Aepa Gemae 32:14 - The Keyagana NT and 25 OT books

^14-15 Lekana paino ateʼniya afu anagaʼmo tu hataletiʼa a memegi tuvetiʼa ve memegi tu hataletiʼa a sipisipigi tuvetiʼa ve sipisipigi tetiʼa kamolu anagaʼmogi nuʼapifatiʼmo anuʼamo lapaiʼa nesaya kamolu anaganagi apanaʼauʼaʼenagi fotiʼa a pulumakagi teniʼa ve pulumakagi tuvetiʼa a nokigi teniʼa aikeli nokigi huno lekana paino ateʼniye.

Aepa Gemae 32:14 ပူးပေါင်းရင်းမြစ်များ

Aepa Gemae 30:43

Ani kava huʼniya kavatetiʼmo Yekopuʼa magoʼe huno asole sipisipi anagaʼamo maige meme anagaʼamo maige aliʼyaʼamo neʼaliya ve aʼnemo maige kamoluʼamo maige nokiʼamo maige huʼniye.

Aepa Gemae 31:10

Ina kava huno moko aliʼnaya afinaʼmo alagamuna ageʼnovana lopale tapale ve sipisipimogiʼe kalono yaʼapimo haneʼnisiya ve sipisipimogiʼeʼmo aeto aeto apakufaʼe apakufaʼe sipisipi anagaʼmogimo moko aliʼnageʼna ageʼnove.

Aepa Gemae 31:16

Gotiʼa afotiʼamo muki yaʼamo ago hafaleno kamiʼniyaʼmofeʼmo laʼagaeʼe muki mafaʼne anagatiʼaʼeʼmo lagaiti yaʼmo haneʼniye. Hemenimo Gotiʼa kaha paiʼniya kavaʼmo afaʼa hugane, huʼana ha paiʼnaʼae.

Aepa Gemae 31:9

Gotiʼa ani kavaʼmo huʼniya kavatetiʼmo afotanimo memefatiʼe sipisipifatiʼeʼmo apavaleno namiʼniye.

Aepa Gemae 32:13

Yekopuʼa ani haniʼilagamo havaeteno egaʼamo agaemo apavalelino eʼniya yapatiʼmo nepuʼamoʼmo Isoʼmo fikumo amisiya yaʼmo lekana paino ateʼniye.

Aepa Gemae 33:11

Gotiʼa fikumo naha maeno namiʼnigeʼna muki yaʼaʼnimo alagi haiʼmo haneʼniyaʼmofeʼmo kahaoke hovanagi, fikumo nekamuva yaʼmo afa aliyo, huno lokiya gefatiʼmo huʼnigeno Isoʼmo aliʼniye.

Aepa Gemae 43:11

Afoʼapimoʼmo Isaleliʼa hapa painoʼaeʼmo, Mago alu kaʼmo ohaneʼnisiyaʼmoʼmo ani kavaʼmo hiyo. Lapakaemo mani kotetiʼmo hogote neʼyaʼmo fikumo amisayafeʼmo kutapifiʼmo aita alinitapa visaya neʼyaʼmo yosa anufati malasinigi lume anugi alagepa atumo neʼaiya uveligi alu alagepa yosa alaga alu alagepa yosa alagagi hutapa alinitutapa amiyo.

Mai'naya kavane 17:8

Hosu kavaʼmo hisayafeʼmo fikumo apamiʼnageʼa aliʼnaya vayaʼmogi apaulagaleʼmo alopa monileʼyaʼmo aeno agaseʼniya yaʼmo haneʼneno apayateʼmo neʼaliye.

1 Samiyo 25:2

Maoni taonifi vekamo agiʼamo Nemoʼmo Kelepi nofi vekamo maiʼniye. Agaemo lusi kagemi yaʼaʼe vekamo maiʼnigeʼapaeʼmo tali tauseniʼa sipisipi anagaʼmo maige vani tauseniʼa meme anagaʼamo maige huʼnae. Aʼamo agiʼamo Amigeʼae. Agaemo alagepa huno afino aeto huʼniya a kanomo alagepa apaulagamo ageʼnaya a kanomo maiʼniye. Maiʼniyaʼmonanafa anauʼamoʼmo gemo nehapaiya vekamo hosu kavaʼmo nehiya vekamo maiʼniye. Mago mopaʼamo Kamo taonimi haopaleʼmo haneʼnigeʼa apakaemo ani koteʼmo sipisipi anagaʼamo apayokaʼmo lagauʼa maiʼnae.