Aepa Gemae 32:10 - The Keyagana NT and 25 OT books

¹⁰ Kagaemo aliʼyakamo neʼaluva vekamoʼnaeʼmo kahau huka natege naha maege lama gemo alika nave lige huʼnana kavapiʼmo uʼna haiʼna metaleʼnove. Nagaemo hogoteʼna Yoneni aniʼmo lakaeʼna uʼnova afinaʼmo mago yaʼnimo oʼaliʼnovaʼmonanafa hayopa kayoʼnigeʼmo aliniʼna uʼnove. Aliniʼna uʼnovaʼmonanafa hemenimo halate eʼnova afinaʼmo lole alulaʼmo afole aiʼnone.

Aepa Gemae 32:10 ပူးပေါင်းရင်းမြစ်များ

Aepa Gemae 18:27

Emalehamuʼa magoʼe gemo hunoʼaeʼmo, Nagaemo afaʼa mumusopagana laʼnefagana huʼna maiʼneʼna ina agufa vekamo maiʼnovaʼmonanafa Ala kava netegamo ge hisuvafeʼmo nagaiʼnimo afaʼa he tiʼnove.

Aepa Gemae 24:12

Havaetagenoʼaeʼmo Gotifeʼmo hunoʼaeʼmo, Ala kava neʼmo ala vekaʼnimo Emalehamu Gotiʼamogae, huno, Kahao ke hove, kagaemo ala vekaʼnimo Emalehamutegamo alagepa kavaʼmo hisanafeʼmo mani afinaʼmo aliʼyaʼnimo alagepa huka alika afole aika ato.

Aepa Gemae 24:27

Mono hunoʼaeʼmo, Ala vekaʼnimo Emalehamu Ala kava neʼamo Gotifeʼmo aliʼna auleʼna ategauve. Gotiʼa ala vekaʼnimo oʼataleno hau huno atege lama geʼamo alagi akame huge huteno ha maeʼniye. Nagaemo kategamo eʼnogenoʼaeʼmo Ala kava neʼmoʼa kaʼmo alino ho huno nateʼnigeʼna ala vekaʼnimo nofi vayaʼalegamo eʼnove, huno mono huʼniye.

Aepa Gemae 28:13

Yekopuʼa ageyana Ala kava neʼmoʼa ani hakayamo anagaʼmo maiʼneno, Nagaemo Ala kava neʼmo kaginago vekamo Emalehamu Gotiʼamoʼnamo maiʼneʼna Aisaki Gotiʼamoʼnamo maiʼnove. Ani havaeʼnana mopamo kagaikaʼe kaginago vayaʼeʼmo lapamiguve.

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Aepa Gemae 30:43

Ani kava huʼniya kavatetiʼmo Yekopuʼa magoʼe huno asole sipisipi anagaʼamo maige meme anagaʼamo maige aliʼyaʼamo neʼaliya ve aʼnemo maige kamoluʼamo maige nokiʼamo maige huʼniye.

Aepa Gemae 31:3

Inagi Ala kava neʼmoʼa Yekopufeʼmo hunoʼaeʼmo, halate uka afokamo kotegamo nofi vayakaʼeʼmo maiʼnegeʼna kagaeʼeʼmo magokepi lokaeʼna maino, huno ha paiʼniye.

Aepa Gemae 32:5

Nagaemo pulumaka anagaʼnigi noki anagaʼnigi sipisipi anagaʼnigi meme anagaʼnigi aliʼyaʼnimo neʼaliya ve aʼnegi huʼa maiʼnae. Alagepa kaipamo kalika atesanafeʼmo mani gemo huteno alino lateʼnigeta kagaetegamo one, hutapa ha paiyo, huno hapa paiʼniye.

Aepa Gemae 32:7

Yekopuʼa ani gemo afitenoʼaeʼmo lusi kava huno koli huge agesa alaʼamo afige huteno muki vayaʼagi muki yaʼagi huno alino fako huno apateʼnigeʼa lole agufa aluʼmo aiʼa maiʼnae.

Samu 16:2

Nagaemo Ala kava nefeʼmo, Ala kava neʼnimo maiʼnane, huʼna kaha nepauve. Kaha maesuvafeʼmo alagepa kavaʼmo nosufa ma mopafi maiʼnaya apaote vayaʼmo hapa maesuvafekeʼmo alagepa kavaʼmo nehuve. Apakaemo hogote vayaʼmo maiʼnageʼna apakaefekeʼmo amuse huʼna neʼapatove.

Samu 18:35

Kagaemo nagufamo alika katika natetekaeʼmo alagepa huʼna maisuvafeʼmo yagaika nateʼnane. Lamaga kayatetiʼmo natafauʼnanageʼna afaʼa asagauʼna oʼaiʼna he tiʼna maiʼnove. Kagaemo vase vase huka naha maeʼnanageʼnaeʼmo ala vekamo hamaleʼnove.

Samu 61:7

Agaemo Goti aulagaleʼmo muki afinaʼmo alagepa huno maige maige huno maigiye. Kahau huka atesana kavaʼe agaetefeʼmo lama geʼeʼmo alo huvo. Kahau huka ateteka alagepa huʼna yagaiʼna kategauve, huka huʼnana lama gekaletiʼmo yagaika ategane.

Samu 8:5

Kagaemo vemo mafaʼnemo alika atege enisole vayaʼmo alika apatege huʼnanageʼapaeʼmo enisole vayaʼmogimo aise afinaʼmo aeʼa agaseʼa maiʼnae. Enisole vayaʼai apaiyafiʼmo alika ateteka ha le konali yaʼaʼe ala agiʼaʼeʼmo amiʼnane.

Samu 84:7

Lokiya vaime vaime uʼa magoʼe huʼa lokiya vaiʼa uʼa aigofe gotiʼapimogimo aeno apakaseʼniya Gotitegamo Saiyoni kotegamo agegae.

Samu 85:10

Hau huno apatesiya kavaʼaʼe lama geʼaʼeʼmo eʼana fotu huʼnaʼae. Fatago kavaʼaʼe alino nanu aeno apatesiya kavaʼaʼeʼmo eʼana hanaeʼana neʼnaʼae.

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Aiyeya 6:5

Nagaemo huʼnaeʼmo, Nagaemo oʼaniʼya navayamo haneʼnigeʼna oʼaniʼya apavayamo haneʼniya vayaʼmogi folagapiʼmo maiʼnovaʼmofeʼmo lusi kava huʼna kage kage huteʼnaeʼmo, alagi afela heʼnove. Faliʼnova vekamo maiʼnove. Naulagafatiʼmo Ala kava neʼmo asole vayaʼaiteʼmo yagaino neʼapateya kini vekaʼapimo ago ageʼnovaʼmofeʼmo faliʼnova vekamo maiʼnove.

Aiyeya 63:7

Nagaemo Ala kava neʼmoʼa hau ayamopafiʼmo hauʼniya kavafeʼmo ava gemo aeʼna hakalo huteʼna ala agiʼamo amiguve. Ala kava neʼmoʼa fikumo lamiteno Isaleli vayaʼmogitaeʼmo hau huno lateteno lusi kava huno hau ayamopafiʼmo hauʼnigeno muki afinaʼaeʼmo fiku laha maeʼniye. Muki ani alagepa kavaʼalefeʼmo ala agiʼamo amiguve.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Luki 17:10

Ani kavaʼmo hutapa Gotiʼa muki lapa paiʼniya geʼamo afitetapaeʼmo akame huteta ani gemo hutapaeʼmo, aliʼyaʼmo neʼaluna vayaʼageʼmo maiʼnone. Alagepa kavaʼmo afaʼa osuʼnonaʼmonanafa aliʼyatigekeʼmo aliʼnone, hutapa hiyo, huno hapa paiʼniye.

Luki 5:8

Saimoni Pitaʼa ani kavaʼmo ageteno Yesu aiyafiʼmo agoʼya faiʼnenoʼaeʼmo, Ala kava nene, huno, hosu vekamo maiʼnovanagi nataleka uvo, huno ha paiʼniye.

2 Kolitiyani 12:11

Negi vekagana huʼna negi gemo huʼnovaʼmonanafa ani kavatefeʼmo alita he titapa nateʼnae. Naha maetapa nagiʼnileʼmo alita asaga hutapa nateʼnaesinana kanale kavaʼmo huʼnaesine. Afa vekamo maiʼnovaʼmonanafa hogoteʼa aeʼa apakaseʼnaya apa vayatapimogi aeʼa oʼnagaseʼnaya vekamo maiʼnove.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.