, huʼa ha paiʼnae.

Aepa Gemae 25:30

Isoʼa Yekopufeʼmo hunoʼaeʼmo, naunena aisiya agufa kavaʼmo nehigi ani haesa hefa samokafatiʼmo mago hatika namigeʼna neno, huno huʼniye. Ani ge huʼniyaʼmofeʼmo Isofeʼmo alu agiʼamo Itomiʼae, huʼa ateʼnae. Itomiʼae agimo aepaʼamo haesane.

Aepa Gemae 27:29

Vayaʼmogimo aliʼyakamo aliʼa kategae. Muki kotega vayaʼmogimo kagae kaiyafiʼmo maigae. Kagaemo konagakamogiteʼmo yagaika apatesanageʼa kaiyafiʼmo maigae. Ala kava neʼmoʼa muki vayaʼmogi kagaemo aliʼa hosu huʼa katesaya vayaʼaifeʼmo lifana huno apategaiye. Ala kava neʼmoʼa aliʼa auleʼa katesaya vayaʼaina aulena gemo hapa paigiye, huno ha paiʼniye.

Aepa Gemae 27:37

Aisakiʼa Iso geʼaleʼmo aeno atagaina huno ha painoʼaeʼmo, Nagaemo ala vekamo aliʼna ateʼnovanageno agaemo yagaino kategaiye. Nagaemo muki konagaʼamogimo aliʼyaʼamo alisaya vayaʼmo maigae, huteʼna ago aliʼna auleʼna ateʼnove. Nagaemo neʼyaʼe nofi alagafati aniʼeʼmo alisiyafeʼmo aliʼna auleʼna ateʼnove. Mafaʼneʼnimogae, huno, Kaha maesiya kavaʼmo na agufa kavaʼmo hisuve, huno huʼniye.

Aepa Gemae 31:41

Kagaeʼeʼmo tuvetiʼa kafugamo maiʼneʼnaeʼmo lole a mafaʼnekalaʼmo alisuvafeʼmo fotiniʼa kafugamo aliʼyakamo aliteʼna sipisipikafatiʼmo apavalesuvafeʼmo sigisiʼa kafugamo aliʼyakamo aliʼnove. Aliʼnovaʼmonanafa naya lole afinaʼmo aliʼnova aliʼyatefeʼmo miyaʼnimo oʼnamika alu miyaʼmo namiʼnane.

Aepa Gemae 32:18

Kagaemo aliʼyakamo neʼaliya vekamo Yekopu afumo maiʼnayana Yekopuʼmo ala vekaʼamogamo fikumo kaha maeno kamiʼniya afue. Yekopuʼmo henaga neʼe, huka ha paiyo, huno ha paiʼniye.

Aepa Gemae 32:5

Nagaemo pulumaka anagaʼnigi noki anagaʼnigi sipisipi anagaʼnigi meme anagaʼnigi aliʼyaʼnimo neʼaliya ve aʼnegi huʼa maiʼnae. Alagepa kaipamo kalika atesanafeʼmo mani gemo huteno alino lateʼnigeta kagaetegamo one, hutapa ha paiyo, huno hapa paiʼniye.

Aepa Gemae 33:14

Kahaoke hovanagi, kagaemo uka hogotetegeʼna nagaemo kakame huʼna vino. Muki yuna afu anagaʼmo uʼa hogotetesageʼna nagaemo vase vase huʼna visugeʼa apanaʼau anagaʼmo ani kava huʼa visayaʼmoʼmo afaʼa alagepa huʼa ugae. Ani kavaʼmo huliʼna uʼna Siya kotegamo ala vekaʼnilegamo avaʼyi huguve, huno ha paiʼniye.

Aepa Gemae 33:8

Isoʼa Yekopufeʼmo, Na kavatefeʼmo muki vayaʼe yuna afuʼeʼmo alika apateʼnanageʼa nagaetegamo eʼnae, huno ge huno afi geʼnigenoʼaeʼmo, Ala vekaʼniye, huno, Alagepa kaipamo kalika natesanafeʼmae, huno ha paiʼniye.

Aepa Gemae 36:9

Isoʼa Iʼnomi nofi vayaʼai afoʼapimoʼmogeʼa Siya avefiʼmo maiʼnae.

Aepa Gemae 4:7

Alagepa kavaʼmo hisanageʼnaeʼmo amuse huʼna kateteʼna kavalegauve. Hosu kavaʼmo huʼnisanaʼmoʼmo hosu kavaʼmoʼa katafausiyafeʼmo eno kipateʼmo yagaino maiʼniye. Hosu kavaʼmoʼa yagaino katesiyafeʼmo hauʼniyaʼmofeʼmo kagaemo hosu kavaʼmo aiyafi oʼmaika aeka aga so, huno ha paiʼniye.

1 Kini 20:32

Inagi apakaemo kogu kukenamo vaiteʼa lugoʼapifiʼmo makalaniletiʼmo aiʼa kiteʼa Isaleli kini vekalegamo uʼa ina ge huʼa ha paiʼnae. Meniheʼneʼmo aliʼyakamo neʼaliya vekamoʼmo hunoʼaeʼmo, Kahaoke hove, huno, kamitimo oʼnamagiyo, huno huʼniye, huʼa ha paiʼnageno Ehapiʼmo hunoʼaeʼmo, Agaemo afaʼageʼmo maiʼnifiye. Agaemo nepuʼnimokana huno maiʼniye, huno hapa paiʼniye.

Hatu maeno apate'niya gemae 32:22

Eloniʼa hunoʼaeʼmo, Ala neʼnimogae, huʼna, kaipamo leka oʼnato. Kagaemo mani vayaʼmogi hosu kavaʼmo hisayafeʼmo hapauʼniya vayaʼmo maiʼnageka ago apakeʼnane.

Mai'naya kavane 15:1

Mago vekamoʼmo aipamo leno katesigekaeʼmo aipamoʼmo falu hisiya gemo hisanagenoʼaeʼmo aipamoʼmo falu hugiyaʼmonanafa lokiya gefatiʼmo hisanagenoʼaeʼmo aipamo magoʼe huno legaiye.

Mai'naya kavane 25:15

Vayaʼmogimo falu fala gemo huteʼa oʼatalesayana kini vekamoʼmo ani gemo henagaʼamo afigiye. Falumo hisaya gemoʼmo apayamufamo aino lo aegaiye.

Mai'naya kavane 6:3

Kagaemo kao vekamo aiyafiʼmo maiʼnanaʼmofeʼmo hatu maeka katesanafeʼmo kao vekalegamo uka kagikaleʼmo alika afepi ateteka afaʼa nato, huka ge huka afi go.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

1 Pita 3:6

Selaʼa ani kavaʼmo huno Emalehamu aiyafiʼmo maiʼneno geʼamo afitenoʼaeʼmo, kava vekaʼnimae, huno huʼniye. Lapakaemo atete osutapa alagepa kavaʼmo hutapa maiʼnisayana Sela aʼmafaʼneʼamo maiʼnae.

1 Samiyo 26:17

Soloʼmo ani Nevini agemo afitenoʼaeʼmo Nevinifeʼmo keya aeno ge huʼniye. Neviniyo, Mafaʼneʼnimogae, huʼna, Kagae gepiye, huno ge huno afi geʼnigenoʼaeʼmo Neviniʼmo hunoʼaeʼmo, Ala vekaʼnimogae, huʼna, he kini vekae, huʼna, nagae geʼmae.