Aepa Gemae 30:2 - The Keyagana NT and 25 OT books

² Yekopuʼa Lesofeʼmo aipa leno atetenoʼaeʼmo, Gotiʼa kaipamo alino kalagu ki maleʼnigekaeʼmo mafaʼnemo alika noʼatane. Nagaemo Goti aimuʼyaleʼmo afaʼa oʼmaiguve, huno ha paiʼniye.

Aepa Gemae 30:2 ပူးပေါင်းရင်းမြစ်များ

Aepa Gemae 16:2

Selaiʼa Emalemifeʼmo, Afiyo, huno, Ala kava neʼmoʼa mafaʼnemo aliʼna oʼatesuvafeʼmo naipamo ago alino akani maleʼniyanageʼna mafaʼnemo aliʼna oʼategauve. Oʼategauvaʼmofeʼmo kahaoke hovanagi uka aliʼyaʼnimo neʼaliya a mafaʼneʼeʼmo magokepiʼmo lokaeka havao. Agaepatiʼmo nagae mafaʼnemo mago maisafi, huno ha paiʼniye. Inagi Emalemiʼa huʼniya gemo afiʼniye.

Aepa Gemae 25:21

Aisaki aʼmo Lipekaʼa mafaʼnemo alino oʼateʼnigenoʼaeʼmo Aisakiʼmo Ala kava nefeʼmo nunumuʼmo huʼnigeno Ala kava neʼmoʼa afitenoʼaeʼmo ha maeʼnigeno Lipekaʼmo aipaguʼeʼmo maiʼniye.

Aepa Gemae 29:31

Ala kava neʼmoʼa ageʼniyana Yekopuʼmo Liyafeʼmo ohauʼnigeno Liyaʼmo ha maeʼnigeno aipaguʼeʼmo maiteno ve mafaʼnemo agiʼamo Lumeniʼmo alino ateʼniye. Agaemo hunoʼaeʼmo, Ala kava neʼmoʼa neʼaluva kana yaʼnimo ago ageʼniye. Hemenimo anauʼnimoʼmo nagaefeʼmo haugiye, huno huʼniye. Mafaʼnemo alino ateʼniyaʼmonanafa Lesoʼmo anamo maiʼniye.

Aepa Gemae 31:36

Inagi Yekopuʼa aipa leʼnigeno Lepanifeʼmo ge haunoʼaeʼmo, Nagaemo na agufa hosu kavaʼmo kagaetegamo huge na agufa kavaʼnimo agetekaeʼmo navegala aelika eʼnane.

Aepa Gemae 50:19

Yosefeʼa hapa painoʼaeʼmo, Lapakaemo koli osiyo. Nagaemo Gotiʼnamo oʼmaiʼnovanageʼna agoti huʼna olapategauve.

2 Kini 5:7

Isaleli kini vekamoʼmo ani avopiʼmo lekana paitenoʼaeʼmo kukena yaʼamo alino apake aitenoʼaeʼmo, Vae, na agufa kavaʼmo higenoʼaeʼmo Siliya kini vekamoʼmo nagaemo ani vekamo lepolosi kaitaʼamo aliʼna hageʼna atesuvafeʼmo ge huno atalegeno eʼniye. Nagaemo Gotiʼnamo maiʼnogeno lokiyaʼnimo haneʼninageʼna vayaʼmo afaʼa maisaya kavaʼmo huge vayaʼmo falisaya kavaʼmo huge hisufiye. Nagaemo afiʼnovana agaemo nagaemo kamemo nahaesiya kafeʼmo kahauya huʼnegaiye, huno huʼniye.

Samu 113:9

Agaemo anamo aʼne anagaʼmo afamo anagaʼapifiʼmo maisayafeʼmo fikumo hapa maeno neʼapamiye. Ala kava neʼmo agiʼaleʼmo alitapa asaga hiyo.

Samu 127:3

Afiyo, huʼna, Ala kava neʼmoʼa agaiʼageʼmo mafaʼne anagaʼapimo neʼapamiye. Mafaʼneʼapimo alagepa miyakana huno neʼapamiye.

Hatu maeno apate'niya gemae 32:19

Moseseʼa maiʼnaya yateʼmo eno avaʼyi hutenoʼaeʼmo apakeyana pulumakamo auneʼamo haneʼnigeʼapaeʼmo muki vayaʼmogimo ogefage nehageno apakeʼniye. Moseseʼa apaketenoʼaeʼmo aipamo leʼnigeno lole yafatalaʼmo avemo aiyafiʼmo yaga auno ataleʼnigeno aino akaya heʼniye.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Maki 3:5

Yesuʼa aulu hapaeno apakelinuneno huteno aipamo leno apateʼniye. Lokiya apaipa vayaʼmo maiʼnayaʼmofeʼmo aipamoʼmo kana huʼniye. Agaemo hunoʼaeʼmo, kayaʼmo aeka hayo huvo, huno huʼnigeno aeno hayo huʼnigeno ayaʼmo alino api aino ateʼnigeno alu ayakana huno haneʼniye.

Luki 1:42

Ilisameteʼmo alopa gefatiʼmo ge hunoʼaeʼmo, Gotiʼa mago aʼne anagaʼaitegamo nosiya agufa kavaʼmo huno kagaemo lusi kava huno alino auleno kateteno kaipafiʼmo maiʼniya mafaʼneʼeʼmo alino auleno ateʼniye.

Efasasi 4:26

Hosu kavafeʼmo lapaipamo leno. Lapaipamo lesiya afinaʼmo hosu kavaʼmo osiyo. Fiku yanagetapa lapaipamo leme leme neʼvisageno yegemo uno lamino falegaiye.

1 Samiyo 1:5

Huʼniyaʼmonanafa Elakenaʼmo Hanafeʼmo hauʼniyaʼmofeʼmo lole agufa yaʼmo Hanaʼmo amiʼniye. Ala kava neʼmoʼa Hana aipamo alino akani maleʼnigeno mafaʼnemo alino oʼateʼniyaʼmonanafa Elakenaʼmo Hanafeʼmo lusi kava huno hauʼniye.