Aepa Gemae 32:22 - The Keyagana NT and 25 OT books

²² Ani haniʼilagamo Yekopuʼa he tino lole aʼalanagi aliʼyaʼamo neʼaliʼa atalanagi leveniʼa ve mafaʼne anagaʼagi huno apavaletegeʼa uʼa Yomoki aniʼmo lakaeʼnae.

Aepa Gemae 32:22 ပူးပေါင်းရင်းမြစ်များ

Aepa Gemae 29:21

Ani seveniʼa kafugamo Yekopuʼmo aliʼyaʼmo ago alino hano huteno Lepanifeʼmo hunoʼaeʼmo, ani seveniʼa kafugamo ago hano huʼnigi a mafaʼnekamo avaleka namigeʼna alino, huno huʼniye.

Aepa Gemae 32:21

Muki fikumo amisiya yaʼamo ago uno hogotetegeno agaiʼamo ani haniʼilagamo vayaʼaʼeʼmo maiʼniye.

Aepa Gemae 32:23

Apavalelino uno aniʼmo lakaeno uno mugagayaga faligamo apateteno halate eno muki aliʼyaʼamo neʼaliya vayaʼmo alino apateʼnigeʼa muki yaʼamo aliteʼa aniʼmo lakaeʼa uʼnae.

1 Timoti 5:8

Mago vayaʼmogi konagaʼapimogiteʼmo alagepa huʼa noʼyagaisayana hosu kavaʼmo nehayaʼmonanafa afamo anagaʼapileʼmo yagaiʼa noʼapatesayana magoʼe huʼa hosu kavaʼmo nehae. Ani kavaʼmo nehisaya vayaʼmo mono gemo ataleʼa apakesamo afiʼa fatago nosaya vayaʼmo magoʼe huʼa aeʼa apakaseʼa alagi hosu vayaʼmo maiʼnae.

Yasuva 12:2

Apakaemo kame huʼa aeʼa aga seʼnaya kini vekamo Saihoniʼmo Emo vayaʼmogi kini vekamo Hesamoni taonifiʼmo maiʼnenoʼaeʼmo Giliyati koʼmo magokayaga haopaʼalegamo yagaiʼniye. Koʼamo hakuʼmo Alove taonimo Anoni ani haigileʼmo haneʼniya taonifatiʼmo aepa faiteno hanelino Anoni aniʼmo folagapatiʼmo hanelino Yamoku anitegamo uʼniye. Yamoku aniʼmo Emo vayaʼmogi hakuʼmo haneʼniye.