Aepa Gemae 3:8 - The Keyagana NT and 25 OT books

⁸ Ala kava neʼmo uneʼmo alino falu huʼniya kanaleʼmo hoyafiʼmo sapa sapa hulino eʼnigeʼana afiteʼanaeʼmo Ala kava netegatiʼmo anaune hetaleʼana uʼana yosa hoyafilagamo fala kiʼnaʼae.

Aepa Gemae 3:8 ပူးပေါင်းရင်းမြစ်များ

Aepa Gemae 18:33

Ala kava neʼmo ataleno uʼnigeno Emalehamuʼa noʼalegamo uʼniye.

Aepa Gemae 3:10

sapa sapa hulika eʼnageʼna afiteʼnaekeʼmo nagufalagaʼageʼmo maiʼnovaʼmofeʼmo koli huteʼna eʼna fala kiʼnove, huno huʼniye.

Mai'naya kavane 15:3

Ala kava neʼmoʼa muki haopalegamo ageno maiʼneno hosu kavaʼmo agege alagepa kavaʼmo agege huno neʼmaiye.

Yona 1:3

Yonaʼa Ala kava netegatiʼmo ataleno aune hetaleno Tasisi taonifiʼmo ugefeʼmo huʼniye. Ataleno uno Yopa taonifiʼmo uno lamino Tasisi taonifiʼmo ugefe huʼniya sipimo miya faiteno sipifiʼmo uno haino maiʼniye. Yonaʼa Ala kava netegatiʼmo ataleno aune hetaleno uʼniye.

Lomu 2:15

Apakaemo laipafiʼmo avoʼmo kae maleʼniya keʼaepa geʼamo haneʼniye, huʼa aliʼa apave neliye. Yuʼilaga vekaʼapimoʼa, mani kava hiyo, ina kava osiyo, huno hapa nepaiye. Apakaemo apakesa afiteʼapaeʼmo hosu kavaʼmo nehune, huʼa huge alagepa kavaʼmo nehune, huʼa huge nehae.

Himulu 4:13

Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

Leveleseni 6:15

Hutegeʼapaeʼmo ma mopafi ala kini vayanagi yagaiʼa neʼapataya vayanagi ati vayaʼaiteʼmo yagaiʼa neʼapataya vayanagi kagemi yaʼapiʼe vayanagi lokiya vayanagi muki kalavusi aliʼyaʼmo neʼaliya vayanagi afaʼa neʼmaiya vayanagi huʼa muki vayaʼamo uʼa yafa kapiʼmo fala kige avefiʼmo haneʼniya yafa kapiʼmo uʼa haiʼa fala kige huʼnae.