Aepa Gemae 3:19 - The Keyagana NT and 25 OT books

¹⁹ Lusi kava huka ahaise vose hukageʼmo aliʼyaʼmo aliteka neʼyaʼmo alika afole aika negane. Inagi kagaemo muki afinaʼmo ina kava huka aliʼyaʼmo alitekaeʼmo falisana afinaʼmo mopafiʼmo uka lamigane. Na kava hinagekaene. Nagaemo mopaletiʼmo alo huʼna kateʼnovaʼmofeʼmo halate mopafiʼmo uka lamigane.

Aepa Gemae 3:19 ပူးပေါင်းရင်းမြစ်များ

Aepa Gemae 18:27

Emalehamuʼa magoʼe gemo hunoʼaeʼmo, Nagaemo afaʼa mumusopagana laʼnefagana huʼna maiʼneʼna ina agufa vekamo maiʼnovaʼmonanafa Ala kava netegamo ge hisuvafeʼmo nagaiʼnimo afaʼa he tiʼnove.

Aepa Gemae 2:7

Ala kava neʼmo Gotiʼa mopamo aliteno ve kanomo alo huʼniye. Agaemo agoʼya katalapiʼmo avamusamo aino fu huʼnigeno afaʼa maisiya vekamo ha maleʼniye.

Aepa Gemae 23:4

Nagaemo kalaga hageʼna kalaga vekamo eʼna lapakae folagapiʼmo maiʼnove. Aʼnimo ago faliʼniyanageʼna kiʼna atesuvafeʼmo mago mopamo miya faigesuve, huno ge huno apafi geʼnigeʼapaeʼmo

Aepa Gemae 3:18

Aufe nofiʼe ino kahauʼeʼmo hoyakamo aeno atikaegaiye. Mopakaletiʼmo kahaufilagatiʼmo neʼyaʼmo alika negane.

Aepa Gemae 5:5

Atamuʼa muki kafugaʼamo naeni hataleti tetiʼa kafuga maiteno faliʼniye.

Samu 103:14

Agaemo hunoʼaeʼmo, mopaletiʼmo alo huʼna apateʼnove. Mumusopaletiʼmo alo huʼnova vayageʼmo maiʼnae, huno agesamo afiʼniyaʼmofeʼmo lagaetegamo vase vase huno aliʼyaʼmo neʼaliye.

Samu 104:23

Nehavageʼapaeʼmo vayaʼmo uʼa aliʼyaʼapimo neʼaligenoʼaeʼmo yegemo uno lamino nefale.

Samu 104:29

Kagaemo kakameʼyamo apamiʼnanageʼapaeʼmo lusi kava huʼa kolikamo nehae. Kagaemo apavamusateʼmo aliʼnanageʼapaeʼmo faliteʼa halate mopamo aliʼa nehamalae.

Samu 127:2

Lapakaemo kotilamiyapiʼmo lapaupatiʼmo he titapa aliʼyaʼmo alime alime uta haniʼilagamo notapilegamo eta avaʼyi hutetapaeʼmo lapaipamoʼmo falu osuʼnigetapa afa aliʼyaʼmo aliʼnagenoʼaeʼmo neʼyaʼmo afole noʼaiye. Alagepa yatapimo afole noʼaiyaʼmonanafa hau ayamopafiʼmo hauʼniya vayaʼamo fiku hapa maeno neʼapamigeʼapaeʼmo apau nekalae.

Samu 22:15

Hapamo leno hau nehiya kava huno lokiyaʼnimo hau huʼnigeno lokiyaʼnimo alagi ohaneʼniye. Ani kava huno navenafuʼnamo hau huʼnigeno navayafiʼmo aeno kamaeʼniye. Nataleʼnanageʼna falisuvafeʼmo nehuve.

Samu 22:29

Ma mopafiʼmo alagepa huʼa neʼmaiya vayaʼmogimo neʼyaʼmo neteʼa agaefeʼmo mono hugae. Muki vayaʼmogimo apakaiʼapimo afaʼa hapa oʼmaeʼa faligefeʼmo huʼnisaya vayaʼmogi apaleʼyamo faiteʼa ape huʼa maigae.

Samu 90:3

Kagaemo vayaʼaifeʼmo, halate mopamo alita hamaleyo, huka huteka nefaligekaeʼmo mopamo alika hamaleka neʼapatane.

Mai'naya kavane 21:16

Mago vekamoʼmo afino aeto hisiya kaʼmo atalesiyana faliʼnaya vayaʼmo aliʼa anupa huʼa neʼmaiyategamo uno maigiye.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

1 Kolitiyani 15:47

Hogote vekamo mopaletiʼmo alo huno ateʼnigeno ma mopafatiʼmo afole aiʼniye. Napa tu vekamo Ala kava neʼmo kokuʼnapatiʼmo emineʼniye.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.

2 Tesaloniyani 3:10

Lapakaeʼeʼmo magokepi lokaeta maiʼnetaeʼmo, aliʼyaʼmo alisiyafeʼmo ohauʼnisiya vekamoʼmo neʼyatapimo oʼnegaiye, huta lokiya gemo huta lapa paiʼnone.

Himulu 9:27

Gotiʼa hunoʼaeʼmo, muki vayaʼmo magoke afinaʼmo falitesageʼna agoti huʼna apategauve, huno hu maleʼniye.