Aepa Gemae 3:20 - The Keyagana NT and 25 OT books

²⁰ Inagi Atamuʼa aʼaeʼmo agiʼamo, Iviʼae, huno ateʼniye. Muki afaʼa maisaya ve aʼnemogi itaʼapimoʼmo maiʼniyaʼmofeʼmae.

Aepa Gemae 3:20 ပူးပေါင်းရင်းမြစ်များ

Aepa Gemae 16:11

Afiyo, huno, kaipaguʼeʼmo maiʼnananageka ve mafaʼnemo alika ategananagi agiʼamo Isameliʼae huka ato. Ala kava neʼmoʼa kana aliʼnana kavaʼmo ageʼniyaʼmofeʼmo Isameliʼae huka ato. Isameliʼae agimo aepaʼamo haneʼniyana Gotiʼa neʼage.

Aepa Gemae 2:23

Ve kanomoʼmo a kanomo agetenoʼaeʼmo ina ge huno huʼniye. Ayamufaʼamo nagae nayamufamo hanege ameʼamo nagae nameʼmo hanege huʼniye. Gotiʼa ve kanofatiʼmo a kanomo alo huno ateʼniyaʼmofeʼmo apakaemo, ane, huʼa apaki aegae, huno huʼniye.

Aepa Gemae 3:21

Ala kava neʼmo Gotiʼa sipisipi agufaletiʼmo yatala kukenamo alo huteno Atamuʼe aʼaʼeʼmo vaino anateʼniye.

Aepa Gemae 5:29

Alino atetenoʼaeʼmo agiʼamo Noaʼae huno ateʼniye. Agaemo hunoʼaeʼmo, Ala kava neʼmoʼa geʼaletiʼmo mopamo alino hosu huno atalesigeta lahaise vose huta aliʼyaʼmo neʼaluna kavaʼamo laha maesigeta maita haga legaune, huno hapa paiʼniye.

Hatu maeno apate'niya gemae 2:10

Ani mafaʼnemo kosino alopa heʼnigenoʼaeʼmo itaʼamoʼmo avalelino uʼnigeno Felo a mafaʼnemoʼmo agaiʼa mafaʼneʼagana huno avaleno agaiʼniye. Nagaemo anipatiʼmo avaleʼnova mafaʼnemae, huteno agiʼamo Moseseʼae huno ateʼniye.

Matiyu 1:21

Agaemo ve mafaʼnemo alino atesigenoʼaeʼmo ani mafaʼnemoʼmo vayaʼamo hosu kavapatiʼmo apakufamo alino katino apategaiyaʼmofeʼmo agiʼamo Yesuʼae huka ato, huno ha paiʼniye.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Apa 17:26

Agaemo magoke vekamo alo huʼniya vekafatiʼmo alu nofi vaya alu nofi vayaʼmo alino afole aino apateʼniye. Hogoteno hunoʼaeʼmo, hainu afinaʼmo maisafi haiyategamo maisafi, huno lekana pai maleʼniye.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

1 Timoti 2:13

Gotiʼa hogoteno Atamuʼmo alo huteno Iviʼmo alo huno ateʼniyaʼmofeʼmae.

1 Samiyo 1:20

Mago afinaʼmo utegeno Hanaʼa aipaguʼeʼmo maiteno ve mafaʼnemo alino ateʼniye. Agaemo hunoʼaeʼmo, Nagaemo Ala kava nefeʼmo namiyo, huʼna ge huʼna afigeʼnovaʼmofeʼmo agiʼamo Samiyoʼae, huʼna ategauve. Samiyoʼae agimo aepaʼamo Gotiʼa geʼnimo afiʼniye.