Aepa Gemae 32:11 - The Keyagana NT and 25 OT books

¹¹ Nagaemo nunumuʼmo huʼnaeʼmo nepuʼnimoʼmo Isofeʼmo koli nehuvanagi ayapatiʼmo nagufamo alika katika natesanafeʼmo yagaika nato. Fiku yanageno enoʼaeʼmo nagaeʼe afamo anagaʼniʼeʼmo kamemo lahaegaiye.

Aepa Gemae 32:11 ပူးပေါင်းရင်းမြစ်များ

Aepa Gemae 24:27

Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Aepa Gemae 27:42

Lipekaʼa hogote mafaʼneʼamo Isoʼa hisiya kavafeʼmo huʼniya gemo ago ha paiʼnae. Inagi agaemo henaga mafaʼneʼamo Yekopufeʼmo ge huʼnigeno ha painoʼaeʼmo, Afiyo, huno, Nepukamo Isoʼa hunoʼaeʼmo, alagi kamitimo amagisugeno naipamoʼmo falu hugiye, huno huʼniye.

Aepa Gemae 32:3

Yekopuʼa mago apa vayaʼmo alino apateʼnigeʼa Siya kotega Itomi nofi vayaʼai mopalegamo Yekopu nepuʼamoʼmo Isotegamo uʼa hogoteʼnae.

Aepa Gemae 32:7

Yekopuʼa ani gemo afitenoʼaeʼmo lusi kava huno koli huge agesa alaʼamo afige huteno muki vayaʼagi muki yaʼagi huno alino fako huno apateʼnigeʼa lole agufa aluʼmo aiʼa maiʼnae.

Aepa Gemae 33:4

Huʼniyaʼmonanafa Isoʼa nagu nagu huno eno anu kiteno haeno neʼnigeʼana aviʼyaʼmo huʼnaʼae.

Samu 119:134

Namiʼnana keʼaepa gekamo akame hisuvafeʼmo kana yaʼmo aliʼa namiʼnaya kavapatiʼmo hatu maeka nato.

Samu 142:6

Alagi afepilagamo maiʼnovanagi kagaefeʼmo naha mao, huʼna keya aeʼna ge huʼnova gemo afiyo. Kame vayaʼnimogi lokiyaʼapimoʼmo lokiyaʼnimo aeno nagaseʼniyaʼmofeʼmo apayapatiʼmo nagufamo alika katika nato.

Samu 16:1

O Gotiyo, huʼna, nagaemo kagaefekeʼmo aliʼna amufa kamiʼnovaʼmofeʼmo yagaika nategeʼnao afaʼa maino.

Samu 25:20

Nagupi mafaʼneleʼmo yagaika ateʼneka hosu kavategatiʼmo navalelikuka naote nato. Nagaemo kagaefekeʼmo aliʼna amufa kamiʼnovaʼmofeʼmo navagage osino.

Samu 31:2

Kagetafo huka afiteka malage huka hosu kavategatiʼmo navalelika eno. Vayaʼmogimo yafa kapiʼmo alagepa huʼa neʼmaiya kava huʼna alopa yafaʼnimo maiʼnegeʼnao kagaepiʼmo alagepa huʼna maiguve.

Mai'naya kavane 18:19

Kamemo huʼa aeʼa apaka seteʼa lokiya taonimo alisaya kavaʼmoʼa lokiya vaiʼniyaʼmonanafa konagakamoʼeʼmo ge vaitetanaeʼmo agaemo aipamo alika falu hisana kavaʼmoʼmo magoʼe huno lokiya vaiʼniye. Ge neʼvaiya kavaʼmoʼmo lokiya kitaleʼmo loki ae maleʼnaya kitagana huno haneʼniye.

Neniyo 3:17

Kagaemo huʼnana agufa kavaʼmo lagaetegamo hisanaʼmoʼmo aliʼyaʼamo neʼaluna Gotitimoʼa alopa sitopufiʼmo neleya atafatiʼmo lagufamo afaʼa alino katino lategaiye. O kini vekae, huta, kayapatiʼmo lagufamo afaʼa alino katino lategaiye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

1 Samiyo 12:10

Kame hapaeʼnageʼa Isaleli vayaʼmogi Ala kava nefeʼmo keya aeʼa ge huʼapaeʼmo, Lagaemo kagaemo kataletuta aigofe gotigimo Meligitefenagi aʼne gotigimo Asatalotigitefenagi huta monoʼmo huʼnonaʼmofeʼmo hosu kavaʼmo huʼnone. Hosu kavaʼmo huʼnonaʼmonanafa kame vayatimogi apayapatiʼmo lagufamo alika katika lategetao kagaetefeʼmo mono huteta aliʼyakamo aligune.

1 Samiyo 24:15

Inagi Ala kava neʼmoʼa laʼagaepatiʼmo ina laʼmo hosu kavaʼmo huʼnifigeno alino fako huno laʼategaiye. Agaemo ani kavatefeʼmo ageteno naha maeno nagufamo alino katino nateno, huno ha paiʼniye.